Македонија

Семејни несогласувања неофицијално се причина за нападот врз носителот на листа на ДУИ

Полицијата има потенцијален осомничен за вчерашниот напад во Куманово врз Зекирија Шаини, дознава Канал 5 од извори во истрагата.

Полицијата има потенцијален осомничен за вчерашниот напад во Куманово врз Зекирија Шаини, дознава Канал 5 од извори во истрагата, но се уште нема потврда дали приведениот е лицето кое среде бел ден пукаше во носителот на советничката листа на ДУИ во О. Липково додека тој се движеше во неговиот автомобил. Неофицијално, мотивот за вооружениот напад немал политичка заднина, туку станувало збор за несогласувања во кругот на поширокото семејство.

Шаини кој од вчера со прострелни рани во раката и ногата беше хоспитализиран на Клиника во Скопје, денеска ќе биде пуштен на домашно лекување.

-Пациентот, 43 годишен, кој што вчера беше примен од Кумановската болница е со огнострелни повреди, вчера е направена хируршка интервенција врз него, обработени се раните и денеска е во добра општа состојба и ќе биде пуштен на домашно лекување.- Д-р Игор Мерџановски – Директор на ТОАРИЛУЦ.

Од неговата матична партија – ДУИ сметаат дека целта на нападот била да предизвика несигурност, страв и тензии и побараа итна разрешница.

-Ова не е обичен случај, туку настан со силни индикации за атентат и мора да се третира како таков. Нашите барања се јасни и легитимни. Бараме да се преземе итна акција без одложувања и без политички калкулации. Да се идентификува и уапси сторителот, како и сите лица вмешани во организирањето на овој напад--Арбр Адеми – Портпарол на ДУИ.

Во однос на инцидентот во Виница пак, неизвесна останува здравствената состојба на кандидатот за советник Имит Скопко од Демократскиите сили на Ромите, кој заврши во кома по вербална расправија. За напаѓачот, кој со бекатон плочка му го скршил черепот обвинителството побара 30 дневен притвор.

-Се работи за многу тешка телесна повреда, освен телесната повреда има и некои други дополнителни отежнувачки фактори кои ја усложнуваат целата негова здравствена ситуација. Пациентот беше итно опериран, благодарение на таа интервенција се даде шанса. Сега е на нашето интензивно лекување на респираторна поддршка. Состојбата е стабилна, но се уште далеку од конечно некое решение. Животозагрозувачка состојба, пациентот, се бориме секој ден за него.-Д-р Љуљзим Агаи – Дир на клиника за неврохирургија.

Скопко кој е предложен од страна на партијата на Шабан Салиу, беше нападнат на 2ри октомври пред ресторан во Виница. Според обвинителството, по вербална расправија, осомничениот најпрво го фатил за јакна удирајќи го по стомакот, а потоа двајцата продолжиле да се удираат со камења. Обидите да се раздвојат биле неуспешни, по што осомничениот го удрил со бекатон во задниот дел од главата, по што Скопко паднал во бесознание.

Тагови: Куманово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Притвор за братот на Виктор Орбан?

Според извештаите на унгарските медиуми, меѓу осомничените е и Арон Орбан, братот на поранешниот унгарски премиер Виктор Орбан.

Во Унгарија се приведени четири лица осомничени за трговија со луѓе како дел од криминална група која дејствувала заради стекнување финансиска корист, а полицијата покрена постапка за нивно задржување во притвор, соопшти Националната полициска управа (ORFK).

View this post on Instagram

A post shared by 360tka.sk (@360tka.sk)

Според извештаите на унгарските медиуми, меѓу осомничените е и Арон Орбан, братот на поранешниот унгарски премиер Виктор Орбан. Иако полицијата експлицитно не го именуваше во своето соопштение, пренесува порталот „Index“.

Националното биро за истраги (NNI) го заврши испрашувањето на осомничените, кои беа приведени во понеделникот. Во истрагата учествуваат и Националната канцеларија за повраток и заштита на имот (NVVH), како и Европол.

Полицијата се сомнева дека, во текот на неколку месеци во 2024 година, осомничените им помагале на виетнамски државјани да добијат унгарски визи и потоа да отпатуваат во Западна Европа, наплаќајќи им таканаречени „надоместоци за регрутирање“.

Според досегашните наоди од истрагата, тие на овој начин им помогнале на повеќе од 100 виетнамски државјани.

Надлежните наведоа дека странските државјани тврделе оти доаѓаат во Унгарија на краток престој за да посетуваат курсеви за стручна обука. Сепак, повеќето од нив не ги посетувале овие курсеви, ниту пак ја напуштиле земјата откако им истекле визите.

Истражителите се сомневаат дека нивната вистинска цел била да стигнат до Западна Европа преку Унгарија. При претреси на неколку локации во Будимпешта и во округот Пешта, запленети се документи, електронски податоци и уреди кои би можеле да послужат како докази во истрагата за трговија со луѓе и корупција.

Еден од осомничените се товари и за тргување со влијание.

Орбан се огласи

Виктор Орбан на социјалните мрежи изјави дека постапката претставува политичка одмазда и дека неговиот брат е само средство што се користи за напад врз него.

„Јас сум целта, мојот брат е само средство“, напиша Орбан, тврдејќи дека целта е да се елиминира политички противник и да се воспостави еднопартиски систем.

Петер Маѓар, унгарска политичка личност, реагираше на овие изјави, истакнувајќи дека поранешниот премиер веднаш се обидел да ја префрли одговорноста врз другите и да се претстави себеси како жртва. Претставници на Фидес тврдат дека постапката против Арон Орбан е политички мотивирана, додека членови на опозицијата и правни експерти покренаа прашања во врска со владеењето на правото, тајмингот на започнување на истрагата и протекувањето на официјални информации.

Тагови: Виктор Орбан

Шоу биз

Расел Бренд осуден на 10 и пол години затвор

Британскиот комичар и актер Расел Бренд е осуден на десет и пол години затвор во Лондон, откако минатата седмица беше прогласен за виновен за силување на една жена и три дела на сексуален напад.

Пресудата беше изречена во Кралскиот суд во Саутворк, а веднаш потоа Бренд беше ставен во притвор, пренесува *Page Six*.

Поротата донесе одлука по тридневно разгледување на случајот. Бренд беше ослободен од обвиненијата за уште две силувања и еден обид за сексуален напад. Судијата Бенатан претходно го предупреди дека „значителна“ затворска казна е неизбежна, а неговото барање за пуштање на слобода со кауција беше одбиено.

Осудата за силување се однесува на инцидент од 2009 година, кога една жена го обвини Бренд дека ја нападнал во неговиот дом во Лондон.

Нејзина пријателка сведочеше дека, по средбата, жената ѝ кажала оти неколкупати му рекла „не“ на комичарот и дека потоа чувствувала силна болка. Како што пренесува „Њујорк тајмс“, за време на судењето, Бренд тврдеше дека сексуалниот однос бил доброволен и дека жената никогаш не побарала од него да престане.

Сепак, тој призна дека ја искористувал својата слава за да стапува во сексуални односи со жени. Но, пред поротата, тој инсистираше на тоа дека согласноста е „фундаментална, суштинска и неопходна“.

Обвинувањата против него првпат излегоа во јавноста во септември 2023 година, по истрагата спроведена од „Сандеј тајмс“ (*The Sunday Times*).

Судскиот процес опфаќаше седум обвиненија поврзани со шест жени и настани што се случиле во периодот меѓу 1999 и 2009 година.

Бранд се изјасни за невин по сите точки од обвинението.

Проблемите на Бранд не завршуваат тука. Лондонската полиција (Метрополитен полиција) истражува уште две пријави за силување. Една од нив се однесува на жена која имала 16 години кога, според пријавата, била во врска со Бранд, кој во тоа време имал 30 години.

Забава

„Форбс“ го проценува богатството на поранешниот член на „Битлси“: Пол Макартни е милијардер и третиот најбогат музичар во светот

Славниот Пол Макартни, член на легендарната група „Битлси“, официјално влезе во друштвото на милијардери.

Според проценката на списанието „Форбс“, неговото нето-богатство изнесува најмалку 1,4 милијарди долари, што го прави третиот најбогат музичар во светот.

„Форбс“ ја објави оваа проценка, во првото издание на својот нов билтен „The Billie“, кој е посветен на милијардерите.

Пред 84 годишниот Макартни се наоѓаат само Џеј-Зи, чие богатство се проценува на 2,8 милијарди долари, и Тејлор Свифт, со 2 милијарди долари.

Според „Форбс“, најголемиот дел од богатството на Макартни е поврзан со издавачката компанија „MPL Communications“, која тој ја основал во 1969 година – само неколку месеци пред распадот на „Битлси“.

Преку оваа компанија, тој се стекнал со авторските права на дела од други уметници и композитори. Тука спаѓаат музичкиот каталог на Бади Холи, мјузикли од Бродвеј, како и познати божиќни музички стандарди. „Форбс“ ја проценува вредноста на „MPL“ на најмалку 250 милиони долари. Т

ој, исто така, остварува значителен приход од „Apple Corps“ – компанија во сопственост на членовите на „Битлси“ и нивните наследници. Според „Форбс“, оваа холдинг-компанија генерира повеќе од 50 милиони долари годишно, благодарение на стримингот, продажбата на винилни плочи и производите со обележја на бендот.

Макартни, Ринго Стар, како и наследниците на Џон Ленон и Џорџ Харисон, поседуваат еднакви удели од по 25 отсто во компанијата. Вредноста на секој од овие удели се проценува на над 150 милиони долари. Приходи од музика Друг значаен извор на приход доаѓа од авторските права на песните на „Битлси“.

Во текот на изминатите две децении, Макартни водеше правни битки за да ги поврати правата врз дел од музичкиот каталог.

Според проценките на „Форбс“, овој сегмент му носи најмалку 10 милиони долари годишно, додека вкупната вредност на неговите авторски права се проценува на најмалку 200 милиони долари.

Вкупната вредност на неговиот имот ги вклучува и заработките од концертни турнеи, недвижнини во Обединетото Кралство и во Хемптонс, како и вредна уметничка колекција која содржи дела од Пабло Пикасо и Рене Магрит. Меккартни одби да ги коментира проценките за неговото богатство објавени од „Форбс“.