Селма Хаек облечена во свила и кадифе среде пустина во Јордан со сопругот милијардер! - Канал 5

Шоу биз

Селма Хаек облечена во свила и кадифе среде пустина во Јордан со сопругот милијардер!

Познатата актерка со мексиканско потекло ужива на патувањето во Јордан со својот сопруг, милијардерот Франсоа-Анри Пино(60) кој е наследник на модна империја.

Селма Хаек облечена во свила и кадифе среде пустина во Јордан со сопругот милијардер!

Селма неодамна „ги почести“ своите обожаватели на Инстаграм со видео од нејзиното патување во Јордан. На снимката, таа ги гали камилите и околните кучиња скитници, но најголемо внимание предизвика облеката што ја облекла за едно вакво патување. Имено, ден претходно таа објави дека е во Јордан и сподели неколку фотографии на кои е соодветно облечена. Таа имаше црно пончо, косата ѝ беше пуштена и немаше шминка.

- Ја вдишувам магијата на Џордан - напишала кратко во описот и нагласила дека фотографиите ги направил нејзиниот сопруг Пино.

Меѓутоа, еден ден подоцна таа објави фотографии на кои може да се види како им приоѓа на камилите да ги гали и му се заблагодарува на локалното население што ѝ овозможиле да ужива во мирот и спокојот на нивната земја. Додека патува низ теренот со пустински пејзажи и карпести ридови, каде најверојатно дошла на камила, Селма е облечена како за модна писта.

Таа носи свилена блуза во пастелна киви-зелена боја со долги ракави и длабоко деколте, која ја искомбинирала со сатенски или можеби свилени, црни ѕвонести панталони. На вратот носи долг златен синџир со голем приврзок во форма на кристал.

– Талкајќи низ древните чуда на Јордан, чекор по чекор – напишала таа, додека видеото доби 322.000 „лајкови“ и илјадници коментари.

Се разбира, Селма на патувањето била со сопругот со кого се фотографирала. Инаку, тој е извршен директор на конгломератот Керинг, кој поседува многу луксузни модни брендови и вреди 59,9 милијарди долари. Тој стои зад брендовите Гучи, Ботега Венета, Александар Меквин и Баленсијага. Тие се во среќен брак 13 години, а се запознале случајно.

- Беше толку глупаво. Почнавме да зборуваме за фудбал. И двајцата сме луди по фудбал. И потоа почнавме да зборуваме за наука. И двајцата ја сакаме вселената и физиката, а тој беше толку паметен, шармантен и забавен – открила таа за медиумите.

Иако актерката никогаш не сакаше да ги открие деталите од нивното запознавање, медиумите дознаа дека таа и Пино се запознале пролетта 2006 година во Венеција на гламурозен настан организиран од Керинг. Само една година откако се запознале, се свршија и објавија дека чекаат дете. Но, токму во тоа време манекенката Линда Евангелиста откри дека Пино е татко на нејзиниот тригодишен син. Селма ја раскина свршувачката, но подоцна беше потврдено дека Пино не бил во врска со Селма кога ѝ го направил детето на Линда. Во 2009 г. познатата актерка и милијардерот се смирија и се венчаа во Париз на Денот на вљубените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Вокален и пијанистички огномет“ за роденденот на „Охридско лето“

Со вокален раскош,  пијанистичка виртуозност и уметничка енергија, „Охридско лето“ го одбележа својот 66. роденден. 

„Вокален и пијанистички огномет“ за роденденот на „Охридско лето“

Во прекрасната „Света Софија“ каде и започна приказната за „Охридско лето“, фестивалската публика имаше можност да ужива во впечатливиот настап на Мајан Лихт, контратенор од Израел и Пшемек Виницки, пијанист од Полска, уметници кои со својата интерпретација донесоа посебна енергија и уметничка емоција на фестивалската сцена.

-Роденденот на „Охридско лето“ секогаш е посебен момент за нас, затоа што го славиме она што е суштината на фестивалот – уметноста, врвните уметници и публиката. Годинава овој значаен ден го одбележавме со два исклучителни уметници, Мајан Лихт и Пшемек Виницки, кои приредија концерт исполнет со виртуозност и емоција. Особено ми е драго што и оваа година роденденската вечер беше пред полна „Света Софија“ и што публиката заедно со нас го сподели овој убав момент. Тоа е најголемата потврда дека традицијата на „Охридско лето“ продолжува да живее, вели директорот на „Охридско лето“, Ѓорѓи Цуцковски.

Лихт, еден од највозбудливите вокални уметници на денешницата, со својот специфичен глас и впечатлива сценска интерпретација донесе несекојдневна музичка енергија. Неговата вокална виртуозност дојде до израз во внимателно одбраната програма, која ги обедини барокот, романтизмот и познатите оперски нумери.

-Се радуваме што настапуваме на 66. Роденден на „Охридско лето“. Станува збор за култен фестивал што постои толку многу години и на кој секоја година доаѓаат врвни уметници, а тука сме и ние, изјави талентираниот Лихт по завршувањето на концертот.

Во акустичниот амбиент под сводовите на црквата одекнаа дела од Хендл, Броши, Глинка, Шимановски, Персл и Бизе, меѓу кои „Ombra mai fu“, „Venti, turbini“, „Lascia ch’io pianga“, „The Cold Song“ и „Хабанера“ од „Кармен“.

Посебен дел од вечерта беше посветен на пијанистичката виртуозност. Пшемек Виницки се претстави со дела од Менделсон и Бетовен, меѓу кои и прочуената „Патетична“ соната, внесувајќи дополнителна динамика и раскош во роденденската концертна програма.

Роденденската вечер во „Света Софија“ заврши со долг аплауз од публиката, која со воодушевување ги поздрави уметниците и нивната извонредна изведба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Салах претставен во својот нов клуб, ќе заработува 17 милиони евра годишно

Досегашната ѕвезда на Премиерлигата и Ливерпул, 34 годишниот Мохамед Салах беше претставен како нов играч на Трабзонспор. 

Салах претставен во својот нов клуб, ќе заработува 17 милиони евра годишно

Трансферот на легендарното египетско крило во Трабзонспор претставува неочекуван потег, со оглед на тоа што во изминатите месеци тој главно се поврзуваше со клубови од Саудиска Арабија и со Бешикташ.

Приказната за Трабзон се појави неодамна, а работата брзо беше завршена. Поранешниот фудбалер на Ливерпул – со кого клубот спогодбено го раскина договорот – ја даде својата прва изјава за веб-страницата на Трабзонспор. „Трабзон, дали сте подготвени? Ве слушам. Се гледаме наскоро“, рече Салах.

Трабзонспор се смета за четвртиот најголем турски клуб, покрај истанбулските гиганти Фенербахче, Галатасарај и Бешикташ. Минатата сезона тие завршија на третото место и ќе играат во квалификациите за Лигата на Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски : СДС и Филипче со години молчеа за небезбедната вода, а денес глумат загриженост за граѓаните

СДС и Филипче се обидуваат да собираат политички поени на темата вода во Гостивар, а со години не кажаа ниту збор за случаите на небезбедна вода кои биле евидентирани додека токму тие ја водеа државата.

Манасиевски : СДС и Филипче со години молчеа за небезбедната вода, а денес глумат загриженост за граѓаните

Деновиве објавивме документи, кои јасно покажуваат дека надлежните институции во нивно време располагале со информации за небезбедна вода во повеќе населени места. Но, наместо решенија и транспарентност, граѓаните добија молк.

СДС и Венко Филипче должат одговор на три едноставни прашања.

Зошто не ги известиле граѓаните за наодите?

Колку од тие случаи биле целосно отстранети?

И третото и најважно, со кое лице бараат одговорност за нешто што самите со години не го решавале?

Не може исти луѓе кои со години беа власт, денес да се претставуваат како да немаат никаква одговорност за состојбите што ги оставиле зад себе.

Наместо политички театар, СДС и Филипче, треба да им објаснат на граѓаните зошто ништо не направиле додека ја имаа целата институционална моќ во свои раце.

Валентин Манасиевски, портпарол на ВМРО-ДПМНЕ

YouTube video

Прашање: Кој е вашиот став за денешното обвинување од страна на СДС дека наводно се создава терен за прифаќање на француски предлог?

Одговор: Хистеријата во СДС е на завидно ниво. Талогот од СДС веќе не знае што повеќе да излаже. Ќе ве потсетам, лажеа со години дека ќе банкротираме во 2024 година, во 2025 година. Еве сега сме 2026. Не банкротиравме. А лажат дека ќе банкротираме и оваа година.

Лажеа и за ИПАРД програмата, дека ќе биде блокирана, дека парите нема да бидат наменети за земјоделците, но еве и таа лага се распрсна како меур од сапуница.

Лажеа за мигрантите. Ќе ве потсетам, велеа дека ќе дојдат во март, април, мај, јуни. Еве сега сме август. Нема ни трага ни глас од никакви мигранти по договорот со Обединетото Кралство.

Лажеа за извештајот на европратеникот Томас Вајц. Лажеа, а сега денес слушаме и дека ние ќе го прифатиме тој француски предлог. Ние во Собранието имаме 2/3 мнозинство. Доколку сакавме да го направиме тоа, ќе го направевме. Немаше да чекаме волку голем период.

Да резимирам, сè што говори талогот од СДС е сосема спротивно од вистината.

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер