Забава

Секси соновник: Дознајте што значат вашите еротски сништа

Еве неколку типични секс соништа и кое е нивното значење:

Барање место за секс

Ако сонувате дека со вашиот партнер барате место за секс, тоа значи дека ви недостасува интимност или дека во вашиот сексуален живот постои монотонија. Ако при вашето трагање чувствувате мачнина, тоа значи дека сте загрижени за иднината на врската.

Секс со непозната личност

Ако сонувате дека имате секс со непозната личност, тоа значи дека во животот ви недостасува возбуда. Вашиот ум ви препорачува да се релаксирате и да бидете спонтани.

Секс со забранета личност

Овие соништа најчесто предизвикуваат голема непријатност кога ќе се разбудите, но овие соништа не ви покажуваат дека и во реалноста посакувате да имате секс со таа личност, туку едноставно дека таа личност ве заинтригирала.

Или дека љубовниот живот моментално ви е досаден, па посакувате да воведете нешто возбудливо.

Секс со бившиот/ата

Овие соништа се прилично чести и се резултат на потсвесното споредување на сегашната врска со претходната. Ако сте сингл, тоа значи дека имате некои неразрешени работи со бившиот партнер.

Секс на јавно место

Овој сон има двојно значење. Првото значење е дека потребно ви е пријателите или некој близок од семејството да го одобри вашиот партнер. Второто значење е дека потајно посакувате и вие да имате некој од квалитетите и способностите на партнерот.

Тројка

Соништата во кои имате секс во тројка најчесто означуваат дека самодовербата ви е намалена и дека нешто ви недостасува во емотивниот живот.

Хомосексуален секс

Соништата за секс со некоја личност од истиот пол воопшто не се ретки. Ако сте жена, тоа значи дека вам ви е потребно повеќе нежност во животот. Ако сте маж, тоа значи дека потребна ви е акција.

Ако сонувате дека изневерувате или ве изневеруваат

Овие соништа ги прикажуваат вашите стравувања дека партнерот ќе ги изгуби емоциите кон вас.

Секс со позната личност

Сонот каде вие имате секс со некоја славна личност најчесто значи, дека во вашиот партнер ги барате идеалните карактеристики кои ги има таа славна личност. Покрај тоа, може да значи дека потајно посакувате луѓето повеќе да ве ценат.

Ако не гледате како изгледа партнерот

Ако лицето на партнерот со кој имате сексуален однос во сонот не се гледа или е матно, тоа значи дека сакате вашите таленти да бидат препознаени и да го покажете својот потенцијал.

Живот

Жена положила возачки испит од 961. обид, стана популарна во светот по упорноста (ВИДЕО)

Трета среќа, или во случајот со јужнокорејската пензионерка Ча Са-Сун, 961-ва среќа.

Оваа пензионерка ја добила возачката дозвола откако конечно го положила писмениот возачки испит на 69-годишна возраст, пренесува Asian Culture Unlocked во видео кое брзо стана вирално на YouTube, објави Телекс.

Кога конечно положи во 2010 година, таа имала 69 години и станала локално славна личност бидејќи нејзината приказна инспирирала многу луѓе кои се борат да го положат својот возачки испит. Са-сун, која сега има 80-ти години, не дозволила ништо да ја спречи и решително го полагала писмениот тест секој ден, пет дена во неделата, во рок од три години.

Тоа ја чинело милиони.

Таа паднала на секој испит, но тоа не ја спречило повторно да се појави и на крајот трудот се исплател. Иако потрошила околу 4.000 евра, на крајот ја добила возачката дозвола.

Кога конечно ги положила испитите, сите нејзини трпеливи инструктори славеле со неа.

-Кога конечно ја доби дозволата, сите излеговме напред и ја прегрнавме. Ѝ подаривме и цвеќе. Чувствувавме како голем товар да е тргнат од сите наши срца. Немавме храброст да ѝ кажеме да престане бидејќи таа постојано се појавуваше - изјави Парк Су-Јеон, инструкторка во автошкола.

Нејзината приказна го привлече дури и вниманието на Hyundai, кој ја награди Са-Сун со автомобил кој чинел 16.800 долари. Таа се појавила и во нивната популарна реклама.

Свет

Најскромниот претседател на светот има рак на хранопроводот: Ќе се борам додека можам

Поранешниот претседател на Уругвај, Хозе „Пепе“ Мухика денеска соопшти дека по медицинскиот преглед минатата недела му бил дијагностициран рак на хранопроводот.

Мухика (88) изјави дека автоимуното заболување од кое боледува веќе 20 години создава потешкотии кога се работи за хемотерапија и дека операцијата би била ризична, но дека лекарите размислуваат за опции.

На новинарско прашање за прогнозата, Мухика рече дека не е лекар и дека не знае што да очекува, пренесува Обсервадор.

Тој нагласи дека ќе продолжи „да се бори додека може“, а ги повика младите Уругвајци својот гнев да го претворат во надеж, да се борат за љубов и да бараат помош доколку се зависници од наркотици.

„Благодарен сум и на крајот на денот никој не може да ми ги одземе убавите моменти кои ги имав“, изјави Пепе.

Во април 2021 година, тој имаше операција на хранопроводникот поради повреда од „туѓо тело“, а личниот лекар на Мухико тогаш објави дека станувало збор за рибна коска.

Лекарите по операцијата потврдија дека поранешниот претседател има чир на хранопроводникот, и дека нема повреда.

Мухика ги освои симпатиите ширум светот бидејќи за време на неговиот претседателски мандат покажа дека е скромен човек кој вози стара „буба“, поради што го доби прекарот „најскромниот претседател на светот“.

Автомобилизам

Хонда „се сели“ на друг континент- вложуваат милијарди во фабрика во Канада

Јапонскиот производител на автомобили Honda Motor денеска објави дека сака да изгради фабрика за електрични возила (EV) во Канада и е подготвен да инвестира 11 милијарди американски долари во овој проект.

Honda започнала преговори со канадските власти за добивање субвенции за проектот во Онтарио, пренесува агенцијата Kyodo.

Вистинската инвестиција на Honda во создавањето на синџир за снабдување со електрични возила во Канада се очекува да биде од 60 до 70 отсто од вкупната сума, бидејќи и добавувачите на материјали ќе ги поделат трошоците.

Хонда планира да започне со производство во новата фабрика за електрични возила, која ќе биде втора од ваков вид во Северна Америка, во 2028 година.

Јапонската компанија моментално ја реконструира својата постоечка фабрика во Охајо во Соединетите Американски Држави со цел таму да произведува исклучиво електрични автомобили од 2025 година.