Секс на работно место во Русија? - Канал 5

Секс на работно место во Русија?

Според анкетите повеќе од половината Руси ја нашле својата љубов меѓу колегите.

Секс на работно место во Русија?
Русите одат на работа, меѓу другото, и за да се дружат и за да се сакаат. Не секоја девојка ќе остане да работи во претпријатие во кое работат само жени без перспектива за градење на личниот живот. И не секој маж би се радувал на исклучиво момчешко опкружување без можност да флертува со колегите во сукњи.

Љубов на работно место е како во сериски филм. И непосредните херои, и гледачите добиваат нови впечатоци, емоции и дополнителен стимул да одат на работа за да ги проследат најновите развои на настаните. Народното правило „не спиј со оној со кој работиш“ често се нарушува.

„Ми текнува како еднаш на работа моравме да ги отстраниме камерите од ходниците крај скалите“, се сеќава шефот на службата за безбедност на еден бизнис-центар. “„Ми дојде раководителот на една од фирмите на катот и побара од мене да ги видиме снимките од камерите од последните два дена. Седиме со него и ги гледаме. Причина за тоа беше што недостасувал принтер во нивната фирма. Откако ги погледнавме снимките од последните неколку дена, сфативме дека нашите скалила се љубовен агол. Принтерот на снимките не го ни видовме. Следниот ден дојдоа раководителите од други фирми на катот и напишаа молба со барање да се отстранат камерите на нивните катови. Тие не им помагаа во безбедноста, а, од друга страна, не сакаа да собираат компромитирачки материјал за своите работници“.

Сепак, ова сосема не говори за тоа дека Русите се разуздани и дека не ги прифаќаат моралните правила. Статистиката сведочи за нешто сосема спротивно.

Според анкетите повеќе од половината Руси ја нашле својата љубов меѓу колегите. И тука постои голема разлика од советските времиња. Во времето на Советскиот Сојуз постоеја клубови на интереси, каде луѓето можеа да се запознаат и да дознаат повеќе еден за друг. Во изменетата канцелариска средина луѓето имаат малку време за личниот живот, па солидната комуникација со колегите е добра варијанта за наоѓање постојан животен сопатник, што е својствено и за западните корпорации. Сепак, руската специфика има свое влијание и тука. Русите, особено жените, се склони кон брак, сметаат дека тоа е неопходен услов за среќен живот. Речиси 80% од Русинките, според анкетата на SuperJob сметаат дека постоењето семејство е главен критериум за среќен живот, а успехот во кариерата е на второ место. /Преземено: Руска реч/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЈО: Предложен притвор за загрозување на сигурноста во Куманово

Основното јавно обвинителство Куманово, постапувајќи по кривична пријава од СВР Куманово, поведе постапка против едно лице за кривично дело – Загрозување на сигурноста .

ЈО: Предложен притвор за загрозување на сигурноста во Куманово

Основното јавно обвинителство Куманово, постапувајќи по кривична пријава од СВР Куманово, поведе постапка против едно лице за кривично дело – Загрозување на сигурноста од член 144 став 3 во врска со став 2 и став 1 од Кривичниот законик и предложи на осомничениот да му биде определена мерка притвор.

Согласно зајакнатиот механизам за итна меѓуинституционална координација и постапување во предметите поврзани со семејно насилство, во конкретниот случај веќе се преземаат дејствија за обезбедување на доказите, особено имајќи предвид дека насилничкото однесување на осомничениот 54-годишник се повторува.

Против него веќе е поднесено едно обвинение за телесна повреда на неговата ќерка при вршење семејно насилство под дејство на алкохол, кое е во фаза на судење.

Дејствијата на загрозување на сигурноста што сега ги презел вклучуваат не само вербални закани дека ќе ги запали ќерката и внуката, туку и конкретни дејствија со кои тој истурил две шишиња бензин во домот.

По пријавата на настанот итно е изготвена проценка на ризик која укажува на сериозна опасност по животот и физичкиот и психичкиот интегритет на жртвата и членовите на нејзиното семејство и на ризик од повторување на насилството. Овие проценки упатуваат на оправдан страв дека осомничениот би можел не само да ги повтори до сега сторените дела, туку дека би можел да стори и потешко дело, односно да го стори делото со кое се заканува.

Поради ваквите околности јавниот обвинител оцени дека во конкретниот случај целта на притворот не би можела да се оствари со некоја друга поблага мерка и предложи најстрога мерка за обезбедување присуство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари

Основното јавно обвинителство Битола поднесе Обвинителен предлог против едно лице за кривично дело – Телесна повреда според член 130 став 2 во врска со став 1 од Кривичниот законик, односно повреда нанесена при вршење семејно насилство.

Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари

Обвинетиот, на 10 ноември, во неговиот дом во Битола, телесно ја повредил неговата девојка. По вербална расправија меѓу нив, ја удирал по лицето со тупаници и шамари, па ја стегал за вратот и устата, со што и нанел површинска телесна повреда и неколку нагмечувања и крвни подливи.

Обвинетиот во текот на постапката за прибирање докази беше обезбеден со мерка притвор, имајќи ги предвид ризиците тој да се обиде да го избегне кривичниот прогон и да го повтори насилното однесување. Притоа обвинителството ги ценеше информациите дека тој непосредно по настанот избегал од полициска станица и неколку дена не бил достапен. Сметајќи дека овие ризици и натаму постојат, јавниот обвинител со поднесеното обвинение му предложи на судот да ја продолжи притворската мерка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Комо без првата ѕвезда,Кен ги пропушта дуелите со ПСЖ и Барселона?!

Фудбалерот на Комо, Моиз Кен, ќе отсуствува од терените најмалку два месеца поради повреда, потврди тренерот на најпријатното изненадување во европскиот фудбал , Сеск Фабрегас.

Комо без првата ѕвезда,Кен ги пропушта дуелите со ПСЖ и Барселона?!

26-годишниот италијански репрезентативец ја повредил десната нога за време на натпреварот против Белгија во Лигата на нации, но најновиот проблем се појавил на левата нога, објасни Фабрегас.

Од Комо претходно соопштија дека по враќањето од репрезентативните обврски, Кен морал да побара медицинска помош поради повреда заработена на тренинг.

Поради оваа принудна пауза, напаѓачот би можел да ги пропушти и важните натпревари во Лигата на шампионите против Пари Сен Жермен и Барселона, кои се на програмата во јануари.

Италијанскиот клуб моментално се наоѓа на четвртото место на табелата во Лигата на шампионите, во која учествуваат 36 екипи, а во вторник ќе биде домаќин на АЕК. До крајот на лигашката фаза, тимот го очекуваат уште дуели со Реал Бетис, како и два големи предизвици против ПСЖ и Барселона.

Кен пристигна во Комо на почетокот на сезоната од Фиорентина, како позајмен играч на една година, а неговото отсуство претставува голем проблем за Фабрегас, кој до јануарскиот преоден рок на располагање го има само Тасос Дувикас како класичен напаѓач. Комо моментално е на петтото место во Серија А, а во сабота на домашен терен ќе го пречека Каљари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер