Здравје

Секојдневното пиење вода со цеден грејпфрут прави чуда за вашиот организам

Ќе ги решите проблемите кои долго ме мачат.

Грејпфрутот е овошје со специфичен слатко-кисел вкус, а црвениот грејпфрут се издвојува како здрав поради високата содржина на витамин Ц, ликопен и каротеноиди. Сепак, и жолтиот и зелениот грејпфрут имаат свои нутритивни вредности, иако се помалку познати. Сите грејпфрути се богати со витамини, минерали и други хранливи материи и се одличен извор на витамин Ц, бета-каротин, витамини од групата Б и калиум. Покрај витамини и минерали, грејпфрутот содржи и флавоноиди кои имаат исклучително корисни антибактериски, антигабични и антиканцерогени својства. Овие флавоноиди главно се наоѓаат во кората, семките и белата опна на грејпфрутот, што му дава дополнителна вредност на ова овошје.

Дали диетата со грејпфрут е ефикасна за слабеење?

Иако тврдењата дека обичниот грејпфрут содржи магични ензими кои помагаат во согорувањето маснотии не се поткрепени со истражувања, студиите открија дека грејпфрутот е позитивно поврзан со губење на тежината.

Едно истражување покажа дека учесниците кои консумирале грејпфрут секојдневно со своите оброци имале намалена големина на струкот. Студијата од 2014 година покажа дека жените кои консумирале грејпфрут во споредба со оние кои не консумирале, имале намалување на телесната тежина, обемот на струкот и индексот на телесна маса (БМИ).

Иако е можно брзо и привремено намалување на тежината со помош на диетата со грејпфрут, сепак порталот „Healthline“ наведува дека тоа најверојатно се должи на фактот што внесувате помалку од 1.000 калории дневно.

Предности

Сепак, вклучувањето на оваа нискокалорична намирница со висока содржина на хранливи материи е паметен и здрав избор - не само за губење на тежината, ако тоа е вашата цел, туку и за целокупното здравје.

Еден грејпфрут содржи над 60 % од препорачаната дневна доза на витамин Ц.

Витаминот Ц има антиоксидантни својства, познато е дека го штити и јакнее имунолошкиот систем.

Покрај заштитата на имунолошкиот систем, истражувањата покажуваат дека консумацијата на грејпфрут е поврзана со поголемо внесување на магнезиум, калиум, диетални влакна и подобрување на квалитетот на исхраната.

Грејпфрутот кој исто така содржи растителни влакна може да ви помогне да се чувствувате посити и да внесувате помалку калории во текот на денот, што може да ви помогне во губење на тежината.

Порција од 100 гр грејпфрут има 32 калории, а сите потекнуваат од јаглехидратите, пишува „One fit“.

Свет

Европската Унија подготвува економска одмазда: Трамп ќе збесне, ако дојде до тоа

Европската унија подготвува одговор на новите царини за увоз на автомобили што ги објави американскиот претседател Доналд Трамп, соопшти Европската комисија (ЕК).

Портпаролот на ЕК, Олоф Гил, изјави за новинарите дека ЕУ жали што новите американски царини за земјите-членки на ЕУ ќе стапат на сила следната недела, нагласувајќи дека Брисел се подготвува за тоа, пренесе Ројтерс.

Гил изјави дека не може да даде точен датум кога ЕУ ќе воведе реципрочни царини против САД, но рече дека може да даде гаранции дека одговорот ќе биде навремен и силен и дека ќе ги постигне предвидените ефекти.

Велика Британија не сака да ја ескалира трговската војна со САД, изјави британската министерка за финансии Рејчел Ривс, додека Франција и Германија бараат силен одговор на Европската унија на новите американски царини што ја погодија европската автомобилска индустрија.

„Трговските војни не се добри за никого. Во моментов не сме во позиција да преземеме мерки кои би можеле да доведат до ескалација“, изјави Ривс за Sky News, одговарајќи на прашањето дали Британија ќе воведе реципрочни царини против САД.

Од друга страна, германскиот министер за економија Роберт Хабер оцени дека воведувањето царини за увозните автомобили, што Трамп го најави во средата, бара одлучен одговор од ЕУ.

Францускиот министер за финансии Ерик Ломбард рече дека се надева дека ќе разговара за пониски царини со САД „што е можно поскоро“.

Трамп во средата објави царини од 25 отсто за увезените возила, што ескалирајќи ја глобалната трговска војна и предизвикувајќи критики и закани за реципрочни мерки од засегнатите сојузници на САД, објави Ројтерс.

Претседателката на Европската комисија Урсула фон дер Лајен го опиша потегот како „лош за бизнисите, полош за потрошувачите“.

Фон дер Лајен рече дека ЕУ ќе продолжи да бара решенија преку преговори, истовремено зачувувајќи ги своите економски интереси.

НБА

Никола Јокиќ се врати по повредата со трипл – дабл

Кошаркарите на Денвер синоќа на домашен терен го совладаа Милвоки со 127:117 и со тоа го забележаа 46. сезонава во НБА лигата.

Најефикасен во тимот на Денвер беше српскиот репрезентативец Никола Јокиќ, кој во првиот натпревар откако се врати на паркетот по повредата забележа трипл-дабл со 39 поени, 10 скокови и 10 асистенции. Српскиот центар ги пропушти претходните пет натпревари на Денвер поради повреда на зглобот.

Во редовите на Милвоки поради повреда отсуствуваа Јанис Антетокумпо и Демијан Лилард.

Денвер е трет во Западната конференција со 46 победи и 28 порази, додека Милвоки е шести на Истокот со 40 победи и 32 порази. /МИА

Свет

Брачна двојка од Јапонија сe депортирани поради скандалозно однесување на Кинескиот ѕид

Маж и жена од Јапонија биле уапсени и депортирани од Кина поради „скандалозно однесување“ за време на нивната посета на Кинескиот ѕид.

Сѐ почнало невино, или барем засегнатите така мислеле, кога сопругот решил да се пошегува па го покажал задникот додека жената го фотографирала на Кинескиот ѕид. Меѓутоа, тој чин, којшто според кинеските закони се смета за „навреда на јавната пристојност“, предизвика бес и доведе до брза депортација на прекршителите, истакнувајќи го судирот на културните норми меѓу Јапонија и Кина, пишуваат кинеските медиуми.

По инцидентот, обезбедувањето на историскиот споменик веднаш реагирало и ги приведе мажот и жената. Поради нивните постапки, тие биле уапсени и две недели биле в затвор пред депортацијата во Јапонија.

Јапонското Министерство за надворешни работи потврди дека туристите „на крајот биле ослободени и вратени во Јапонија“ и оти тоа се случило во јануари, иако веста е објавена сега.

За време на нивниот разговор со дипломатите и надлежните кинески власти, ослободените се правдале дека тоа било шега. Но, нивното објаснување не ја намалува сериозноста на културниот престап и прекршувањето на законските прописи во Кина.