СЕХА лига: Ракометарите на Вардар гостуваат кај Горење - Канал 5

Ракомет

СЕХА лига: Ракометарите на Вардар гостуваат кај Горење

Актуелниот шампион во СЕХА лигата Вардар вечерва во Велење, со почеток 20:45 часот, го игра последниот натпревар оваа календарска година на гости против Горење.

СЕХА лига: Ракометарите на Вардар гостуваат кај Горење
Европскиот првак Вардар нема пораз оваа година во ова натпреварување, па затоа „црвено-црните“ со дополнителен мотив ќе го играат овој натпревар да останат без пораз. По 10-те одиграни кола Вардар е прв со максимални 30 бодови.

- Имаме добра позиција во сите натпреварувања, а ќе бидеме фокусирани максимално на овој натпревар бидејќи секој тим е дополнително мотивиран кога игра против нас. Сакаме да ја завршиме годината со победа над Горење. Ние знаеме дека ќе биде тешко, изјави Раул Гонзалез тренер на Вардар.
Желбата за победа е присутна и кај играчите.

- Знаеме дека секогаш сме фокусирани на победа и тоа е она што ќе се обидеме да го постигнеме во овој последен натпревар во годината и сакаме да ја завршиме сезоната без ниту еден пораз. Ние мора да се фокусираме на нашите перформанси, без разлика кој стои на другата страна. Очекувам победа, истакна за вечерашниот дуел Лука Циндриќ.
Првиот дуел на двата тима Вардар во Скопје го доби со 32:19. Домаќинот Горење се наоѓа на седмото место на табелата со 11 бодови.

- Вардар игра навистина добро, дури и не се сеќавам кога последен пат загубиле натпревар. Ние немаме што да загубиме на овој натпревар и може само да добиеме. Се надевам дека ќе одиграме интересен и допадлив натпревар и очекувам моите играчи да одиграат подобро, изјави Жељко Бабиќ, тренерот на Горење Велење.
Покрај дуелот Горење – Вардар денеска се играат и натпреварите: Мешков Брест – Цеље и Загреб – Татран Прешов./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар се шири во близина на Улцињ: Објектите се загрозени (ВИДЕО)

Пожарот на локалитетот Гач кај Владимир во општина Улцињ се прошири во текот на денот, загрозувајќи одредени објекти и маслинови насади, додека силните ветрови го отежнуваат гаснењето.

Пожар се шири во близина на Улцињ: Објектите се загрозени (ВИДЕО)

Дирекцијата за заштита и спасување е информирана дека пожар на локалитетот Гач во градот Владимир, во општина Улцињ, се проширил во текот на денот.

Пожарот во моментов се заканува на одредени објекти и маслинови насади, додека силните ветрови го отежнуваат гаснењето и го фаворизираат ширењето на пожарот, соопшти Министерството за внатрешни работи на Црна Гора.

Припадници на Службата за заштита и спасување на општина Улцињ, имено пожарникари и спасувачи со расположиви возила, се на местото на настанот.

Воздухоплови од Министерството за внатрешни работи се пренасочени кон оваа локација со цел пожарот да се стави под контрола што е можно поскоро.

Се очекува да пристигнат и членови на Службата за заштита и спасување на главниот град Подгорица за да пружат помош на местото на пожарот.

Министерството за внатрешни работи продолжува да ја следи состојбата на терен преку Оперативно-комуникацискиот центар 112 и им дава поддршка на надлежните служби.

Како што е наведено, Министерството за внатрешни работи ги координира и активностите за ангажирање на расположливи воздухоплови, во согласност со потребите на терен.

Тагови: пожар Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер