Седумнаесет избрани и именувани лица не ги пријавиле фирмите во кои имаат сопственички удел - Канал 5

Македонија

Седумнаесет избрани и именувани лица не ги пријавиле фирмите во кои имаат сопственички удел

Седумнаесет избрани и именувани лица не ги пријавиле фирмите во кои имаат сопственички удел, Македонија има регистар на вистински сопственици, но недоволно се користи.

Седумнаесет избрани и именувани лица не ги пријавиле фирмите во кои имаат сопственички удел

Регистарот на вистински сопственици, односно луѓе кои имаат корист од една фирма т.е. не само оние кои се регистрирани како директори или сопственици, туку кои крајно имаат корист од таа фирма е основан во 2021 година, но тој речиси и да не се користи од надлежните институции во борбата против корупцијата.

Истражување направено од Центарот за граѓански комуникации покажува дека од 17-те институции надлежни во борбата против корупцијата, само две институции го користат овој регистар. Институции како Управата за финансиска полиција, Управата за јавни приходи, Антикорупциската комисија и единиците за економски криминал и партиско финансирање не ги користат податоците од овој регистар.

Како сериозни пречки се посочуваат финансискиот аспект и времето потребно за обезбедување на податоците.

Еден од проблемите е што овој регистар не е бесплатен ниту за физичките, ниту за правните лица. Физичкото лице треба да плати 300 денари за да види дали некој функционер има фирма, а за направи увид во историјатот на фирмата ќе треба да одвои 800 денари. Плаќањето за правните лица е поевтино па така треба да плати 299 денари за да види дали некој функционер има фирма, а за да го провери историјатот треба да плати 600 денари.

Од Центарот за граѓански комуникации кои денеска организираа тематски форум за користење на податоците од регистарот на вистински сопственици препорачуваат надлежните институции да ги вкрстуваат податоците за да се следи трагата на парите и да се види дали одредени податоци од самиот регистар се точни.

Од Центарот спровеле уште едно истражување кое покажало дека 23 избрани и именувани лица кои имаат фирми целосно или делумно не ги пријавиле своите бизнис интереси во изјавата за интерес што ја поднесуваат до Антикорупциската комисија. 17 лица воопшто не ги пријавиле 18-те фирмите во кои имаат сопственички удел, а шест лица наместо да пријават 34 фирми, во изјавите за интерс пријавиле само девет фирми. Практично, речиси секој втор функционер доставил неверодостојни податоци во изјавите за интереси.

Во изјавите доставени до ДКСК недостигаат вкупно 43 фирми кои се во сопственост на избрани и именувани лица, покажува истражувањето.

Политичарите најчесто ги пријавувале фирмите во кои директно се јавуваат како основачи, но не и фирмите што понатаму ги основале нивните компании. Дел од овие фирми имаат добиено јавни набавки или лиценци за вршење енергетска дејност, што укажува на јасен ризик од судир на интереси.

Избраните и именувани лица кои имале фирми не добивале тендери во институцијата со која раководеле, но добивале тендери во други институции.

Дури има и случај во кој претседател на Совет на општина склучува договор со сопствената фирма и се потпишува на двете страни - и во името на општината и во името на фирмата.

Со истражувањето биле опфатени вкупно 360 избрани и именувани лица во периодот од 2022 до 2024 година што значи и актуелни и поранешни функционери. Кај 41 лице било утврдено дека се сопственици на фирми што значи дека 12 проценти од носителите на јавни функции се испробале во бизнис секторот.

- Нашиот регистар е формиран во 2021 година, меѓутоа нашите истражувања покажаа дека тој многу малку се користи во борбата против корупцијата. Ги имаме податоците, меѓутоа малку се користат, а потоа имаме и мала интероперабилност односно вкрстено користење на податоците за вистински сопственици односно кој добил јавни набавки, кои добил концесии, кои добил други тендери, за да се види дали функционерите, затскриени зад некои компании, како крајни сопственици користат државни фондови, злоупотребувајќи ја својата функција, изјави Герман Филков од Центарот за граѓански комуникации.

Од Владата велат дека регистарот на вистински сопственици треба да стане јавно достапен. Според вицепремиерот за добро владеење Арбен Фетаи, разоткривањето на вистинските сопственици на фирмите кои ги добиваат тендерите може да помогне во борбата против корупцијата и судирот на интереси.

- Отчетноста на вистинските сопственици не е само правна обврска, туку тоа е и основата за етичко владеење и фер конкуренција. Над 70 илјади поединци се имаат регистрирано како вистински сопственици со околу 90 проценти обврзани единки и ова покажува една добра транспарентност, но скорешните студии во Република Македонија откриваат дека потенцијалот на регистарот е се уште неоткриен. Предизвиците како што се попречен пристап, недостапност на податоци, слаба верификација, недостаток на институционална интероперабилност, ги намалува истражувачките вредности. Нашиот регистар на вистински сопственици треба да биде јавно достапен, категоричен е Фетаи.

Во Антикорупциската комисија очекуваат до крајот на 2027 година да се надогради софтверското решение и на дневна основа да добиваат информации за сопствениците на фирми.

- Со целосна операционализација на овој регистар и со дигитално поврзување со Централниот регистар, ние како институција ќе имаме увид во сите компании каде што како вистински сопственици се јавуваат државните функционери, Ние, согласно законот, ги следиме, покрај функционерите, и членовите на нивните семејства, како и блиските, односно лицата со кои тие би имале финансиски интерес. Така што, овој регистар е корисен од повеќе аспекти. Ние сме поврзани со Централниот регистар, но со целосна операционализација преку ИПА-проект софтверското решение што го имаме, ќе се надгради, така што автоматски ќе имаме податоци и ќе имаме на дневно ниво увид кој е сопственик и каков интерес има, вели новиот претседаѕел на Антикорупциската комисија Адем Чучуљ.

Од Бирото за јавни набавки велат дека продолжуваат со подобрување на транспарентноста во делот на податоците што ги имаат за јавните набавки.

- Заедно со Централниот регистар ја подготвиме инфраструктурата поврзана со системите, надграден електронски систем за јавни набавки и од 17 ноември оваа функција е веќе активна. До овој момент има над 3.000 записи во изминатите скоро два месеци, што значи дека во наредниот период оваа бројка ќе се зголемува. Она што можам да кажам е дека сите заложби што ги имаме како државни институции за борба против корупцијата, и понатаму Бирото за јавни набавки ќе ги поддржува и ќе ги вложува своите напори и ресурси во подобрување на системите, изјави Маре Богева, директорка на Бирото за јавни набавки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Бугарија на нозе: 20 дена барале маж кој киднапирал 11 годишно девојче- му се заканува најтешка казна (ВИДЕО)

Најстрога мерка притвор, „притвор во притвор“, му ја изрече Окружниот суд во Варна на 40-годишниот Асен Симеонов, кој ја киднапирал 11-годишната Наталија од селото Константиново во близина на Варна, по што полицијата ги бараше повеќе од 20 дена.

Бугарија на нозе: 20 дена барале маж кој киднапирал 11 годишно девојче- му се заканува најтешка казна (ВИДЕО)

Тој останува во траен притвор, бидејќи според судиите, има доволно докази за да се претпостави дека ги сторил злосторствата за кои е обвинет. Со полесна мерка, Симеонов би можел да избега или да изврши друго кривично дело, со оглед на тоа што се криел 24 дена пред апсењето, објавуваат локалните медиуми.

Пред судот, Симеонов изјави дека бара полесна мерка за да биде слободен и да се грижи за својот чичко. Одлуката на судот може да се обжали во рок од три дена до Апелациониот суд.

Наталија беше пронајдена неповредена. Детето цело време беше со Асен - поранешниот партнер на нејзината мајка. Мажот бил уапсен во селото Овчарово во близина на Шумен, на 80 км од местото каде што исчезнале. Полициските екипи, кои веќе беа во областа барајќи го, го уапсија без отпор.

Тој не се спротивставил на апсењето. Најсериозното обвинение против Симеонов е киднапирање на малолетно лице, извршено во услови на опасен рецидивизам. Доколку се докаже вината на суд, законот предвидува казна од 10 до 20 години затвор или доживотен затвор.

Во текот на овие повеќе од 20 дена, Асен Симеонов се криел главно во сончогледови и други земјоделски полиња покрај железничката линија помеѓу Варна и Софија. Полицијата објасни дека користел густа вегетација преку ден за да остане незабележан, а се движел главно ноќе.

Пред истражителите, уапсениот изјавил дека мотивот за киднапирањето бил поврзан со неговиот личен однос со мајката на девојчето.

YouTube video

Симеонов е осудуван неколку пати. Уште во 2006 година, тој бил идентификуван како сторител на кражба, а неговото криминално досие вклучува и други кривични дела.

Тој изразил каење за своите постапки и уверил дека цело време се грижел за Наталија. Му рекол на својот адвокат дека го сака девојчето како своја ќерка и дека ја одгледувал од тригодишна возраст. Причината зошто ја зел била да ја уценува нејзината мајка да плати за реновирање на неговата куќа.

Тагови: девојче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Судијата згрозен: Му ја зголеми кауцијата на маж од Тексас кога дозна каков злостор направил кон бебе (ВИДЕО)

Маж од Тексас наводно исфрлил мало девојче од автомобил во движење, а потоа ја исфрлил нејзината баба откако ја удрил по лицето, соопшти полицијата.

Судијата згрозен: Му ја зголеми кауцијата на маж од Тексас кога дозна каков злостор направил кон бебе (ВИДЕО)

Судските документи покажуваат дека Брендон Лефлер, 46, е обвинет за кривично дело злоупотреба на деца во врска со инциденти што се случиле во септември 2024 година во Бомонт, Тексас. Лефлер бил уапсен оваа недела и задржан со кауција по напната расправија со судијата што го водел неговиот случај, објави локалната телевизиска станица на CBS, KFDM.

Судијата на окружниот кривичен суд на округот Џеферсон, Џон Стивенс, остро го критикуваше Лефлер за време на неговото сослушување за кауција, критикувајќи го за наводно повредување на детето и нејзината баба, која била девојка на Лефлер.

„Удри жена. Кој го прави тоа?“, рече судијата Стивенс, според KFDM.

Бабата на детето ѝ рекла на полицијата дека таа и Лефлер се расправале пред тој наводно да ја нападне. Таа седела на задното седиште од неговото возило, држејќи ја внуката во скут.

„Ова е крајно неженствено. Затоа таа падна од возилото, оставајќи го своето едногодишно дете на совозачкото седиште. Потоа, според жената која била фрлена од автомобилот, тој го фрлил едногодишното бебе од возилото додека автомобилот се движел, предизвикувајќи му повреди на лицето. Се шегуваш? Ти турна едногодишно бебе од автомобил во движење?“, рече Стивенс. Лефлер наводно одговорил: „Не, Ваша висост.“, на што судијата рекол:

„Тоа е она што го пишува овде. И за тоа ве обвини големата порота. Детето има повреди на лицето, а според овој документ, тие се предизвикани од нешто што сте го направиле. Дали детето само го протрило лицето по асфалтот? Дали тоа е вашата приказна? Па, големата порота мисли поинаку, а исто така и полицијата што го истражувала случајот. Но, морам да кажам дека сум згрозен. Не можам да замислам некој да фрла едногодишно дете од автомобил. Но, едногодишно бебе, беспомошно дете, фрлено од возило во движење, а потоа детето се здобива со повреди на лицето. Колкава е кауцијата?“, рече Стивенс.

Откако дознал дека Лефлер првично е приведен со кауција од 15.000 долари, Стивенс решил да ја зголеми на 100.000 долари „врз основа на околностите на случајот“, според KFDM.

„Овој суд нема да дозволи некој да повреди бебе, намерно да повреди едногодишно дете и да го фрли од возило во движење. Ова е една од највознемирувачките изјави за основи за апсење што сум ги прочитал во мојата кариера и ќе се однесувам кон вас како што би се однесувал кон секој друг во иста ситуација. Лице обвинето за фрлање едногодишно дете од автомобил во движење и нанесување повреди на лицето ќе биде строго одговорно пред овој суд. Вашата кауција е одредена на 100.000 долари“, рече судијата. Доколку биде осуден, Лефлер може да се соочи со затворска казна до 10 години, објави KFDM.

Тагови: бебе Тексас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трагедија во Кина: Најмалку 10 загинати туристи во страшниот тајфун- кампувале покрај река (ВИДЕО)

Најмалку 10 лица загинаа, а 23 други се повредени во ненадејни поплави во округот Вејуан, покраината Гансу, соопштија локалните власти во понеделник.

Трагедија во Кина: Најмалку 10 загинати туристи во страшниот тајфун- кампувале покрај река (ВИДЕО)

Кинеското Министерство за водни ресурси го зголеми нивото на итна реакција при поплави во покраините Џијангси, Хунан и Гуангдонг од ниво четири на ниво три во понеделник поради високиот ризик од ненадејни поплави на планините предизвикани од тајфунот Ноул, објави Стандард.

Џијангси се наоѓа во источна Кина, Хунан во централна Кина и Гуангдонг на југ, објави Синхуа.

Проценките на ризикот покажуваат дека 43 окрузи во трите покраини ќе се соочат со ризик од ненадејни поплави на ниво на црвено предупредување од 8 часот наутро во недела до 8 часот наутро во понеделник, што укажува на голема веројатност за вакви катастрофи.

Министерството испрати уште два работни тима во Џијангси и Хунан за да помогнат и да ги водат активностите за контрола на поплавите на терен.

Министерството ги повика локалните одделенија за водни ресурси внимателно да го следат движењето на тајфунот и неговите последици, обрнувајќи посебно внимание на локациите со висок ризик, како што се планинските водотеци, населените области во близина на клисурите, градилиштата, туристичките места во долините и областите низводно и низводно од мостовите.

Ненадејна поплава предизвикана од обилни дождови денес ја погоди туристичката локација на градот Дингси, објави новинската агенција Ксинхуа.

Ненадејната поплава однесе група кампери во областа, а досега е потврдено дека загинале 10 лица.

Локалната полиција, противпожарните служби и други спасувачки екипи веќе пристигнаа на местото на настанот за да извршат спасувачка операција, а активностите на терен се во тек, јавува кинеската агенција.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер