Свет

Седуммина загинати во авионска несреќа во американската база во Баграм

Седум луѓе загинаа во денешната авионската несреќа што се случи во американската база во Баграм, северно од Кабул.

Несреќата се случила при полетувањето на цивилниот товарен авион.

Се уште не е позната причината за несреќата, но талибанците соопштија дека тие го нападнале авионот. Командата на ИСАФ ги демантира таквите наводи, додавајќи дека во околината на аеродромот не било забележано дејствување на бунтовниците.

Гувернерот на Баграм, Абдул Шукор изјави дека авионот се издигнал на височина од околу 400 метри, а потоа почнал да паѓа.

Компанијата сопственик на товарниот авион „Нешанл ер карго“ со седиште во Флорида потврди дека се урнал нивен авион, но не ја соопшти националноста на загинатите.

Пред два дена четворица американски војници загинаа при уривање на авион во северниот дел на Авганистан, кој бил во разузнавачка мисија.

Свет

Генералштаб на Украина: Руските сили ги интензивираа нападите кон Авдејево

Русија ги засилила нападите во правец кон Авдејево, соопшти утринава Генералштабот на вооружените сили на Украина, наведувајќи дека украинските сили во изминатите 24 часа одбиле 50 руски напади на тој дел од фронтот.

Руските сили се фокусираа на неколку сектори на фронтот во Донбас, пренесува Униан.

Во правец кон Бахмут, украинските сили одбиле 22 руски напади, а во изминатите 24 часа на линијата на фронтот се случиле 134 судири.

Технологија

Кина во историска мисија- лансира сонда на темната страна на Месечината

Кина денеска ќе ја лансира лунарната сонда Чанге-6, соопшти кинеската Национална вселенска администрација.

Сондата ќе собира примероци од темната страна на Месечината. Тоа ќе биде прва ваква мисија во историјата на човештвото, јавуваат кинеските медиуми.

Во тек се последните подготовки за мисијата, која ќе започне од местото за лансирање Венчанг во кинеската провинција Хејнан.


Македонија

Сообраќајот се одвива непречено по влажни коловози

Сообраќајот на државните патишта се одвива непречено, по влажни коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

притисни ентер