Свет

Седумгодишно девојче загина, откако ја згмечило дрво во парк во Британија

Седумгодишно девојче, идентификувано како Леона Рука, од Дагенхам, Источен Лондон, починала откако врз неа паднало дрво во парк.

Трагедијата се случила во саботата попладне, нешто пред 15 часот, во паркот Чоквел во Саутенд, кога, од причини што сè уште не се утврдени, дел од дрво паднало врз група деца, пишува Скај њуз.

Девојчето е пренесено во болница со сериозни повреди, но лекарите не можеле да ѝ го спасат животот. Заедно со Леона, во несреќата е тешко повредено и шестгодишно девојче, кое е во критична состојба и се бори за живот. Уште три деца се здобиле со полесни повреди, а сите исто така биле згрижени во болница.

Сведоци: „Се обидувавме да го кренеме дрвото“

Сведоците ја опишаа сцената како шокантна. Според нив, помеѓу 40 и 50 луѓе дошле да помогнат и се обиделе да го кренат дрвото од децата. Граѓаните се собрале на местото на несреќата и оставиле цвеќе, пораки, плишани играчки и свеќи во чест на починатото девојче.

Семејството на малата Леона издаде емотивно соопштение, опишувајќи ја како „светлината на нивниот живот“. „Имаше интелигентна и љубопитна душа, беше полна со енергија, имагинативна и слатка. Обожаваше да истражува, да поставува прашања и да сонува. Беше весела и носеше радост каде и да се појавуваше“, рекоа родителите.

„Неверојатно сме благодарни за секоја запалена свеќа, за секој оставен цвет, за секоја солза. Таква количина љубов ни донесе утеха што не можевме ни да ја замислиме“, им се заблагодарија родителите на сите што ја покажаа својата поддршка.

Полицијата од Есекс потврди дека е во тек истрага за околностите околу падот на дрвото. Помошничката началничка Луси Морис рече дека сите се надеваат на позитивен исход за девојчето, кое сè уште е во болница, и дека нејзиното семејство ја добива целата потребна поддршка. Таа додаде дека истрагата ќе биде темелна и независна, а резултатите ќе бидат објавени штом ќе бидат достапни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот.

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

baby > raccoon https://t.co/iDdwfmMcO8 pic.twitter.com/B6l2gc3e22
— Minnesota United FC (@MNUFC) August 23, 2026

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.