Седум златни статуетки за филмот „Опенхајмер“ во режија на Кристофер Нолан - Канал 5

Шоу биз

Седум златни статуетки за филмот „Опенхајмер“ во режија на Кристофер Нолан

Опенхајмер е најдоброто достигнување на 96-тото доделување на Оскарите. 

Седум златни статуетки за филмот „Опенхајмер“ во режија на Кристофер Нолан

Филмот во режија на Кристофер Нолан на синоќешната свеченост на американската Академија за филмски уметности и науки, „собра“ дури седум оскари.

Приказната за креаторот на атомската бомба, според љубителите на филмот, веќе подолго време е фаворит и доминацијата на доделувањето на Оскарите не е за изненадување.

Килијан Марфи кој ја освои наградата за најдобра улога, не го криеше задоволството од овој успех.

-Снимавме филм за човекот кој ја создаде атомската бомба, и во добро и во лошо. Сите живееме во светот на Опенхајмер, па би сакал да им го посветам ова на сите миротворци насекаде

Покрај награда за главна улоца, „Бедни суштества“ доби оскар и за најдобра споредна машка улога, монтажа, кинематографија, фотографија и најдобра авторска музика.

Филмот „Бедни суштества“ пак освои четири статуетки, а оскарот за главна женска улога отиде кај Ема Стоун.

-Не се работи за мене, туку се работи за целиот тим кој се собра за да направи нешто што ќе го достигне својот врв. Тоа е најдоброто нешто во правењето на филмовите.

Роберт Дауни Помладиот и Двејн Рендолф добија оскари за најдобра споредна машка и женска улога, а оскар за краток анимиран филм го доби „Војната не е завршена“ на Шон Ленон.

„Момчето и чапјата“ доби оскар за долгометражен анимиран филм, а „Зона на интерес“ на Џонатан Глејзер доби оскар за најдобар меѓународен филм. Филмот „Дваесет дена во Мариопол“ беше награден за најдобар документарец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер