Здравје

Седум мита во врска со ковид вакцините

Експертите едногласно тврдат дека: „Биолошки е невозможно некоја од КОВИД вакцините да предизвика болест КОВИД-19“

Мит 1: Може да ја изберете вакцината што ја сакате

Во моментов, во САД се одобрени три вакцини против Ковид-19, создадени од Фајзер-Бионтек, Moдерна и Џонсон и Џонсон.

Една од главните пречки за вакцинација кај многу луѓе беше разликата во ефикасноста помеѓу Фајзер-Бионтек и Moдерна, и Џонсон и Џонсон oд друга страна. Иако првите две вакцини имаат ефикасност од околу 95% во спречувањето на КОВИД-19, вакцините на Џонсон и Џонсон имаат успех од 66%.

Д-р Сваминатан, професорка на Медицинскиот факултет „Рутгерс Њу Џерси“ и раководител на клиничките истражувања за испитување на вакцината Модерна вели дека иако разликата е голема и апсолутно постои, сите вакцини се „исклучително ефикасни“ во спречувањето на тешки форми на КОВИД-19.

За жал, сè уште нема доволно вакцини за да може да изберете која вакцина ќе ја примите.

Специјалистот за инфективни болести Амеш А. Адаља, виш научник во Центарот за здравствена безбедност на Џонс Хопкинс одобрува одбивање на одредена вакцина доколку знаете дека сте алергични на некоја од состојките на вакцината, но смета дека претпочитањето на една вакцина пред друга само ќе го одложи времето на заштита од КОВИД-19.

МИТ 2: Вакцината предизвикува неплодност

За да разберете зошто ова не е точно, добро е да се прикаже како функционираат овие вакцини. Според Центарот за контрола и превенција на болести (CDC),Фајзер-Бионтек и Moдерна користат понова технологија наречена „messenger RNA“ (mRNA). Овие вакцини дејствуваат така што кодираат дел од шилестиот протеин што се наоѓа на површината на вирусот САРС-КоВ-2 кој ја предизвикува болеста Ковид-19. Вакцините mRNA користат делови од кодираниот протеин на СAРС-КоВ-2 за да се создаде имунолошки одговор на вашето тело. Потоа развивате антитела. Вашето тело на крајот го елиминира протеинот и mRNA, но антителата се задржуваат.

Вакцината Џонсон и Џонсон функционира како традиционалните вакцини. Таа користи аденовирус, кој обично предизвикува настинка и кој е модифициран со протеинот СAРС-КоВ-2. Кога примате вакцина, модифицираниот вирус се инфилтрира во вашите клетки, каде што патува до клеточното јадро. Аденовирусот потоа ја става својата ДНК во јадрото, вашата клетка го чита генот на шилестиот протеин и се копира во mRNA. Вашите клетки почнуваат да произведуваат протеини, кои вашиот имунолошки систем ги препознава. Ова предизвикува вашето тело да создава антитела.

Врз основа на објавите кои кружат на Фејсбук, се чини дека митот се заснова на неточни информации кои велат дека вакцината содржи протеин наречен синцитин-1, кој е поврзан со функцијата на плацентата, орган што го снабдува плодот со хранливи материи за време на бременоста.

„Но, тоа не е точно! Шилестиот протеин на САРС-КоВ-2 не е сличен со синцитин-1, а исто така нема докази дека блокирањето на протеинот синцитин-1 предизвикува дури и неплодност“. - тврди за „Хелт“д-р Шафнер, специјалист за инфективни болести и професор на Медицинскиот факултет на универзитетот Вандербилт.

Мит 3: Не треба да се вакцинирате ако веќе сте имале корона

Цeнтарот за контрола и превенција на болести (CDC) препорачува луѓето кои веќе имале КОВИД-19 да се вакцинираат против коронавирусот. „Луѓето може да размислат за одложување на вакцинацијата 90 дена по закрепнувањето од КОВИД-19, но не се апсолутно заштитени“, вели д-р Кулкарни, доцент за инфективни болести на Медицинскиот факултет Бејлор.

„Сè уште не е познато колку долго сте заштитени од повторното добивање на вирусот откако ќе се закрепнете од КОВИД-19“, објаснува д-р Шафнер. „Вакцината обезбедува поголема заштита со антитела од самиот вирус. - вели тој.

Мит 4: Не мора да носите маска откако ќе се вакцинирате

Центарот за превенција на болести неодамна објави упатства за целосно вакцинираните лица и изјави дека само тие што се вакцинирани и ревакцинирани можат да престанат да носат маски во затворено.

Сепак, од Центарот нагласуваат дека сè уште е важно да се носат маски во јавност и кога се собирате со невакцинирани лица од повеќе домаќинства, зашто засега е непознато дали можете да го пренесете вирусот на други лица после вакцинацијата и колку вакцините се ефикасни против сите варијанти на вирусот.

Мит 5: Вакцината ќе ви инјектира коронавирус

Експертите едногласно тврдат дека ова не е точно. „Биолошки е невозможно некоја од КОВИД вакцините да предизвика болест КОВИД-19“, вели д-р Кулкарни. „Исто така, вакцината не треба да даде позитивен тест на корона.

„Вакцините содржат или код што му помага на вашето тело да го создаде шилестиот протеин САРС-CoV-2, или тие содржат модифициран вирус со кодот на шилестиот протеин - ниту една вакцина не го содржи вирусот САРС-КоВ-2“.-вели д-р Адаља. „Единствениот тест на кој би биле позитивни е тестот за антитела.

Мит 6: Вакцините пристигнаа прерано за да бидат безбедни

„Вистина е дека никогаш не сме создале вакцина за пократко време“, вели д-р Сваминатан. „Но, овие вакцини поминаа низ истите ригорозни процеси како и сите други вакцини“.

Тој посочува дека сите вакцини против КОВИД-19 одобрени за употреба во САД, ја поминале строгата временска рамка на Управата за храна и лекови, која вклучува истражување и развој, претклинички испитувања, три фази на клинички испитувања и потоа одобрување од ФДА.

Важно е да се напомене дека технологијата mRNA постои со децении и претходно е проучувана кај грипот, вирусот Зика, беснилото и цитомегаловирусот. Но, никогаш претходно оваа технологија не била применета во вакцина одобрена од ФДА.

„Ништо сериозно не се појавило освен многу ретка анафилактична реакција кај луѓе кои имале претходни анафилактички реакции“, вели д-р Шафнер. Во случај да не сте запознаени со тоа, анафилактичката реакција е сериозна и потенцијално опасна по живот алергиска реакција.

Мит 7: КОВИД вакцината ќе ја промени вашата ДНК

„За да може нешто да ја смени вашата ДНК, мора да влезе во нуклеарната мембрана на вашите клетки“, објаснува д-р Адаља.

„Никој не е способен да го стори тоа. Вакцините дури не се приближуваат до вашата ДНК на клеточно ниво. Ова не е биолошки изводливо “, потврдува д-р Кулкарни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пјонгјанг пресече: „Нема да има извинување“

Претходно оваа недела, Јужна Кореја објави дека севернокорејски мини предизвикале експлозија во која тешко биле повредени двајца јужнокорејски војници за време на извидувачка мисија во граничната зона широка четири километри.

Северна Кореја денес ги отфрли како неосновани обвинувањата од Сеул дека севернокорејски мини тешко повредиле јужнокорејски војници во Демилитаризираната зона, одбивајќи го барањето на Јужна Кореја за извинување, објави државната новинска агенција „KCNA“.

Ким Јо Џонг, функционерка на владејачката Работничка партија и влијателна сестра на севернокорејскиот лидер Ким Џонг Ун, изјави дека Пјонгјанг не поставил намерно мини во граничната зона.

Во својата изјава, Ким истакна дека Јужна Кореја „донела неоснован заклучок оти експлозијата била предизвикана од некој што тајно и намерно поставил мини“.

Истовремено, таа изјави дека Северна Кореја нема да дозволи каква било можност за контакт меѓу двете земји, опишувајќи ја директната средба со Јужна Кореја како „кошмар“, пренесе „KCNA“.

Претходно оваа недела, Јужна Кореја објави дека севернокорејски мини предизвикале експлозија во која тешко биле повредени двајца јужнокорејски војници за време на извидувачка мисија во граничната зона широка четири километри, која се протега низ Корејскиот Полуостров.

Нејзината војска побара од Северна Кореја да се извини и да ги запре работите за утврдување на границата, наведувајќи дека ќе преземе „соодветни“ мерки, пренесе Ројтерс.

Јужнокорејската војска спроведе истрага за инцидентот заедно со Командата на Обединетите нации, која го надгледува почитувањето на примирјето од Корејската војна. Командата на ОН во средата објави дека инцидентот претставува кршење на примирјето од Корејската војна.

Извор: Б92

Тагови: Пјонгјанг

Свет

Тајван ги доби првите нови американски авиони Ф-16, нарачани се 66

Тајван ги презеде првите два од вкупно 66 борбени авиони Ф-16В Блок 70 купени од Соединетите Држави.

Авионите слетаа во воздухопловната база Чиханг во источниот округ Тајтунг околу пладне, по летот од Хаваи и попатното застанување во Гуам.

Тајванскиот претседател Вилијам Лаи Чинг-те изјави дека пристигнувањето на авионите претставува значаен чекор во зајакнувањето на воздушната одбрана на земјата. „Ова ја покажува нашата решеност да ги зајакнеме капацитетите за самоодбрана и да обезбедиме мир преку сопствената сила“, рече Лаи.

Обука и воведување во употреба

Командата на тајванските воздухопловни сили соопшти дека ќе спроведе обука за премин кон новиот тип на авион, а потоа постепено ќе ги воведе во оперативна употреба. Командата истакна дека 7-мото тактичко борбено крило е формирано во декември 2023 година и е предвидено да биде опремено со новите авиони Ф-16В Блок 70.

Министерот за одбрана Велингтон Ку претходно пред новинарите потврди дека „годинава ќе бидат испорачани повеќе од два авиона“.

Договор вреден 8 милијарди долари

Соединетите Држави ја одобрија продажбата на 66 авиони Ф-16В и придружна опрема на Тајван уште во 2019 година. Вкупната вредност на договорот се проценува на приближно 8 милијарди долари.

Извор: Индекс.хр

Тагови: САД Тајван

Технологија

„GTA 6“ ќе биде најголемата игра на „Rockstar“: „Никогаш не сме направиле вакво нешто“

Со години, „GTA 6“ се најавува како потенцијален рекордер за најголемо лансирање во историјата на индустријата за забава – како во поглед на очекувањата, така и во однос на капиталот вложен во нејзиниот развој.

„Rockstar“ дополнително ја поттикнува оваа возбуда.

Според еден од клучните раководители на студиото, целта е речиси секој аспект од претстојната игра да се подигне на ново ниво. Арон Гарбут, раководител за развој и висок функционер во „Rockstar“, вели дека тимот се обидел огромниот притисок околу проектот да го претвори во дополнителна мотивација.

Наместо да прават компромиси меѓу големината на светот, деталите и интерактивноста, тие се стремеле истовремено да ги подобрат сите овие елементи.

„Обично мора да правите компромис меѓу обемот и деталите, или меѓу деталите и интерактивноста. Со овој проект, тргнавме во спротивна насока“, изјави Гарбут за „Game Informer“.

Тој истакна дека „Rockstar“ го зголемил нивото на детали, обемот, опсегот, големината, интерактивноста и густината на светот – подобрувања што треба да бидат очигледни во секој аспект од играта.

„GTA 6“ ветува огромен отворен свет, подетална средина, напредна физика и поголем број интерактивни елементи. Иако „Rockstar“ сè уште не ги открил сите карти, досега објавените трејлери веќе навестуваат колку внимание е посветено на деталите.

Секако, зад проект од вакви размери стојат огромните финансиски ресурси на издавачот „Take-Two Interactive“. Точниот буџет за „GTA 6“ не е јавно потврден, но јасно е дека станува збор за еден од најамбициозните проекти во историјата на индустријата за видеоигри.

„Rockstar“ е познат по тоа што со години ги развива своите игри и вложува огромно време во светот, анимациите, физиката и деталите. Следствено на тоа, Гарбут смета дека „GTA 6“ претставува нешто што „Rockstar“ никогаш претходно го нема создадено. „Не мислам дека некогаш сме направиле нешто што е дури и приближно на ова“, изјави тој.

Извор: Б92

Тагови: GTA 6