Седум италијански обичаи за среќа - Канал 5

Забава

Седум италијански обичаи за среќа

Кога ќе помислите на Италија, првите работи што ви паѓаат на ум се тестенини, пица, шопинг во една од светските метрополи на модата, Милано.

Седум италијански обичаи за среќа

Но, локалното население би рекло дека Италија е многу повеќе од ова - овде можете да најдете некои традиции и обичаи кои ги нема во другите земји. Некои од нив се особено интересни, а Италијанците се придржуваат до нив зашто сметаат дека им носат среќа.

Црвена долна облека за среќа

Италијанците не носат црвена боја само за новогодишната прослава, туку се грижат и нивната долна облека да има одредена црвена нијанса. Овде и мажите и жените носат црвена долна облека на новогодишната ноќ, бидејќи се верува дека оваа боја привлекува среќа.

Фрлање предмети низ прозорец

Непосредно пред новогодишната ноќ, луѓето во некои земји се обидуваат да ги завршат своите последни задачи за таа година, како што е купување подароци за своите сакани. Но, Италијанците на овој ден имаат многу необична традиција: фрлаат тенџериња, тави, па дури и мебел низ прозорците. Овој чин го симболизира ослободувањето од старото со цел да се отвори вратата за нов почеток.

Вечераат доцна

Италијанците вечераат прилично доцна. Во зависност од регионот, луѓето овде јадат околу 21 часот. Оваа тенденција може да се објасни со фактот дека Италијанците имаат долга двочасовна пауза среде работниот ден, па со самото тоа и вечерата им е подоцна.

Го лупат овошјето

Луѓето во Италија обично овошјето не го јадат со лушпа. Тие го лупат, а објаснувањето за ова е дека Италијанците сметаат дека пестицидите кои се нанесуваат на овошјето не се острануваат целосно ни по неговото миење.

Без јајца на појадок

Пржени јајца со сланина, леб и путер се совршен појадок во многу земји, но не и во Италија. Локалните жители претпочитаат да јадат нешто слатко наутро, како што се житарици или бисквити, овошје и шолја кафе.

Бројот 17 го сметаат за несреќен

Додека во повеќето земји бројот 13 е несреќен број, за Италијанците тоа е бројот 17. Според нивните сфаќања, тој број значи „мојот живот заврши“. Затоа и хотелите во Италија немаат 17-ти кат.

Совршено средени дури и кога одат во продавница

На Интернет можете да најдете многу совети како да се стилизирате како Италијанец, тоа не е ни чудо бидејќи Милано важи за една од најмодерните престолнини во светот. Овде и мажите и жените ги следат модните трендови и се грижат да бидат елегантни без разлика на пригодата. Дури и кога одат во продавница, Италијанците изгледаат фантастично и гламурозно!

Извор: objektiv.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче дебело профитираа за време на кризите

Денес Владата на ВМРО ДПМНЕ е со конкретни мерки за горивата и заштита на стандардот на граѓаните.

ВМРО-ДПМНЕ: СДС и Филипче дебело профитираа за време на кризите

Кога СДС нема што да понуди им останува само политичката критика но веќе им е познато на граѓаните дека на СДС се им смета па дури и конкретни мерки за заштита на стандардот како мерките кои ги превзема Владата на ВМРО ДПМНЕ за горивата.

СДС 7 години го крадеа народот, ја распродаваа и омаловажуваа државата и ги понижуваа граѓаните. СДС и Филипче во време на криза профитираа за денес да се луксузираат на јахтите со Заев по Егејот.

За разлика од СДС и ДУИ денес нема фудбалчиња по канцелаарии, нема банди по улиците, нема марихуана економија, нема распродавање на државните интереси.

Денес Владата се грижи за животниот стандард на граѓаните и превзема конкретни мерки. Во однос на горивата мерки веќе има, намелени акцизи, и ќе се донесат и нови мерки со што наместо зголемување ќе има намалување на цената на горивото.

Владата на ВМРО ДПМНЕ продолжува да го штити стандардот на граѓаните.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер