Балкан

Седум држави го поддржаа безвизниот режим за Косово, меѓу нив и Србија

Сите земји-членки на Процесот Брдо-Бриони, вклучително и Србија, денеска едногласно ја поддржаа препораката до Европската унија за укинување на визите за Косово до крајот на оваа година.

„Поминаа четири години откако Европската комисија во 2018 година потврди дека Косово ги исполнува сите критериуми за укинување на визите, но граѓаните на Косово сè уште не можат слободно да патуваат во Европската унија“, рече косовската претседателка Вјоса Османи во изјавата по средбите во Брдо кај Крањ.

„Се надеваме дека оваа неправда и дискриминација наскоро ќе исчезнат“, рече таа.

Османи нагласи дека „апсолутно никој не го отфрли“ заклучувањето на Процесот за препораката на ЕУ за укинување на визите. Членови на овој формат се Косово, Србија, БиХ, Македонија, Црна Гора, Албанија, Словенија и Хрватска, а во замокот Брдо пристигнаа претставници на сите, вклучително и српскиот претседател Александар Вучиќ.

Османи рече дека е исклучително важно што заклучокот е едногласно донесен „бидејќи покажува дека се работи за процес кој се одолговлекува“ и „во кој никој не губи“. Таа очекува дека визниот режим навистина би можел да биде укинат до крајот на годината бидејќи со ЕУ во моментов претседава Чешка, која ја поддржува идејата, а Приштина не се соочува со противење од ниту една друга членка на ЕУ.

Говорејќи за односите со Србија, косовската претседателка рече дека Белград не ја прифаќа реалноста дека „Косово е независна и суверена држава и дека тоа е неповратна реалност“.

„Колку побрзо Србија го признае тоа, толку подобро ќе биде за неа, нејзиниот народ и мирот и безбедноста во регионот“, посочи таа и нагласи дека долгорочниот мир во регионот ќе донесе само меѓусебно признавање.

Османи рече дека проширувањето на ЕУ не е само прашање на технички критериуми, туку и „геополитичко и безбедносно прашање“ и оти ЕУ не е целосна без Западен Балкан.

Европскиот контекст го промени руската инвазија на Украина, рече Османи, нагласувајќи дека не е време за „колебање и втори размислувања“ за поддршка на Украина.

Османи смета дека ниту една земја не може „да се преправа дека е проевропска ако не постапи во согласност“ со европската реакција на конфликтот во Украина и санкциите што ги воведе ЕУ.

„Или сте на вистинската страна на историјата или не сте, нема измеѓу“, потенцира Османи, мислејќи на Србија, која е единствената земја од Западен Балкан која не воведе санкции кон Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Да оставиме пример, не ѓубре“ – голема еколошка акција низ цело Скопје

Утре, 30 септември, со почеток во 10:00 часот, низ сите скопски општини ќе се одржи голема еколошка акција за чистење на јавните површини, во која ќе учествуваат неколку илјади волонтери.

Во акцијата ќе се вклучат општините и градоначалниците, амбасади, ученици, спортисти, јавни личности и голем број граѓани, со заедничка цел – почисто, поубаво и поздраво Скопје.

Акцијата е замислена како почеток на континуирана иницијатива, која ќе продолжи да се организира двапати месечно, со цел грижата за јавниот простор да стане трајна навика и заедничка одговорност.

Ги повикуваме сите граѓани да се приклучат и со личен пример да придонесат за почисто и поуредно Скопје.

Град Скопје

Тагови: Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче и СДС со блокади и празни пораки не можат да ги сокријат фактите дека денес имаме повисоки пензии

Филипче и СДС со блокади и празни пораки не можат да ги сокријат фактите дека денес имаме повисоки пензии, пониски цени на горивата и економски раст.

РЕАКЦИЈА НА ПРЕСОТ НА ВЕНКО ФИЛИПЧЕ

Филипче нуди само блокади и празни политички пораки, на СДС и Филипче се им смета и се против се што е добро за државата.

Кога Филипче зборува за горивата, да го потсетиме дека во услови на најголемата енергетска криза, денес во Македонија благодарение на политиките на Владата дизелот има најниска цена во регионот и пошироко.

Во однос на пензиите, СДС да не шират паника, Филипче да не се грижи, пензискиот фонд е стабилен денес имаме 7.000 денари повисоки пензии и редовна исплата.

За помалку од две години, пензиите се зголемени за околу 7.000 денари, што е значително повеќе од зголемувањето од 540 денари во првите две години од мандатот на СДС.

СДС нема кредибилитет да зборува за пензиите. Во првите 2 години од доаѓањето на СДС на власт, од јуни 2017 година до јуни 2019 година, Заев и Филипче пензиите ги зголемиле за 540 денари.

За време на СДС и ДУИ, над 200 илјади пензионери примаа пензии под 14 илјади денари, а зголемувањата беа минимални и недоволни за реално подобрување на животниот стандард.

Филипче и СДС знаат само за марихуана економија, стабри здравство и тендери а единствена грижа им беа провизиите, процентите и тендерите во четири очи.

Да потсетиме дека во првите осум квартали по доаѓањето на СДС и ДУИ на власт, просечниот реален раст на БДП изнесувал околу 2,6 проценти. Во првите осум квартали на актуелната Влада предводена од ВМРО-ДПМНЕ, просечниот раст изнесува околу 3,55 проценти. И последниот официјален податок, дополнително ја потврдува позитивната динамика во економијата или во вториот квартал од 2026 година реалниот раст на БДП достигна 4,3 проценти.

За крај, Филипче треба да знае дека токму криминалите и распродажбата на државата ја сместија СДС во длабока опозиција и на маргините на политичката мапа.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Како да се заштитат жртвите на родово базирано насилство и дали институциите потфрлаат?

Само лани биле регистрирани 7.163 жртви на семејно насилство – бројка зад која стојат човечки судбини, страв и последици што најчесто остануваат зад четири ѕида.

Насилството и натаму е реалност за илјадници жени и девојчиња. Само лани биле регистрирани 7.163 жртви на семејно насилство – бројка зад која стојат човечки судбини, страв и последици што најчесто остануваат зад четири ѕида. Од 2021 до 2025 година се регистрирани 30.292 пријави за семејно насилство, со растечки тренд низ годините.

Како да се подобри заштитата на жртвите и каде потфрла системот, беше во фокусот на денешната панел-дискусија за заштита од родово насилство врз жените и децата, на која беше промовиран и извештајот „Каква ти е Среќата“ на авторката Стојанка Мирчева. Проектот го спроведоа Министерството за социјална политика, демографија и млади и Фондот за население на Обединетите нации – УНФПА, во соработка со повеќе национални институции и со финансиска поддршка од Британската амбасада во Скопје.

„Ова истражување укажува на жените кои живеат со насилство, кои се обратиле на институциите за зажтита и поддршка но, ефектот во најголем дел провејува низ овие искуства дека е рамнодушност на системот...,,Нема толеранција за насилство врз жени, нема сама си го барала, нема таква ти е среќата,нема сама го избра“ -Стојанка Мирчева.

Мирчева вели дека силна превенција е јасно да се покаже дека државата реагира на насилството. Затоа, според неа, објавувањето во билтените на МВР како постапила полицијата по секоја пријава испраќа јасна порака и до насилниците и до јавноста.

Гласот и искуствата на жртвите се вградуваат во новите мерки за заштита, велат од Министерството за социјална политика, демографија и млади. Целта е ниту една жена која се соочува со насилство да не остане без институционална поддршка.

,,За нас останува приоритет заедно со Владата да работиме со справувањето со насилството, да го градиме системот што сега го воспоставивме за да биде ефикасен и ниту една жена да не остане надвор ос системот на помош и поддршка,, - Светлана Цветковска.

Заменик-амбасадорот на Обединетото Кралство, Данел Фајлер, порачува дека вистинската заштита се мери во моментот кога жртвата ќе побара помош – дали институциите ќе реагираат координирано, сторителот ќе одговара, а жената ќе добие достоинствен и професионален третман.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.