Седница на Постојаната анкетна комисија за претставката од Здружението на родителите на загинатите од Кочани - Канал 5

Македонија

Седница на Постојаната анкетна комисија за претставката од Здружението на родителите на загинатите од Кочани

Со едноминутно молчење, присутните изразија сочувство до семејствата на настраданите во пожарот.

Седница на Постојаната анкетна комисија за претставката од Здружението на родителите на загинатите од Кочани

Во Собранието денеска се одржува седница на Постојаната анкетна комисија за заштита на слободите и правата на граѓанинот, на чиј дневен ред е претставката поднесена од Здружение на граѓани „16 март 2025 Кочани“, во јавноста познато како Здружение на родителите на загинатите деца во дискотеката „Пулс“ во Кочани. Со едноминутно молчење, присутните изразија сочувство до семејствата на настраданите во пожарот.

На седницата присуствуваат претседателката на државата Гордана Сиљановска-Давкова, претседателот на Собранието Африм Гаши, премиерот Христијан Мицкоски, потпретседателите на Собранието, родителите и блиските роднини на загинатите деца во трагедијата во Кочани, координаторите на пратеничките групи во Собранието, народниот правобранител, претставници на Хелсиншкиот комитет за човекови права, Коалицијата Сите за правично судење, Македонското здружение на млади правници, Супорт Кочани и Граѓанската иницијатива „Кој е следен?“. Министерот за внатрешни работи Панче Тошковски не присуствува поради службен пат.

Претседателот на Постојаната анкетна комисија за заштита на човековите слободи и права и пратеник на Левица, Димитар Апасиев на почетокот на седницата информира дека покрај другите надлежности, Комисијата има ингеренции да разгледува дописи на граѓани и да заземе ставови по нив. Соопшти дека во поблиската парламентарна историја досега во различни мандатни состави, Постојаната анкетна комисија согласно нејзините уставни надлежности заседавала по поднесени претставки од граѓани или здруженија и тоа шест претставки во периодот 2002-2003 година, две претставки во 2004 и 2005 година, две претставки во 2006 година, по една претставка во 2007, 2008, 2009 и 2010 година и две претставки во 2019 година. Укажа дека Комисијата не може да врши истражни или други судски функции, но нејзините наоди се основа за поведување постапка за утврдување одговорност носителите на јавните функции.

Марија Петрушова, претставник на Здружението на граѓани „16 март 2025 Кочани“ нагласи дека нивното барање е овој случај да се разгледа како сериозна повреда на човековите права, со посебен акцент на правото на живот.

-Ние сме овде не само за да жалиме за нашите деца, туку и за да бараме правда за нив. Не можеме да останеме безгрижни, како што тоа го прават оние кои беа задолжени да го чуваат нашиот живот. Поради нивната немарност, корупција и неспособност да го исполнат своето основно назначување, нашите деца се мртви, а многу други остануваат изложени на истиот опасен систем. Оваа трагедија не е само поради една погрешно запалена искра, туку последица на системски пропусти кои го загрозуваат најосновното право – правото на живот, безбедност и праведност. Она што го доживеавме не е само институционална неефикасност – тоа е системска опасност за сите граѓани. Нашите барања се: итна и целосна институционална поддршка за сите семејства на починатите во пожарот во Пулс – Кочани, јасен и официјален одговор за причините за продолженото доцнење и целосната неактивност на институциите, утврдување конкретни рокови за завршување на сите постапки поврзани со поддршката, разгледување на сите преостанати точки од веќе поднесеното барање. Владата има законска, морална и човечка обврска да постапи јасно, праведно и одговорно. Да покаже грижа, солидарност и чувствителност кон семејствата кои претрпеа ненадоместлива загуба. Нашите деца го заслужуваат тоа. Нашата болка го заслужува тоа, рече Петрушова.

Потенцира дека наместо брза и темелна истрага, како што рече, ги дочекале одложувања, политички калкулации и селективно гонење.

-Наместо сите одговорни да бидат во притвор, ние – во нашата најголема болка – сме принудени да бараме и молиме државата да ги гони виновниците. Ветувањата дека „никој нема да биде поштеден“ останаа само празни зборови. Денес гледаме дека се процесираат само оние „најдолу“, додека носителите на функции – еднакво одговорни – кои од првиот момент требаше да бидат зад решетки, продолжуваат безгрижно да се движат низ градот, додека нашите деца лежат под земја. И уште една забелешка – увидовме дека во истрагата се вклучени бившите министри за економија, државната секретарка во Министерството за економија и директорот на Државниот пазарен инспекторат, несфатливо ни е поради кои причини во истрагата не се вклучени и актуелните функционери на истите позиции, како и бившите и сегашните функционери од сите надлежни институции за издавање на дозволи, согласности, одобренија и надзор за дискотеката „Пулс“. Затоа, сметаме дека е неопходно да го разгледате нашиот случај и да утврдите дека : државата драматично потфрли пред корупцијата и криминалот, а чувството на безбедност е изгубено за секој обичен граѓанин – додека „големите“ остануваат над законот, рече Петрушова.

Таа нагласи дека потребно е да се преземат мерки кои ќе ги спречат идните жртви – да се обезбедат механизми за превенција, да се санкционираат виновниците, и да се гарантира дека правото на живот и безбедност ќе биде приоритет за сите граѓани. Обвини дека во случајот со трагедијата во Кочани, не беше воспоставена ниту една иницијатива од страна на власта која би обезбедила институционална, финансиска или психосоцијална поддршка за семејствата

- Овој факт остава впечаток дека трагедијата во Кочани може да биде ставена во втор план и дека загубените животи не биле вреднувани со истата сериозност и внимателност како во други трагедии, рече Петрушова.

Пратеничката на ВМРО-ДПМНЕ, Иванка Василевска обраќајќи им се на родителите порача дека и пратениците, како и родителите сакаат да ја дознаат вистината за трагедијата и бараат одговорност за истата.

-Барањето правда за вас е движечка сила која ве скорива од постела и која ве држи да опстоите и да барате чаре за оваа зло. Нашите срца се цело време со вас. Од таа причина сме и сите ние тука денес – за да ви кажеме дека нема да дозволиме да бидете ниту злоупотребени, ниту изманипулирани. Сакам да ве предупредам не само како мајка и сестра, туку и како пратеник и професор по право дека за она за кое што сме собрани денес тука нема да биде постигната посакуваната цел. Треба да знаете дека форматот на оваа Комисија и се што ќе биде кажано тука, нема да има никаков правен основ за поведување одговорност. Но, истата единствено може да послужи за изземање од одговорност на оние кои имаат учество во оваа ужасна трагедија, рече Василевска.

Таа го прочита писмото од јавниот обвинител Љупчо Коцевски упатено до Собранието, во кое се нагласува дека за трагедијата во Кочани во тек се три одделни постапки – едната е во фаза на судење во Основниот кривичен суд Скопје, додека две се во фаза на истрага од кои една во Основното јавно обвинителство за гонење на организиран криминал и корупција и уште една во Основното јавно обвинителство во Кочани.

- Не би можел однапред да претпоставам како членовите и сведоците повикани пред Анкетната комисија планираат да ја излагаат својата аргументација пред Комисијата, меѓутоа доколку притоа бидат изнесувани докази и документи кои се поврзани со кривичните постапки кои се водат, постои опасност тие да се компромитираат. Лично сметам дека во овој момент не е целисходно да се водат две паралелни постапки, и пред Анкетната комисија да се расправа за докази или да се даваат искази кои треба да бидат дел од кривична постапка, вели Коцевски во писмото што го прочита Василевска.

Таа побара пауза од еден час и изземање на Апасиев од претседавање со Анкетната комисија, бидејќи, како што рече, има предефинирано и јавно изразено правно мислење за суштинските елементи на предметната судска постапка и оти го прави неспособен да гарантира непристрасност и објективност. Ги повика родителите на загинатите да одат во нејзината канцеларија да им ги покаже изјавите искажани од Апасиев за трагедијата во Кочани.

Апасиев во реплика кон Василевска, истакна дека не го прифаќа нејзиното барање за изземање и оти ќе продолжи да ја води Комисијата.

Тој не го прифати барањето за пауза од Василевска бидејќи, како што рече, таа не е координатор или заменик-координатор на пратеничка група.

Потоа, во процедурално обраќање пауза побара пратеничката на ВМРО-ДПМНЕ Дафина Стојаноска. Таа напомена и низа процедурални прекршоци на Деловникот околу водењето и свикувањето на седницата на Постојаната анкетна комисија.

Минатата недела, на предлог на пратениците од парламентарното мнозинство - ВМРО-ДПМНЕ, ЗНАМ и ВРЕДИ во Собранието беше донесена одлука да се основа Анкетна комисија за утврдување на околностите во постапувањето на институциите за трагедиите и несреќите во Република Македонија која ќе се фокусира на трагедиите во Кочани, во Модуларната болница, Дурмо турс и Ласкарци.

На 19 ноември годинава, во судницата во КПУ Идризово започна судењето за пожарот во дискотеката „Пулс“ во Кочани, што се случи на 16 март годинава, загинаа 63 лица, меѓу кои и деца, а над 200 беа повредени.

Судењето го води судијката Диана Груевска Илиевска и се одвива под засилени безбедносни мерки, со присуство на обвинетите, роднини на жртвите, обвинителството, одбраната и бројни новинари. На обвинителна клупа се 37 лица – сопственици, управители, инспектори, поранешни градоначалници, обезбедувачи и државни службеници.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Предлог-законот за правична застапеност, кој треба да го замени балансерот во собраниска процедура

<p>Во наелектризирана атмосфера, во Собранието почна расправата за предлог-законот за правична застапеност, кој треба да го замени укинатиот балансер..&nbsp;</p>

Предлог-законот за правична застапеност, кој треба да го замени балансерот во собраниска процедура

<p>Долгонајавуваниот законот за правична и соодветна застапеност влезе во собраниска процедура &ndash; со часови трае расправата во Комисијата за политички систем и односни меѓу заедниците за законот кој треба да го замени балансерот. Предлагачот, пратеникот и вицепремиер Беким Сали, во Собранието порача дека со овој закон се прави историски чекор кон унапредување на рамковниот договор и дека правичната застапеност во институциите ќе се уредува законски, наспроти со Балансерот, кој го оцени само како дигитална алатка.</p> <p>&bdquo;Сакам да истакнам дека овој закон ја ужива поддршката на Советот на Европа, бидејќи за него е дадено позитивно мислење од Венецијанската комисија, а препораките содржани во нејзиното мислење кои беа насочени кон подобрување на текстот се вградени во одредбите на овој закон. Законот го штити правото на слободно самозијаснување но го спречува неговото злоупотребување и доколку има таков обид, кандидатите ќе бидат одбиени со забрана да се пријават повторно за вработување за три месеци.&ldquo;</p> <p>Сепак, албанските партии од власта и опозицијата со спротивставени гледишта на овој закон. Според опозицискиот блок, кои жестоко се противат на ова решение, се нарушува рамковниот договор и уставниот поредок, и најавија дека ќе направат се што е во нивна моќ истиот да не се донесе. Од ВРЕДИ пак порачаа дека опозициските партии манипулираат со чувствата на албанските граѓани и дека законското решение ќе доведе до попрофесионални вработувања во институциите.</p> <p>На матичната комисија и претходеше жолчна расправа во Комисијата за политички систем, каде власта и опозицијата се судрија околу тоа дали да се носи со мал или голем бадентер - со 11 гласа за и двајца против, надвладеа ставот, тој да се донесе со мал бадентер, што значи мнозинство гласови од присутните пратеници и мнозинство гласови од припадниците на немнозинските заедници.</p> <p>&bdquo;Посакувам денешниот ден да не биде официјално почетокот на уништувањето на унитарниот систем на државата, бидејќи овој систем е можеби дојдено време и да се смени, бидејќи евидентно многу грешите ако не сметате за наивни.&ldquo;</p> <p>&bdquo;Зошто се плашите, јас не знам од каде ви е оваа паника или тенденцијата ваша е да создате на секоја седница, на секоја комисија да имате шоу, драми и театар.&ldquo;</p> <p>&bdquo;Вие донесувате закон кој ни го продавате како да живеете во Скандинавија.&ldquo;&nbsp;</p> <p>Пред да дојде на гласање на пленарна седница, законот ќе оди на јавна расправа.</p> <p><iframe allowfullscreen="" frameborder="0" height="315" src=

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Град падна во Пехчево и Берово, до крајот на денот променливо облачно со повремени врнежи и грмежи

До крајот на денот ќе се задржи променливо облачно со повремени врнежи од дожд, локално проследени со грмежи.

Град падна во Пехчево и Берово, до крајот на денот променливо облачно со повремени врнежи и грмежи

МАКСИМАЛНА ТЕМПЕРАТУРА (во о С)

14 Попова Шапка, 16 Крушево, 17 Лазарополе, Маврови Анови, 21 Претор, 22 Охрид, Берово, Крива Паланка, 23 Битола, 24 Прилеп, Виница, 25 Тетово, Скопје- Зајчев Рид, 26 Скопје-Петровец, Штип, Демир Капија, Гевгелија, Струмица, 27 Кавадарци, 28 Велес.

КОЛИЧИНА НА ВРНЕЖИ ЗА ИЗМИНАТИТЕ 9 ЧАСА (во l/m 2 )

4 Лазарополе, Виница, 3 Берово, 2 Гевгелија, Стурмица, Кавадарци, Штип, 1 Битола, Прилеп, Претор.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

ВРЕМЕТО ДЕНЕС И ДО КРАЈОТ НА ДЕНОТ

Променливо облачно со повремени врнежи од дожд, локално проследени со грмежи.

Во Пелагонија и југоисточните региони процесите беа поинтензивни во форма на краткотрајно невреме со пообилен пороен дожд, електрични празнења и силен ветер. Во крајниот исток (Пехчево и Берово) имаше појава на град.

До крајот на денот ќе се задржи променливо облачно со повремени врнежи од дожд, локално проследени со грмежи. Наместа процесите ќе бидат поинтензивни во форма на невреме со пообилен пороен дожд, електрични празнења, силен ветер и појава на град. Во текот на ноќта ќе биде променливо облачно време со услови за краткотрајни слаби врнежи од дожд. Ќе дува слаб до умерен ветер од северозападен правец.

ВРЕМЕТО УТРЕ

Променливо облачно со сончеви периоди. Претежно во планинските региони ќе има појава на нестабилност со пороен дожд, грмежи и засилен ветер. Ќе дува слаб до умерен ветер од јужен правец. Минималната температура ќе биде во интервал од 10 до 17, а максималната ќе достигне од 24 до 32 степени.

Во Скопје, променливо облачно со сончеви периоди. Ќе дува слаб до умерен ветер од јужен правец. Минималната температура ќе се спушти до 12, а максималната ќе достигне до 31 степен.

ВРЕМЕТО ВО НАРЕДНИТЕ ДЕНОВИ

Следува период на променливо облачно и топло време со сончеви периоди. Во попладневните часови ќе има појава на нестабилност со пороен дожд, грмежи и засилен ветер, наместа во форма на невреме, соопштуваат од УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА забрани шишиња со вода на натпреварите на СП, навивачите и експертите огорчени

Само една недела пред почетокот на Светското првенство, ФИФА донесе изненадувачка одлука да им забрани на навивачите да внесуваат шишиња за вода за повеќекратна употреба на стадионите. 

ФИФА забрани шишиња со вода на натпреварите на СП, навивачите и експертите огорчени

Безбедносните протоколи се наведуваат како причина, но потегот предизвика остри критики и загриженост за здравјето на гледачите со оглед на најавените високи температури, објавува ESPN.

Ненадејна промена на правилото

Оваа одлука претставува целосен пресврт, со оглед на тоа што официјалниот кодекс на однесување за имателите на билети претходно наведуваше: „За да се избегне сомнеж, празни, проѕирни, пластични шишиња за повеќекратна употреба со капацитет до (1 литар) може да се внесат на стадионот“. Сепак, ажурирањето на правилникот од 2 јуни, прво објавено од The ​​Athletic, ја елиминираше таа можност. ФИФА во соопштението изјави дека одлуката е донесена за да се намали ризикот од повреди предизвикани од фрлање предмети.

„ФИФА е посветена на заштитата на здравјето и безбедноста на сите играчи, судии, навивачи, волонтери и персонал“, се вели во соопштението. „ФИФА донесе одлука да забрани шишиња за да спречи ризик и повреди на играчите и посетителите. Шишињата однадвор веќе се забранети на неколку од овие места од безбедносни причини, а ФИФА го применува ова разгледување на сите стадиони на турнирот“.

Удар по џебот и здравјето на навивачите

Овој потег предизвика загриженост кај навивачите за справување со жештината, при што се очекуваат температури помеѓу 26 и 28 °C на неколку локации. ФИФА вети мерки за ублажување на жештината, како што се станици за прскање со вода, навивачи и шатори за ладење, и дека водата ќе се продава на стадионите по нормални цени.

Сепак, „Атлетик“ потсети дека на минатогодишното Светско клупско првенство во САД, флашираната вода чинеше помеѓу четири и шест американски долари. Промената на политиката доаѓа поради поплаките дека навивачите се погодени со „изнудувачки“ цени на билетите и превозот.

Навивачката група „Слободни лавови Англија“ објави на социјалните мрежи: „Што е следно? Крем за сончање е забранет, а навивачите се принудени да го купуваат на стадионите? И покрај сите нивни напори да обезбедат „паузи за пиење“ за играчите, ова е толку чудна, доцна промена.

Во сите наши дискусии, достапноста на бесплатна вода на стадионите беше клучна точка и ФИФА нè увери дека тоа ќе биде случај и дека навивачите ќе можат да си носат свои шишиња со вода. Секако, првата мисла од навивачите е дека ова е само најнов обид за заработка.“ Носењето шишиња беше забрането и на последното Светско првенство во Катар.

Експертите предупредуваат: „Одлуката ги зголемува здравствените ризици“

Експертите за топлотен удар силно го критикуваа пресвртот на ФИФА, а научниците предупредија уште во мај дека мерките за заштита од топлина за турнирот се „несоодветни“, пишува „Гардијан“.

Научниците од „Светското здружение за временски услови“ (WWA) изразија загриженост за влијанието на екстремната топлина врз благосостојбата на играчите и навивачите, при што навивачите се сметаат за особено ранливи.

WWA предвидува дека девет од 104 натпревари ќе се играат над 26 степени температура на влажна сијалица (WBGT), индекс што го мери топлинскиот стрес врз телото. Се очекува пет натпревари да надминат 28 степени, границата над која синдикатот на играчи FIFPRO препорачува одложување.

Оли Џеј, професор по топлина и здравје на Универзитетот во Сиднеј, вели дека е повеќе загрижен за гледачите отколку за играчите. „Ако ја погледнете популацијата на спортисти, сите се многу во форма. Додека ако размислите за гледачите, имате широк спектар на различни луѓе кои ќе присуствуваат, од мали деца до постари лица, луѓе со хронични болести...

Вашиот просечен гледач веројатно ќе биде помалку отпорен на топлината од овие високо кондиционирани професионални спортисти.“ Тој предупредува дека забраната за шишиња ги става навивачите во дополнителен ризик: „Освен ако контролите за ладење не се навистина ефикасни, претпоставувам дека оваа одлука јасно ќе го зголеми ризикот од здравствени инциденти поврзани со топлината.“

Д-р Теодор Кепинг од Империјал колеџ во Лондон ја нагласи важноста на пристапот до вода. „Обезбедувањето фер и еднаков пристап до хидратација е фундаментална прва линија на одбрана против екстремните ризици од топлина што климатските промени ги носат на ова Светско првенство“, рече тој.

Ендру Симс од Институтот беше уште поостар: „Дали ФИФА е климатски трол за играта што треба да ја заштити? Сега, отежнувањето на безбедноста на навивачите на натпреварување ранливо на глобалното затоплување изгледа како бездушно откажување од должноста на ФИФА за грижа.“ Светското првенство со 48 екипи, чии домаќини се САД, Канада и Мексико, ќе се одржи од 11 јуни до 19 јули.

Тагови: навивачите ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер