Се зголемува бројот на деца со опасна болест поврзана со коронавирусот - Канал 5

Здравје

Се зголемува бројот на деца со опасна болест поврзана со коронавирусот

Се проценува дека помеѓу 75 и 100 деца во Велика Британија имаат ретка и опасна болест поврзана со ковид-19.

Се зголемува бројот на деца со опасна болест поврзана со коронавирусот

Едно 12-годишно дете во Лондон почина од повеќекратен воспалителен синдром што личи на синдромот Кавасаки, а слични случаи се забележани и во Соединетите држави и во други европски држави.

Кавасаки синдромот е релативно ретка акутна детска болест. Тоа е системски васкулитис, т.е. воспаление на ѕидовите на средните и малите артерии, што може да го запре протокот на крв во срцето. Обично може да се излечи и повеќето деца се опоравуваат без сериозни проблеми, но може да биде и фатално.

Вчера британските експерти од лондонската детска болница ,,Евелин” соопштија дека лекувале повеќе од 20 деца кои имаат симптоми кои наликуваат на тешка форма на Кавасаки. Тие ги објавиле своите први истражувања во медицинското списание Lancet, пишува Си-Ен-Ен.

Иако има повеќе воспаленија кои личат на опасниот синдром Кавасаки, експертите за заразни болести велат дека двете болести сè уште се разликуваат во некои сегменти. Симптомите на овој нов синдром вклучуваат продолжена треска, осип, црвенило на очите, воспаление и заболување на еден или повеќе органи.

"Веруваме дека тоа е имун одговор на телото на новото опкружување од коронавирусот. Ние регистриравме мал број случаи, меѓу 75 и 100 низ целата земја. Важно е да се напомене дека повеќето деца се опоравиле, многумина дури и не завршиле на интензивна нега", рече Расел Винер , претседател на Кралскиот колеџ за педијатрија.

Британските педијатри предупредуваа кон крајот на април на сè поголем број на деца кои страдаат од синдром сличен на Кавасаки, заболување што може да се поврзе со коронавирусот.

Детското одделение за интензивна нега во Велика Британија (PICS) издаде „значајно предупредување“ во тоа време преку британската национална здравствена служба (NHS) за мало зголемување на бројот на критично болни деца со „истовремени симптоми на синдром на токсичен шок и атипична болест Кавасаки“, со тоа што некои од овие деца се позитивни на ковид-19.

Во предупредувањето издадено од страна на NHS до општите лекари во Велика Британија во април, се вели дека во последните три недели „има јасно зголемување на бројот на деца од сите возрасти со мултисистемска воспалителна состојба која бара интензивна нега“.

„Постои зголемена загриженост дека децата во Велика Британија развиле воспалителен синдром поврзан со ковид-19 или дека може да има друг, сè уште неидентификуван, заразен патоген поврзан со овие случаи“, се вели во предупредувањето.

Лекарите во северна Италија, еден од најголемите фокуси на светот на „ковида-19“, објавија невообичаено голем број деца на возраст под девет години со тешки форми на ретка болест Кавасаки.

Повеќе од 20 деца со тешко васкуларно воспаление пристигнале во болницата во Бергамо минатиот месец, шест пати повеќе отколку за една година, изјави педијатрискиот кардиолог Матео Цуфреда.

Тој додаде дека само неколку од нив биле позитивни на коронавирусот и дека колегите од Мадрид и Лисабон го контактирале за слични случаи. Зголемувањето на случаи на оваа болест е забележано и во Шпанија.

Петнаесет деца во Њујорк биле хоспитализирани со симптоми на повеќекратен воспалителен синдром што може да биде поврзан со ковид-19. Пациентите, на возраст од 2 до 15 години, биле хоспитализирани помеѓу 17 април и 1 мај. Неколку од нив биле тестирани позитивно за ковид-19 или е откриено дека имаат антитела или имале инфекција со коронавирус.

Некои од нив имале постојана треска и симптоми на болеста Кавасаки или знаци на синдром на токсичен шок. Најмалку пет деца завршиле на респиратор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Хали Бери денес наполни 60 години, а го одбележа својот роденден со објава на Инстаграм во која уште еднаш покажа дека нема намера да ги крие своите години.

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Актерката сподели серија фотографии и накратко рече дека не ѝ е гајле за мислењата на другите луѓе.

Објавата брзо го привлече вниманието на нејзините следбеници, кои најчесто ѝ честитаа во коментарите и ја пофалија нејзината самодоверба.

„Не ми е гајле што мислат другите луѓе“

Бери напиша покрај фотографиите: „Не ми е гајле што мислат другите луѓе“, а нејзината објава собра повеќе од 600.000 лајкови за само 17 часа откако беше објавена.

Коментарите беа исполнети со пораки за поддршка. „Ова е апсолутно совршено“, напиша еден следбеник, додека друг напиша: „Не ти е гајле за ништо! Продолжи така, @halleberry!“

Еден корисник го опиша нејзиниот потег како симбол на слобода и самодоверба, додека друг напиша: „Шеесет години никогаш не изгледале подобро!“

Со години, таа зборува за стареењето

Бери отворено зборуваше за притисокот што жените го чувствуваат во врска со стареењето и очекувањето дека треба да останат млади што е можно подолго. Таа беше особено гласна за прифаќањето на промените што доаѓаат со возраста и потребата жените да престанат да се обидуваат да изгледаат помлади по секоја цена.

Во колумна за Опра Дејли пред две години, таа ги повика жените да „престанат да се обидуваат да останат во своите 30-ти засекогаш и да си дозволат да бидат стари колку што сте“.

„Мора да се прифатиме себеси, да ги прифатиме нашите тела како што се менуваат и нашите простори како што се менуваат“, напиша таа во тоа време. „Благословени сме што сме тука. Вистинската самодоверба, сексапил и моќ доаѓаат од сознанието дека стануваме подобри со секоја измината година“.

Актерката, исто така, се осврна на идејата дека жените губат вредност како што стареат. „Општеството ни кажува дека откако ќе достигнеме одредена возраст, повеќе не сме вредни, витални или важни. Дека сме бескорисни“, рече таа. „Но, мора да се спротивставиме и да кажеме „не“. Ја отфрлам таа теорија“.

„Се чувствувам самоуверено, силно и секси“

Бери пред две години изјави дека со нетрпение очекува да остари.

„Се чувствувам како најдобрата верзија од себе и мислам дека ќе бидам уште подобра на 60 години“, рече таа. Таа, исто така, зборуваше за тоа како посветува поголемо внимание на своето здравје и долговечност, што, како што рече, ѝ дава чувство на контрола врз нејзиниот живот. „Се чувствувам самоуверено, силно и секси. Помудра и попаметна сум од кога било досега“, рече таа во тоа време.

Сега, на нејзиниот 60-ти роденден, се чини дека решила да го покаже својот став на Инстаграм.

Извор: Индекс.хр

Тагови: Хали Бери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„iPhone 18 Pro“ ќе биде многу поскап, но дали ќе има ист простор за складирање?

Се чини дека „iPhone 18 Pro“ би можел да биде значително поскап од сегашниот модел, а според новите извештаи, нема да има поголем основен капацитет за складирање.

„iPhone 18 Pro“ ќе биде многу поскап, но дали ќе има ист простор за складирање?

Тајванската истражувачка фирма „TrendForce“ проценува дека цената на компонентите за „iPhone 18 Pro“ ќе биде речиси 40 проценти повисока отколку за „iPhone 17 Pro“. И покрај ова, основниот модел на „iPhone 18 Pro“ наводно ќе има 256 GB внатрешна меморија, што моментално го нуди „iPhone 17 Pro“.

Ова значи дека капацитетот за складирање на моделот „Pro“ би изгледал вака:

• iPhone 16 Pro - 128 GB

• iPhone 17 Pro - 256 GB

• iPhone 18 Pro - 256 GB

„TrendForce“ не го спомена конкретно „iPhone 18 Pro Max“ во извештајот, но „Apple“ ги понуди моделите „Pro“ и „Pro Max“ со ист почетен капацитет за складирање за претходните две генерации, па се очекува дека истото би можело да важи и за новата генерација, објавува „MacRumors“.

Доаѓа повисока цена

Сепак, фактот дека основниот капацитет останува ист не значи дека цената ќе остане иста. Напротив, „TrendForce“ наведува дека зголемувањето на цените за моделот „iPhone 18 Pro“ е практично „неизбежно“, првенствено поради зголемените трошоци за компонентите.

Посебен проблем е меморијата. Цената на „RAM“ меморијата значително се зголеми поради моменталниот недостиг на мемориски чипови, додека се очекува цената на меморијата за складирање и новиот чип „A20 Pro“ исто така да се зголеми.

Според претходните информации, почетната цена на „iPhone 18 Pro“ во САД би можела да биде за 200 до 300 долари повисока од „iPhone 17 Pro“.

Во тој случај, „iPhone 18 Pro“ би можел да започне од дури 1.399 долари, додека почетната цена на „iPhone 18 Pro Max“ би можела да достигне 1.499 долари.

Извор: Б92

Тагови: iPhone 18 Pro

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер