Свет

Се зголеми црниот биланс од земјотресот во Индонезија, досега починале 90 лица

Индонезија ќе ги обнови куќите и зградите уништени во силниот земјотрес што го погоди островот Сулавеси минатата недела, изјави денеска претседателот Јоко Видодо, со 90 жртви, а илјадници луѓе морале да ги напуштат своите домови.

Земјотресот со јачина од 6,2 степени според Рихтер во петокот наутро предизвика значителна штета на стотици домови, трговски центар, хотели и владини згради, проследен со повеќе од 39 последователни потреси.

„Централната влада наскоро ќе започне со обнова, а за урнатите домови, владата ќе им помогне на оние кои се сериозно оштетени“, рече Видодо по посетата на градот Мамују во текот на денов.

Индонезиската влада ќе даде 50 милиони рупии (3558,72 американски долари) за обнова на „сериозно оштетените“ куќи, за куќи со „средна“ и „мала“ штета до 25 милиони рупии, односно 10 милиони рупии.

„Се надеваме дека со помош на централната влада, урнатите куќи и економијата ќе бидат обновени и дека државната администрација ќе се врати во нормала“, рече тој.

Претходно, воен службеник, кој е дел од официјалните заеднички сили за пребарување и спасување во земјата, рече дека скоро 10.000 луѓе биле евакуирани од Мамују и блискиот град Маена.

Многумина избегале во Парепаре, соседен град на повеќе од 250 километри јужно од Мамују и скоро 150 километри од Мајена, изјави официјалното лице.

Индонезија, сместена на Пацифичкиот огнен прстен, честопати е на удар од земјотреси.

Во 2018 година, земјотрес со јачина од 7,5 степени и последователно цунами го погоди Пало на Сулавеси, убивајќи илјадници луѓе.

Државната агенција за метеорологија предупредила на продолжување на потресите и опасност од екстремни временски услови во следните недели.

Индонезија беше погодена од низа катастрофи овој месец: авионска несреќа во која загинаа сите 62 патници и членови на екипаж на авионот, ненадејна поплава во провинцијата Јужен Калимантан на островот Борнео во која загинаа најмалку 15 лица, и вулканска ерупција и смртоносен одрон, во кој загинале 40 лица на островот Јава. .

Македонија

Oдбележување на 28 април – Светскиот ден на безбедност и здравје при работа

Во организација на МТСП и Меѓународната организација на труд со конференција на тема: „Климатските промени и безбедноста и здравјето при работа„ го одбележавме 28 април – Светскиот ден на безбедност и здравје при работа.

Сведоци сме на очигледни глобални климатски промени кои се случуваат насекаде на планетата. Резултат на тоа се сè почестите временски и климатски екстремни појави – изразито силни и чести топлотни бранови, силни врнежи, шумски пожари, поизразени сушни периоди итн. Никако не смее да се занемари фактот дека ваквите појави сериозно влијаат врз безбедноста и здравјето на работниците, кои честопати се и првите кои се изложени на овие опасности и тоа обично со изложеност која е подолготрајна и поинтензивна отколку на општата популација.

На одбележувањето на 28 април- Светскиот ден на безбедност и здравје при работа, министерот за труд и социјална политика, Ѓоко Велковски потенцирајќи го значењето на безбедноста и здравјето при работа, рече дека добар дел од несреќите при работа и појавата на професионални болести и заболувања кај работниците, можеле да бидат превенирани и спречени, но се токму последица на недоволното и несоодветното преземање на превентивни и заштитни мерки, неопходни да го заштитат здравјето и животот на работниците на работното место.

Во овој дел, тој се осврна на анализите и проценките на Меѓународната организација на трудот објавени пред извесно време.

„Проценки кои даваат една навистина застрашувачка слика, според која секоја година повеќе од 2,3 милиони работници ширум светот умираат од несреќи или заболувања кои се поврзани со работата и работното место, а дополнителни 340 милиони работници се повредуваат во различни несреќи при работа’, рече Велковски и додаде дека овие повреди и несреќи при работа, за жал се случуваат и во нашата држава.

Според податоците од Државниот инспекторат за труд, во текот на минатата - 2023 година се случиле околу 2,250 посериозни повреди при работа, од кои 17 завршиле трагично, со смртни последици по вработените.

„И токму затоа, спречувањето на ваквите ситуации, намалувањето на можностите за појава и настанување на несреќи при работа, намалувањето на ризиците на работното место, спречувањето или намалувањето на влијанието на различни опасности со кои се соочуваат или доаѓаат во допир работниците при нивната работа, ... сето ова е нешто на што сите мораме заеднички и координирано да работиме, уште поинтензивно отколку досега”, потенцираше министерот Велковски.

Секоја година при одбележувањето на Светскиот ден за БЗР, во фокусот на дискусиите е одредена актуелна тема од областа на безбедноста и здравјето при работа. Така е и оваа година. Одбележувањето е тематски посветено на „Влијанието на климатските промени врз безбедноста и здравјето при работа“.

Министерот Велковски на оваа тема акцентираше дека: „Мораме да сме свесни дека промовирањето и почитувањето на основниот принцип и право на работа во безбедна и здрава работна средина, исто така помеѓу другото, значи и соодветно справување со опасните влијанија од климатските промени на работното место”.

На конференцијата, воведни обраќања, покрај министерот Велковски имаа и Владанка Трајковска, Претседателка на ОРМ, Слободан Трендафилов, Претседател на ССМ и Националниот координатор на МОТ, Емил Крстановски.

На темата: „Климатските промени и безбедноста и здравјето при работа”, говореа Горјан Јовановски, софтверски инженер и еко-активист, основач на AirCare и EarthCare.ai, проф. д-р Драган Мијакоски од Институтот за медицина на трудот и Билјана Ставреска, стручно лице за безбедност при работа од Институт за техничко испитување и безбедносен инженеринг ИТИ – Скопје.

Министерство за труд и социјална политика

Свет

Пожар во руска рафинерија

Пожар во руска рафинерија: „Краток спој“ или украински дронови? 

Неколку вагони со нафта се запалија во четвртокот во близина на нафтена рафинерија во Омск, југозападна Русија.

Во близина на Транссибирската железничка линија изгореа локомотива и три вагони со речиси 90 тони нафта. Снимките покажуваат огромен пламен и остар црн чад што се издига над железничката станица.

Огромен пожар на железничката станица Комбинатска зафати околу 10.750 метри квадратни, додека 58 пожарникари неколку часа се бореа да го локализираат.

Македонија

Притвор од 30 дена за жител на Непроштено за разбојништво и поседување автоматска пушка

Прифатен е предлогот на jавниот обвинител до судија на претходна постапка од Основниот суд во Тетово за определување мерка притвор во траење од 30 дена за 28-годишен жител на Непроштено, осомничен за разбојништво и поседување автоматска пушка.

Како што информира денеска Јавното обвинителство, jавен обвинител од Основното јавно обвинителство Тетово донесе наредба за спроведување истражна постапка против 28-годишен жител на Непроштено. Осомничениот на 24 април 2024 година маскиран со „фантомка“ влегол во казино во Лешок и со автоматска пушка, која на граѓаните им е забранета им се заканил на вработениот во обезбедувањето и на уште едно присутно лице. Ја репетирал автоматската пушка и им наредил на оштетените да легнат на подот, по што од фиоките на касите одзел 329.780 денари.

На овој начин, како што се наведува, осомничениот сторил кривични дела „Разбојништво“ и „Неовластено изработување, држење, посредување и тргување со оружје или распрскувачки материи“.

Мерката притвор е определена за осомничениот поради тоа што постои опасност од бегство, можност тој да влијае врз сведоците и да го повтори делото.

притисни ентер