Свет

Се затвора најлуксузниот хотел на светот- симболот на Дубаи

Луксузниот хотел Бурџ Ал Араб во Дубаи ќе се затвори поради голема 18-месечна реконструкција, изјави член на персоналот на хотелот

Ова е прво реновирање откако беше отворено во 1999 година, во време кога туризмот во регионот се забави поради американско-израелската војна со Иран, пренесе Каматица.

Во соопштението од сопственикот, групацијата „Џумеира“, се вели дека работата ќе се изведува во фази во текот на околу 18 месеци и ќе ја води парискиот дизајнер на ентериер Тристан Оер. Не се наведува дали објектот ќе биде затворен за време на реновирањето.

Член на персоналот изјави дека хотелот им нуди на гостите со резервации за време на реновирањето алтернативен сместување во блиските хотели и дека периодот на затворање може да се промени.

Погоден на почетокот на војната со Иран

Хотелот во форма на едро, еден од најпознатите обележја на Дубаи и водечкиот хотел на групацијата „Џумеира“, претрпе штета кога остатоците ја погодија неговата фасада откако беше пресретнат ирански напад со беспилотни летала на почетокот на март.

Тврдат дека реновирањето не е поврзано со нападот

„Долгоочекуваната“ работа не е поврзана со инцидентот во март, рече вработениот. Групацијата „Џумеира“, која е со седиште во Обединетите Арапски Емирати, не го поврза проектот со војната во соопштението.

Но, времето на реновирањето е значајно бидејќи конфликтот им наштети на патувањата до Дубаи, со прекини во летовите што влијаат на ОАЕ и предупредувања од луксузни брендови за притисок врз профитот поради слабеењето на побарувачката.

Тагови: Дубаи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Венера Азизи: Владата го изгласа пуштањето во употреба на „One Stop Shop“ со Република Албанија

Денеска Владата го изгласа пуштањето во употреба на системот за заеднички гранични проверки „One Stop Shop“ со Република Албанија.

Со ова се заокружува процесот на воспоставување на овој систем со трите соседни земји на Република Македонија кои не се дел од Шенген зоната, имајќи предвид дека истиот веќе функционира со Србија и Косово. За целосна финализација останува да се потпише договор меѓу двете министерства за внатрешни работи.

Воведувањето на системот најпрво ќе започне на граничниот премин Ќафасан, а потоа ќе биде проширено и на останатите гранични премини со Албанија. Ова ќе овозможи поедноставно, побрзо и побезбедно преминување на државната граница, особено во летниот период кога значително се зголемува фреквенцијата на патници и кога во минатото граѓаните често укажуваа на долгите чекања на граничните премини.

Потребата од вакво решение најдобро ја потврдува фреквенцијата на патници на граничните премини со Република Албанија. Во текот на 2025 година, на овие гранични премини биле регистрирани вкупно 4.581.724 патници, од кои дури 2.318.080 на граничниот премин Ќафасан. Овие бројки ја истакнуваат важноста од воведување на системот „One Stop Shop“, кој ќе овозможи побрз и поефикасен проток на патници и ќе придонесе за намалување на времето на чекање на границите, изјави Венера Азизи.

Тагови: One Stop Shop

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Болнички службеник фотографирал банкарска картичка на шалтер, па направил десетици онлајн купувања

Административен службеник во ЈЗУ општа болница Прилеп е осомничен дека фотографирал дебитна платежна картичка на прилепчанец, а потоа со нејзините податоци извршил десетици интернет-трансакции, при што незаконски потрошил повеќе од 90.000 денари.

Според пријавата од МВР, на 13 октомври минатата година, осомничениот, кој работел како административен службеник на шалтер за наплата во прилепската болница, ја фотографирал дебитната платежна картичка на лице од Прилеп. Потоа, во периодот до 19 февруари годинава, користејќи ги податоците од картичката, извршил вкупно 71 интернет-трансакција, при што била предизвикана штета во износ од 90 илјади денари

Тагови: банкарска картичка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Преку посветена работа на терен се подобруваат условите за живот на граѓаните

Скопје предолго време беше град оставен на заборав – со запуштени јавни површини, нарушена хигиена, недоволно одржувана инфраструктура и проблеми што со години остануваа нерешени.

Денес, сликата постепено се менува. Во повеќе делови од градот се реализираат активности за чистење, уредување и реконструкција на јавните простори, со цел враќање на редот, функционалноста и достоинството на главниот град.

Преку посветена работа на терен се подобруваат условите за живот на граѓаните, се обновуваат запуштени локации и се создава почиста и поуредена урбана средина.

Ова е процес кој бара време, труд и континуирана посветеност, но промените се веќе видливи. Скопје заслужува да биде чист, уреден и модерен град во кој граѓаните ќе се чувствуваат горди.

Затоа што го сакаме Скопје.

Град Скопје

Тагови: Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.