Во текот на вчерашниот ден, во Општата болница и во Здравствениот дом во Гостивар биле извршени вкупно 36 прегледи, што е за 37 помалку во споредба со претходниот ден, кога биле регистрирани 73 прегледи. Во моментов, во болницата се хоспитализирани четири пациенти.

Од почетокот на следењето, во двете здравствени установи се извршени вкупно 4.483 први прегледи. До надлежните институции се доставени 1.014 формални пријави за заразна болест, а обработени се 706 нови епидемиолошки анкети, со што е постигната покриеност од 70 проценти.

Надлежните здравствени институции продолжуваат со засилен епидемиолошки надзор, прибирање и обработка на податоците, анкетирање на пациентите и координирано спроведување на сите неопходни мерки за заштита на населението. Намалувањето на бројот на прегледи е охрабрувачки показател, но состојбата и натаму внимателно се следи.

Состојба со западнонилска треска

Заклучно со 30 јули 2026 година, во државата се потврдени вкупно 13 случаи на западнонилска треска.

На Универзитетската клиника за инфективни болести и фебрилни состојби се хоспитализирани 10 пациенти со потврдена инфекција, од кои тројца се во критична здравствена состојба.

Поради актуелната епидемиолошка состојба и врз основа на стручната проценка на ризик, Министерството за здравство го задолжи Центарот за јавно здравје–Скопје да спроведе дополнителна терестичка, односно земјена адултицидна дезинсекција против комарци. Вонредниот третман беше спроведен во текот на ноќта како дополнителна превентивна мерка за намалување на ризикот од ширење на инфекцијата.

Министерството за здравство, Институтот за јавно здравје, центрите за јавно здравје и здравствените установи остануваат во постојана координација и навремено ќе ја информираат јавноста за сите нови сознанија и преземени активности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Филипче и СДС со години ги криеле анализите за загадена вода, граѓаните не знаеле дека пијат небезбедна вода.

Со години граѓаните биле изложени на ризик, додека Венко Филипче како министер за здравство и СДС располагале со информации за стотици случаи на неисправна вода за пиење, а јавноста не била информирана.

Приближно 400 испитувања на вода за пиење во кои биле утврдени различни неправилности, а институциите не презеле соодветни мерки ниту навреме ги предупредиле граѓаните да не ја користат водата. Тоа отвора сериозни прашања за институционалната одговорност и за начинот на кој било заштитувано јавното здравје.

Венко Филипче се обидува да зборува за заштита на здравјето на граѓаните, додека тој знаел за овие анализи, а молчел и криел од јавноста. Документите и фактите покажуваат дека токму во периодот кога Филипче беше министер, Министерството за здравство располагало со извештаи за небезбедна вода, а јавноста останала без информација.

Документите покажуваат конкретни случаи:

На ден 12.08.2021 година, чешма во здравствен дом во М.Каменица не била исправна.

На 27 јули 2021 година е констатирана неисправна вода на чешма пред училиште во село Гумалево, Општина Зелениково.

На 29 јуни 2021 година, по земена мостра од локален водовод во Дебарца, е утврдено отсуство на резидуален хлор, поради што водата била небезбедна за пиење.

На 11 мај 2021 година, во Требеништа, Општина Дебарца, е утврдена микробиолошка контаминација и присуство на бактеријата Ешерихија Коли.

На 6 јули 2021 година, во одморалиштето Пониква кај Кочани, анализите покажале дека водата не ги исполнува законските стандарди поради зголемен број бактерии и присуство на Ешерихија Коли. Сето ова додека Филипче е министер за здравство и до него биле праќани овие извештаи.

Ако овие информации биле познати на Министерството за здравство, зошто граѓаните не биле известени? Зошто Филипче како министер и СДС тогаш молчеле и не го решиле овој проблем? Зошто не биле преземени мерки за отстранување на ризикот? И зошто денес оние што молчеле се обидуваат да држат лекции за јавно здравје?

Дали Венко Филипче како министер и доктор ја прекршил и Хипократовата заклетва и дозволил граѓаните да консумираат вода која претставувала ризик за здравјето на тие кои ја консумираат?

Молчењето кога постојат информации за небезбедна вода не смее да остане без одговорност.

Поднесени се пријави до Министерството за внатрешни работи. Очекуваме Јавното обвинителство темелно да го испита целиот случај, да утврди дали постоело прикривање на информации и дали со непостапувањето биле загрозени здравјето и животите на граѓаните.

Одговорност мора да има. Никој не смее да биде над законот, без оглед на функцијата што ја извршувал.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заводливата манекенка Ирина Шајк најверојатно е „слаба“ на спортисти и познати актери. 40 годишната Ирина сега повторно е зафатена, а според странските медиуми, нејзиното срце го освоил многу помлад спортист, 29 годишната НБА-ѕвезда Девин Букер.

„Сè уште е почеток, но навистина си се допаѓаат“, откри извор близок до парот, додавајќи дека се запознале преку заеднички пријатели пред неколку месеци и дека се обидуваат да поминуваат што е можно повеќе време заедно во текот на летото, пред тој да почне со подготовките за новата сезона.

„Очекувајте да ја видите Ирина на некои од неговите натпревари“, додаде изворот. „Таа навистина се приврза кон него.“

Во неделата, профилот „Deuxmoi“ објави фотографија од Букер, снимен одзади додека го напушташе „Tutto Caffé“ во Ист Хемптон, а повеќе извори наведуваат дека тој и Ирина биле видени заедно во Хемптонс.

Devin Booker was seen at Delilah’s Chase party alongside Irina Shayk.

The source claims Irina was frequently seen with Booker throughout the night and appeared to be “all over him.” However, the eyewitness also alleges that Booker was seen being affectionate with two other… pic.twitter.com/RtLirMtEMR

— CantGuardBook (@CGBBURNER) July 27, 2026

Инаку, и Ирина и Девин имаат врски со познати личности. Од 2015 до 2019 година, Ирина беше во врска со актерот Бредли Купер, со кого ја има деветгодишната ќерка Леа.

Во 2021 година, таа накратко беше поврзувана со Канје Вест (49), а во 2023 година со Том Брејди, претходно имаше долга врска и со свестката фудбалска ѕвезда Кристијано Роналдо.

Ирина и поранешната ѕвезда на НФЛ раскинаа по помалку од четири месеци врска, а по тоа Ирина немаше сериозна врска, иако беше поврзувана со бројни познати мажи.

Што се однесува до ѕвездата на НБА лигашот феникс, Девон Букер, тој беше во бурна долгогодишна врска со манекенката Кендал Џенер од 2020 до 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.