Свет

Се заострува конфликтот меѓу двете нуклеарни сили Индија и Пакистан

Десетици загинати и повредени, меѓу нив деца по нападите кои Индија ги изврши на територијата на Пакистан во најголемата ескалација меѓу двете нуклеарни сили по неколку децении.

Властите во Њу Делхи тврдат станува збор за легитимен одговор за неодамнешниот терористички напад во индискиот дел на Кашмир каде беа убиени дваесетина туристи, а за што прстот беше вперен кон пакистански милитанти. Како дел од операцијата наречена „Синдор“ Индија тврди дека погодила девет мети, по што следел контра удар од соседот, во кој загинале 10-ина жртви. Пакистанските власти тврдат дека собориле пет индиски борбени авиони и предупредија дека ќе следува и дополнителен соодветен одговор.

-Кукавичка Индија направи непромислен потег против Пакистан и таргетираше невини цивили. Пакистанските сили со целосна поддршка на пакистанскиот народ ќе испратат силен и целосен одговор на овој акт на неприајтелот. Соодветен одговор ќе биде даден,-- Ахмед Шариф Чаудри – Портпарол на армијата на Пакистан.

-Индија го искористи своето право да одговори, да спречи како и да одврати повеќе такви преку гранични напади. Овие акции беа одмерени, не ескалаторни, пропорционални и одговорни. Тие се фокусираа да се разбие терористичката инфраструктура и да се спречи испраќање на терористи во Индија.-Викрам Миски – Секретар за надворешни работи на Индија.

Двете земји уште од утринава забрзано испраќаат воени сили кон границата, додека илјадници цивили започнаа да се евакуираат кон внатрешноста. Дел од нив ноќта да ја поминале под отворено небо.

-Три ракети ја погодија џамијата и административната канцеларија. Неколку луѓе кои беа таму загинаа.

-Голема паника се создаде меѓу луѓето. Голем дел од нив ноќта ја минаа под отворено небо, будни и во страв.

-Имаше постојани експлозии, ги земавме децата и побегнавме од куќата.

Конфликтот меѓу двете земји кои располагаат со значителен број на нуклеарно оружје го вклучи алармот и на глобално ниво. Повициза деесакалација упатија генералниот секретар на ОН Гутереш, а загриженост изразија властите во Русија, Кина, Франција и Велика Британија. Американскиот претседател Трамп пак, изрази надеж дека се ќе заврши брзо.

-Изгледа луѓето знаеа дека нешто ќе се случи, врз основа на минатото. Тие се борат многу долго време, тие се борат многу декади и векови ако размислите за тоа. Се надевам дека ќе заврши многу брзо.- Доналд Трамп – Претседател на САД.

Од нивната независност далечната 1947 година, па до дега, Индија и Пакистан имале три војни и неколку конфликти, речиси сите фокусирани на регионот на Кашмир кој се уште е јаболко на раздорот меѓу двете земји.

Тагови: Индија Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љупчо Пренџов избран за заменик на генералниот секретар на ВМРО-ДПМНЕ

Пратеникот Љупчо Пренџов е избран за заменик на генералниот секретар на ВМРО-ДПМНЕ, Драган Ковачки. Одлуката ја донел партискиот Извршен комитет на седницата одржана на 12 ноември, објави Пренџов на Фејсбук.

Тој му се заблагодари на лидерот Христијан Мицкоски за довербата и на членовите на Извршниот комитет за поддршката, оценувајќи го изборот како ново поглавје во својот политички ангажман.

„Довербата е обврска. Одговорноста е да се оправда со работа и резултати“, напиша Пренџов.

Пренџов претходно беше организациски секретар на Граѓанската опција за Македонија (ГРОМ), а во март 2017 година беше избран за потпретседател на таа партија. Во Собранието влезе во 2020 година како претставник на ГРОМ, од листата на коалицијата предводена од ВМРО-ДПМНЕ.

Драган Ковачки беше избран за генерален секретар на ВМРО-ДПМНЕ на 6 февруари годинава, кога Централниот комитет го избра и новиот состав на Извршниот комитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Во сабота во малата сала на СЦ „Јане Сандански“ ракометно дерби, Вардар- Алкалоид

Во сабота нè очекува уште едно големо ракометно дерби – Вардар против Алкалоид. Видеолотарија и навивачите со силна подршка на трибините за црвено-црните.

Дерби-натпреварот меѓу Вардар и градскиот ривал Алкалоид, закажан за сабота, 14 ноември, со почеток во 18:30 часот, ќе се одигра во СЦ „Борис Трајковски“, наместо во малата сала на СЦ „Јане Сандански“.

ВЛТ е со Вардар! Ги повикуваме сите навивачи во сабота да бидат дел од црвено-црната енергија и со гласна поддршка да му помогнат на тимот во дербито.

Вардарци, се гледаме во СЦ „Борис Трајковски“!

Тагови: РК Вардар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски панично ја брани Алта банка – Савески веднаш да постапи по кривичната пријава против Славески!

Колку повеќе прашања за одговорност се отвораат за Алта банка, толку по панично Христијан Мицкоски ја брани.

Од што се плаши Мицкоски најмногу? Од вистината.

Од тоа што ќе го покажат документите за влезот на Алта банка во Македонија, што ќе се откие потеклото на капиталот, трансакциите и сметките и ќе ги потврдат неговите врски со криминалниот картел на Вучиќ.

Мицкоски и Трајко Славески ја донесоа Алта банка во Македонија, ја внесоа пералницата на пари на Вучиќ.

Славески јавно призна дека одлуката ја донел по консултации со Мицкоски.

Во Србија има истрага, Алта банка е под стечај, сопственикот е приведен, се истражуваат 380 милиони евра. Дури се споменуваат сомнежи и за печатење пари.

Во Македонија граѓаните не можат да дојдат до своите пари а Мицкоски и Славески сакаат да го заташкаат скандалот за да се спасат од одговорност.

Обвинителот Ненад Савески треба да го прекине молкот и веднаш да постапи по кривичната пријава што ја поднесе СДСМ.

Гувернерот Трајко Славески има директна одговорност.

Основани се сомненијата за несовесно работење во службата и злоупотреба на службената положба и овластување при одобрувањето на преземањето на банката и спроведувањето на надзорот.

Зошто не биле направени потребните проверки на сопственикот Давор Мацура, потеклото на капиталот за кој има инофрмации дека е од криминал и дрога, зошто не се пресметале ризиците?

Савески треба да преземе мерки на претпазливост, вклучително привремена забрана за вршење на должноста на Трајко Славески, за да се спречи влијание врз сведоците, уништување на документацијата и доказите.

Обвинителството мора да покаже дека работи независно и по закон.

Скандалот со Алта банка нема да се заташка. Правдата доаѓа.

Од Мицкоски до Славески – сите ќе одговараат!

Скопје, 13.11.2026 година

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.