Се заглавил во оџак, додека го спасувал кучето- пожарникари го ваделе, а полицајци го уапсиле (ВИДЕО) - Канал 5

Живот

Се заглавил во оџак, додека го спасувал кучето- пожарникари го ваделе, а полицајци го уапсиле (ВИДЕО)

Пожарникарите морале да спасат човек кој се заглавил во оџак обидувајќи се да го фати своето куче, кое останало во тоалетот кога вратата автоматски се заклучила во текот на ноќта!

Се заглавил во оџак, додека го спасувал кучето- пожарникари го ваделе, а полицајци го уапсиле (ВИДЕО)

Полицијата била повикана во паркот Роквел во Бристол во недела наутро поради пријава за провала, а вработените во паркот им рекле дека некој е во оџакот. Пожарникарите реагирале и го извлекле човекот откако морале да отстранат делови од оџакот и куќата, предизвикувајќи штета од 5.000 до 10.000 долари, соопшти полицијата, објави Ен-Би-Си.

Мажот од Бристол, кој не бил повреден, бил уапсен и обвинет за провала, нелегален влез и оштетување на имот. Тој бил ослободен со кауција и му било наредено да се појави на суд на 7 јули.

YouTube video

Мажот се заглавил во близина на оџакот на павилјонот „Г-ѓа Роквел“, зграда именувана по добротворот на паркот. Бравите на вратите од тоалетите се нови и автоматски се заклучуваат секоја вечер во 22 часот, изјави Ерика Беноа, координатор за работа со заедницата во Одделот за паркови, рекреација, млади и општествени услуги во Бристол.

Не е јасно како кучето се заклучило во тоалетот или колку долго човекот бил во оџакот. Вратата може да се отвори одвнатре дури и откако ќе биде заклучена ноќе. Кучето не е повредено, соопшти полицијата.

„Ова е навистина луда ситуација. Нашиот персонал во паркот работи со полицијата и противпожарната служба за да се осигури дека вакви работи нема да се повторат. Доколку веднаш ја контактираше полицијата, можеби ќе ја избегневме целата оваа ситуација“, рече Беноа.

Тагови: оџакот пожарникари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

Министерот Клековски ги посети Клиниката за инфективни болести и Институтот за јавно здравје

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот. 

Видео: Бебе истрча на терен и прекина натпревар во американската МЛС

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер