Долго беше патувањето за астронаутот на НАСА, Кристина Кох. Оваа недела ќе се врати на Земјата откако живееше и работеше 328 дена во вселената- најдолгиот престој направен од жена.

Денес (4 февруари), Кох разговараше за нејзиното вселенско искуство, вклучително и што значи да се излезе од вселенско летало и да се направи историското прво шетање низ вселената на целосно женски тим со нејзината колешка, астронаутот на НАСА, Џесика Меир, минатиот октомври.

„За мене“, изјави Кох за NBC News од Меѓународната вселенска станица, „се е во чест на моите херои , чии стапки ги следам “. Кох додаде дека, ги гледа овие пресвртници што ги достигнале жените во вселенските летови „како можност да се надеваме и да ја инспирираме следната генерација истражувачи“.

Кох пристигна во вселенската станица на 14 март 2019 година и ќе се врати на Земјата рано во четврток (6 февруари) со руското вселенско летало Сојуз заедно со колегите на екипажот Лука Пармитано од Европската вселенска агенција и рускиот космонаут Александар Скварцов.

Кох сподели дека, покрај моментот кога за прв пат влегла и ја видела вселенската станица, нејзиниот омилен момент во вселената бил на првата прошетка низ вселената со Меир.

Во среда и четврток (5 и 6 февруари) НАСА ќе го емитува враќањето на Кох на Земјата. Интернет-емитувањата на НАСА ќе започнат во среда со почеток во 9 часот. Слетувањето на Сојуз во оддалечените степи на Казахстан е закажано за четврток во 4:14 часот по полноќ.