Службите за итни случаи се на местото на настанот и сè уште се прават проценки колку лица загинале во несреќата. Мостот се срушил околу 8:30 часот по локално време и е мост што ги поврзува градовите Мирепоа-сур-Тарн и Бесиерес, пренесува РТ.
Се проценува дека во моментот кога се урнал стариот мост, на него имало девет лица, напишала Противпожарната служба Хауте Гарон на Твитер. Две лица се во критична состојба ,a уште тројца се хоспитализирани.
Обвинителот Доминик Алезари изјави за медиумите дека двете возила сигурно биле на мостот во моментот на рушењето и дека е можно да имало и трето.
Во инцидентот загина 15-годишно девојче. Службите за итни случаи го извлекоа нејзиното тело, пренесува Франс 24.
Нејзината мајка, наводно, била спасена од минувачите, но властите допрва треба да го потврдат тоа. Според локалните медиуми, тинејџерката била во автомобилот со нејзините родители кога се урнал мостот.