Свет

Се урна авион среде мочуриште со алигатори- патниците преживеале 36 часа (ВИДЕО)

Пет лица се спасени откако поминаа 36 часа на остатоците од авионот што се урна во мочуриштата на амазонскиот регион во Боливија.

Тоа е област полна со алигатори, објавија локалните власти, како што објави Би-Би-Си.

Авионот исчезна од радарот во четвртокот, а беше пронајден вчера благодарение на локалните рибари во боливискиот регион Амазонас, откако беше исчезнат вкупно 48 часа.

Преживеаните - три жени, едно дете и 29-годишен пилот - беа пронајдени во „одлична состојба“, рече Вилсон Авила, директор на центарот за итни интервенции на одделот Бени.

Принудно слетување поради дефект на моторот

Операцијата за пребарување и спасување започна во четврток откако авионот исчезна од радарот за време на летот од Баурес, во северна Боливија, до градот Тринидад.

Пилотот Андрес Веларде за локалните медиуми изјави дека дошло до дефект на моторот, поради што бил принуден да направи итно слетување во близина на реката Итаномас.

„Бевме опкружени со алигатори“

Авионот слета во мочуриште во близина на лагуната, каде што патниците - сите петмина - беа заробени врз остатоците, опкружени со диви животни.

„Бевме опкружени со алигатори кои се приближија на три метри од нас“, рече Веларде. Тој додаде дека верува оти биле спречени од истекувањето на гориво од авионот, а забележале и анаконда во водата.

Преживеале со брашно од касава

Додека чекале помош, патниците успеале да преживеат благодарение на брашното од касава што го донел еден од патниците. „Не можевме да пиеме вода и не можевме да се движиме никаде поради алигаторите“, рече пилотот.

Откако рибарите ги забележале остатоците, на местото на несреќата бил испратен хеликоптер и преживеаните биле пренесени во болница. Рубен Торес, директор на здравствената администрација на регионот Бени, изјави дека за време на пребарувањето имало „многу шпекулации и различни теории“ за исчезнувањето на авионот.

„Навистина сум среќен бидејќи сите служби на крајот се здружија и успеавме да ги пронајдеме исчезнатите и да им ги спасиме животите“, изјави Торес.

Тагови: авион алигатори

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.