Се уредуваат мурали со фолклорни обележја на влезот во Кочани - Канал 5

Забава

Се уредуваат мурали со фолклорни обележја на влезот во Кочани

Мурали со фолклорни мотиви на жетварки, ориз и делови од грбот на Кочани ќе ги украсуваат потпорните ѕидови на улицата „Димитар Влахов“, на влезот во градот.

Се уредуваат мурали со фолклорни обележја на влезот во Кочани

Изработката на муралите е со поддршка од lокалната самоуправа, а во рамки на одбележувањето на празникот на Кочани – Петровден. Се работи за ликовно видување на академскиот уметник Дејвид Стоилковски од Куманово, со кое тој се претставува пред јавноста на поинаков начин од вообичаените изложби.

-Мотив ми беше да се застапат сите битни елементи по кои се препознава Кочани, а на ѕидовите се насликани жетвари и жетварки, ориз што е претставен во поблизок кадар и други карактеристични фолклорни елементи. За да не биде сè реалистично, на едниот мурал вклопив и сегменти од грбот на општината како составен дел на композицијата. На вториот мурал, што сè уште го работам, ќе ја има црквата „Св. Георгиј“ што е забележлива во Кочани, како и дел од Споменикот на слободата со мозаикот што го изработил Глигор Чемерски. Исто така, ќе има и мажи кои рачно жнеат ориз, а двата мурала ќе бидат како диптих, како да се споени, иако се оддалечени стотина-двеста метра еден од друг, но ќе имаат иста тематика, истакна авторот Стоилковски.

Младиот академски сликар од Куманово веќе работел на мурали во други градови во државата, како и во САД, Србија и Босна и Херцеговина. Во договор со надлежните во lокалната самоуправа на Кочани очекува согласност да наслика и друг мурал на некој повисок објект во централното градско подрачје, за да биде повпечатлив и видлив од далеку.

Со комплетирањето на муралите, ѕидовите на влезот во Кочани, што претходно се користеа за лепење политички предизборни плакати, а потоа остатоци од пропагандниот материјал го опфаќа просторот, сега добиваат поинаков и облагороден изглед.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА: Инфантино се откажа од спорните инвестициски планови

Светската куќа на фудбалот, (ФИФА) се откажа од идејата за продажба на дел од правата за Светското првенство на приватни инвеститори.

ФИФА: Инфантино се откажа од спорните инвестициски планови

Претходно, европската УЕФА, Азиската фудбалска конфедерација и КОНКАКАФ (земјите од Северна и Средна Америка) се изјаснија против, а сите 55 европски национални асоцијации донесоа радикална одлука, гласаа за целосен бојкот на сите натпреварувања на ФИФА (вклучувајќи ги и Светските првенства за мажи и жени).

Претседателот на ФИФА, Џани Инфантино, потврди дека се откажал од планот.

„Проектот FIFA Forward Enterprise беше замислен како основа за понатамошно зајакнување на членките на ФИФА и развој на нашиот спорт низ целиот свет – особено во земјите каде што поддршката е најпотребна. Сепак, како што наведовме од самиот почеток, имплементацијата на проектот беше можна само со поддршка на мнозинството членки на ФИФА и преку консултации со нив, Советот на ФИФА, конфедерациите и другите засегнати страни.“

Откако внимателно ги сослушавме сите мислења, дојдовме до заклучок дека проектот предизвикал таква контроверзност што, без оглед на нивото на поддршка, тој повеќе не ја исполнува својата првична намена.

Нашата цел отсекогаш била и останува иста – да се обединиме и да се подобриме.

Во овој поглед, имплементацијата на овој предлог нема да се случи.

„Во наредните денови и недели, имам намера повторно да ги соберам сите засегнати страни – во духот на заедничкиот интерес за нашиот спорт и со цел да продолжиме да го развиваме фудбалот насекаде, особено во оние земји на кои им е најпотребна нашата поддршка“, рече Инфантино во соопштението објавено на веб-страницата на ФИФА.

Има шпекулации дека Инфантино ја изгубил поддршката од функционерите на ФИФА и контролата врз организацијата, па затоа може да се очекува дури и негова оставка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Земјотрес во Италија близу Неапол, 21 повреден, двајца во критична состојба (

Земјотрес со јачина од 4,7 степени според Рихтеровата скала го погоди вулканското подрачје Кампи Флегреи во близина на Неапол, при што се повредени 21 лице, а двајца од нив се во критична состојба.

Земјотрес во Италија близу Неапол, 21 повреден, двајца во критична состојба (

Националниот институт за геофизика и вулканологија (INGV) регистрираше земјотрес во саботата навечер на длабочина од три километри, објави порталот „Италпрес“.

Неколку часа подоцна, околу 22 часот, беше регистриран уште еден земјотрес со јачина од 3,8 степени, а потоа беа забележани уште триесетина помали земјотреси.

Земјотресот силно се почувствува во Неапол, каде што многу граѓани излегоа на улиците, а во некои делови од градот беше пријавен прекин во снабдувањето со електрична енергија.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пеколен викенд во Македонија, денес сончево и топло со температура до 39 степени

Според Управата за хидрометеоролошки работи денеска времето ќе биде сончево и топло со мала локална облачност. 

Пеколен викенд во Македонија, денес сончево и топло со температура до 39 степени

Ќе дува слаб до умерен ветер од променлив правец. Максималната температура ќе биде во интервал од 33 до 39 степени.

Во Скопје, сончево и топло. Ќе дува слаб до умерен ветер од променлив правец. Максималната температура ќе достигне до 38 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер