Необична несреќа снимила надзорната камера викендов во италијанскиот град Осимо во провинцијата Анкона. На видеото се гледаат последните моменти од трката на две Ферари кои влегуваат во свиок со несоодветна брзина, се вртат и удираат во тротоарот, што ги отфрла во воздух. Потоа слетаа во оградата на луксузен имот со замок.
Автомобилите со голема брзина удриле во бетонскиот парапет на оградата и биле драстично оштетени. Особено синиот што може да оди на отпад. Нивните сопственици сè уште можат да бидат среќни затоа што успеале да излезат живи. Возачите на возраст од 50 и 54 години се здобиле само со полесни повреди. Наводно станува збор за туристи од Белгија, додека други извори наведуваат дека еден возач е Холанѓанец.
Што се однесува до болидите, тоа се црвените Ferrari 296 GTB Assetto Fiorano и синиот Ferrari F12 Berlinetta. Вториот по ударот се запалил. Јутјуберот Антонио Пио Гуера ги снимил последиците од несреќата и доаѓањето на пожарникарите кои успеале да го изгаснат пожарот откако изгорел главниот дел од Ферарито.
Во секој случај, возачите на Ферари ќе имаат одмор за паметење.