Се сумираат штетите од невремето, само во Скопје речиси илјада пријави за полавени домови, надвозници, паднати дрва - Канал 5

Македонија

Се сумираат штетите од невремето, само во Скопје речиси илјада пријави за полавени домови, надвозници, паднати дрва

Ден потоа, Скопје повторно профункционира во вообичаениот ритам – улиците каде вчера се создадоа реки и базени, повторно се суви и раздвижени, но точната цена на невремето засега останува непозната.

Се сумираат штетите од невремето, само во Скопје речиси илјада пријави за полавени домови, надвозници, паднати дрва

Ден потоа, Скопје повторно профункционира во вообичаениот ритам – улиците каде вчера се создадоа реки и базени, повторно се суви и раздвижени, но точната цена на невремето засега останува непозната, ЦУК примил во текот на вчерашниот ден примил над 1000 пријави, 900тини од нив биле само за Скопје за поплавени подруми, подвозници, паднати дрвја и останати штети од непогодата, која најсилно ги погоди Кисела Вода, Гази Баба, Бутел и Чаир...

Екипите на Град Скопје се на готовс и денеска, оти најави за невреме од метеоролозите пристигнаа и за вечерва. Градоначалникот на Скопје – Орце Ѓорѓиевски оцени дека Градот во вчерашната акција со над илјада работници од јавнините претпријатија експресно се справил со предизвикот, а кризниот штаб вели и натаму е во приправност, во случај непогодите од вчера да се повторат. Воедно вели, каде што е физички изводливо, ќе се отстранат инфраструктурните аномалии на критичните точки, но уверува и дека состојбата со запушените сливници и канали е веќе минато.

-Како никогаш досега брзо се справивме со временските непогоди. За 20 до 40 минути се справивме со неприликите. Нема простор за паника, градот е буден и имаат на кого да се потпрат, дежурните телефони се целосно во функција. Обрнуваме сериозно внимание, секаде каде што можеме да интервенираме, ќе интервенираме во наредниот период, до крајот на мојот мандат, некаде е возможно, некаде е невозможно, на крајот на денот и во најразвиените метрополи, огромна количина, 75л на м2 имате врнежи таму единствено треба водата да се повлече но и ние да делуваме со службите,- - Орце Ѓорѓиевски – Градоначалник на Скопје.

Непогодите го отежнаа и лекувањето на пациентите кои се во најтешка здравствена состојба – подземните нивоа на Клиниката за онкологија се поплавија, па водата се собирала со ќебиња и чаршави, а била прекината и терапијата за да се заштитат апаратите и да се избегне опасност од струја. Поплавениот оддел за радиотерапија сега повторно е во целосна функција, па нормализирано е и лекувањето. Подрумските простории и гаражите биле полавени и во МАНУ, а вода имало и во главниот хол и амфитеатарот.

А, додека скопјани мака мачеа да стигнат каде што тргнале, оти сообраќајот беше целосно парализиран, неколку граѓани го искористија моментот да се пошегуваат, па на подвозникот на булеварот „Србија“, некои пловеа со душек, а други скокаа во водата од мостот, но денеска „базенот“ веќе го нема...

Стенд ап: Вака изгледа денеска една од најкритичните точки во Скопје која беше вчера полна со вода, па поради тоа, оваа делница, до доцна во ноќта беше затворена за сообраќај од страна на полицијата.

YouTube video

Тагови: ПОПЛАВА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија го нападна Киев, најмалку 18 луѓе се убиени

Руските сили ноќеска извршија масовен напад со дронови и ракети врз украинската престолнина Киев.

Русија го нападна Киев, најмалку 18 луѓе се убиени

Според последните информации, загинале најмалку 18 лица, меѓу кои и деца, а повеќе од 40 се повредени.

Силни експлозии одекнувале низ градот во текот на ноќта, додека системите за противвоздушна одбрана биле активирани во повеќе делови на Киев. Поради нападите, неколку населби биле евакуирани, а избувнале и повеќе пожари. Оштетена е и амбулантна станица во централното подрачје, при што едно лице се наоѓа во критична состојба.

Шефот на воената администрација на Киев, Тимур Ткаченко, потврди дека меѓу жртвите има и деца. Украинската Државна служба за вонредни состојби соопшти дека досега се спасени повеќе од 50 луѓе, додека спасувачките екипи и натаму трагаат по преживеани на погодените локации.

Нападот следува само неколку часа откако украинскиот претседател Володимир Зеленски предупреди дека Русија подготвува нов бран воздушни удари. Новата серија руски напади доаѓа по неодамнешните украински удари длабоко на руска територија, во кои, според украински извори, биле погодени нафтени рафинерии и воени објекти на руската армија.

Од своја страна, руското Министерство за одбрана соопшти дека извело напади врз воени бази во централна и источна Украина, како и врз украинската одбранбена и енергетска инфраструктура, наведувајќи дека станува збор за одговор на претходните украински напади врз руски енергетски објекти.

Во меѓувреме, рускиот претседател Владимир Путин призна дека земјата се соочува со недостиг на гориво, што е редок јавен коментар за последиците од нападите врз руската енергетска инфраструктура.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Наместо планираните 5.000, обезбедивме 7000 денари за зголемување на пензиите

Премиерот Мицкоски изјави дека владата успеала да го надмине првичниот план и изборно ветување за зголемување од 5000 денари на пензиите, со плус уште 2000 денари. 

Мицкоски: Наместо планираните 5.000, обезбедивме 7000 денари за зголемување на пензиите

Според него ова покачување довело до подостоинствен живот за пензионерите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Ревизија на Клиниката за торакална и васкуларна хирургија: Слабости во набавките и управувањето со залихите

На Клиниката за торакална и васкуларна хирургија, 66 проценти од вкупните реализирани прегледи биле извршени преку итни или упати без термин, што укажува од големо отстапување од планираниот начин за користење на системот „Мој термин“.

Ревизија на Клиниката за торакална и васкуларна хирургија: Слабости во набавките и управувањето со залихите

На Клиниката за торакална и васкуларна хирургија, 66 проценти од вкупните реализирани прегледи биле извршени преку итни или упати без термин, што укажува од големо отстапување од планираниот начин за користење на системот „Мој термин“, се вели во извештајот на државниот завод за ревизија. Извештајот е направен за 2024 година.

Според извештајот, не е воспоставено ажурно и навремено евидентирање на потрошувачката на лекови и медицински материјали во сметководствената и материјалната евиденција, а дел од нив биле набавувани пред склучување на договор за да се обезбеди непречено вршење на здравствената дејност. Ревизорите утврдиле и дека во рамки на Клиниката не е формирана болничка аптека, преку која треба да се врши управувањето со залихите.

-Ваквата структура на упатувања укажува на зголемено оптоварување на Клиниката, што може да влијае врз ефикасноста на планирањето и организацијата на работниот процес, оптималното користење на расположливите капацитети и достапноста на здравствените услуги за пациентите,- Државен завод за ревизија.

За надминување на утврдените состојби, Државниот завод за ревизија доставил осум препораки до ЈЗУ Универзитетска клиника за торакална и васкуларна хирургија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер