Се судрија две неутронски ѕвезди- НАСА прв пат забележа создавање на тешки елементи - Канал 5

Технологија

Се судрија две неутронски ѕвезди- НАСА прв пат забележа создавање на тешки елементи

Судирот на две неутронски ѕвезди оддалечени околу милијарда светлосни години создал ретки тешки елементи, според резултатите добиени од тим научници со помош на повеќе вселенски и копнени телескопи.

Се судрија две неутронски ѕвезди- НАСА прв пат забележа создавање на тешки елементи

Судирот на две неутронски ѕвезди оддалечени околу милијарда светлосни години создал ретки тешки елементи, според резултатите добиени од тим научници со помош на повеќе вселенски и копнени телескопи, вклучувајќи ги Џејмс Веб, Ферми и Свифт, објави НАСА на својата веб-страница.

Неверојатно светлата експлозија на килоновата GRB 230307A е забележана и утврдена дека е предизвикана од судир на неутронска ѕвезда. Податоците собрани од Џејмс Веб им помогнаа на научниците да го откријат хемискиот елемент телуриум по експлозијата.

Други елементи блиски до телуриумот во периодниот систем, како што е јодот, најверојатно се присутни во материјалот исфрлен од килоновата. Килонова е експлозија која е предизвикана или од судир на две неутронски ѕвезди или од судир на неутронска ѕвезда со црна дупка.

- Повеќе од 150 години откако Дмитриј Менделеев го направи периодниот систем на елементи, конечно сме во позиција да видиме како се создаваат, благодарение на телескопот Џејмс Веб - рече Ендрју Ливан од Универзитетот во Радбод во Холандија и Универзитетот во Ворвик во Британија.

Долго време се сметаше дека судирите на неутронските ѕвезди се идеални „шпорети под притисок“ за создавање на некои од најретките елементи потешки од железото, но досега имаше пречки за докажувањето на тоа.

Килоновите се исклучително ретки, поради што е тешко дури и да се забележат. Случајот на килонова GRB 230307A за прв пат е забележан од Ферми во март, што го прави вториот најсветлен излив на гама-зраци забележан во половина век. Тој беше околу 1.000 пати посилен од типичниот излив на гама-зраци снимени од Ферми. Тоа траеше 200 секунди, што е многу долго.

Благодарение на можностите на телескопот Џејмс Веб, научниците успеаја да ја идентификуваат локацијата на двете неутронски ѕвезди - спирална галаксија оддалечена 120.000 светлосни години од местото на судирот.

Студија за ова е објавена во списанието Nature.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кремљ: Москва нема да поставува услови за европскиот преговарачки тим

Москва нема да поставува услови за составот на европскиот преговарачки тим, изјави во саботата портпаролот на Кремљ, Дмитриј Песков. „Не можеме и не сакаме да поставуваме услови за нивниот преговарачки тим.

Кремљ: Москва нема да поставува услови за европскиот преговарачки тим

Таквиот пристап е сосема погрешен“, рече Песков.

Европската унија веќе некое време дискутира за назначување на специјален пратеник за да се обезбеди директно европско претставување во идните мировни преговори. Песков, за потсетување, на 25 октомври изјави дека Русија ќе го поддржи назначувањето на преговарач на ЕУ, под услов пратеникот искрено да работи на постигнување мирно решение.

Неколку имиња

Финскиот претседател Александар Стуб и чешкиот претседател Петр Павел се споменуваат како можни кандидати. И покрај ова, Европската унија сè уште нема ниту договорен преговарач, ниту заеднички став за тоа кога треба да започнат директните преговори.

Украинскиот претседател Володимир Зеленски изјави во саботата дека Европа мора да биде на преговарачката маса во следната рунда преговори заедно со САД, Украина и Русија. Тој исто така рече дека Украина очекува одлука од своите европски партнери за тоа кој ќе ја претставува Европа до крајот на ноември.

Извор: Индекс.хр

Тагови: кремљ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Илјадници луѓе излегоа на улиците во Португалија: „Нема да ни ги украдете домовите“

Илјадници луѓе денес излегоа на улиците во 32 градови низ Португалија, барајќи итна акција од владата за решавање на влошената криза со домувањето во земјата.

Илјадници луѓе излегоа на улиците во Португалија: „Нема да ни ги украдете домовите“

Протестите беа организирани од платформата „Каса пара вивер“ (Дом за живеење) под слоганот „Тие нема да ни го украдат правото на дом“. Митинзите се одржаа во Лисабон, Порто, Фаро, Портимао, Коимбра, Брага и други градови.

Барање за контрола на киријата и поголема заштита на станарите

Демонстрантите бараат построга контрола на киријата, поголема заштита на станарите од иселувања и поголеми инвестиции во изградба на достапни јавни станови. Тие исто така бараат повлекување на предложените измени во законот за станови за изнајмување.

Рита Силва, портпаролка на платформата „Каса пара вивер“, изјави за новинската агенција Луса дека протестите низ целата земја покажуваат дека кризата со домувањето не ги погодува само големите градови, туку цела Португалија.

Платформата, која обединува околу 100 здруженија за домување и локални организации, исто така бара построги правила за договорите за изнајмување, празните имоти, краткорочните туристички изнајмувања и сузбивање на шпекулациите со имоти.

Владата предлага измени во законот за изнајмување

Протестите се случија откако парламентот во принцип го одобри предлогот на владата за измена на законот за изнајмување. Предложените измени би овозможиле поголема флексибилност во договорите за изнајмување и би ги забрзале процедурите за иселување.

Активистите за правата на домување предупредуваат дека промените би можеле дополнително да ја ослабат заштитата на закупците во време на зголемување на кириите и намалување на достапноста на станови.

Активистите го повикуваат премиерот на разговори

На националните протести им претходеше состанок меѓу португалскиот претседател Антонио Хозе Сегура и активистите за правата на домување во петокот.

Претставниците на платформата „Каса пара вивер“ го поздравија состанокот и го повикаа премиерот Луис Монтенегро лично да се вклучи во разговори со нивното движење.

Тагови: Португалија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Вечерва во Кочани родителите на жртвите во дискотеката „Пулс“ го одржаа 51-от Марш за ангелите.

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Во дел од своите обраќања порачаа дека денеска освен за 63-те ангели кои загинаа во дискотеката, маршираат и за сите невини жртви што ја завиле Македонија во црно, како трагедиите во модуларната болница, Ласкарци, автобусот на Беса Транс. Им оддадоа почит и на жените и девојките чии животи како што посочија, насилно биле прекинати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер