Да почнеме со ред.

Родена е во Торино на 23 декември 1967 година. Таа е италијанско-француска музичарка, која работела и како модел. Фотографиите на кои е разголена не и се нешто непознато, а неодамна и самата објави фотографија во топлес на својот инстаграм профил.

#stardustmemories - Jeunesse de Miel - Été 1992, Cap Nègre, mon frère Virginio et moi par Helmut Newton - We were young - Summer 1992, my brother and I by Helmut Newton. Tribute weekend to the great #helmutnewton #masterofphotography #nostalgia

A photo posted by Carla Bruni (@carlabruniofficial) on Jul 2, 2016 at 9:54am PDT

Во фебруари 2008 година се омажи за тогашниот претседател на Франција, Никола Саркози и така стана првата дама. Но, со многу бурно минато.

Родена е во пребогата фамилија. Наследничка е на најголемата италијанска компанија за производство на гуми, кој ја основал нејзиниот дедо Вирџинио Бруни Тедески. Компанијата е продадена на Пирели, но Карла сепак останала еден од косопствениците.

Бруни пораснала во Франција од својата седма година, а на училиште одела во интернат во Швајцарија. Заминала во Париз на студии за уметност и архитектура, но со само 19 години го напуштила училиштето за да стане манекенка.

Ќерка е на италијанската концертна пијанистка Марис Борини и индустријалецот и композитор на класична музика Алберто Бруни Тедески. Меѓутоа Карла во магазинот „Венити Фер“ изјави дека нејзиниот татко е Бразилецот со италијанско потекло, Маурисио Ремерт, кога младиот гитарист имал шестгодишна афера со нејзината мајка. Нејзината сестра е актерката и филмската режисерка, Валерија Бруни Тедески. Нејзиниот брат Вирџинио Бруни Тедески, починал во 2006 година, од компликации здобиени од ХИВ вирусот. Од страната на биолошкиот татко има полусестра. Консуела Ремерт.

Карла станала модел на 19 години, а работела за компаниите Диор, Живаши, Гес, Шанел, Карла Лагерфилд, Џон Галијани, Версаче....Била меѓу 20 најплатени манекенки во светот, со заработка од скоро 8 милиони долари годишно.

Пред Саркози, Карла се забавуваше со Ерик Клептон и Мик Џегер. Сакаше забави и сето останато што оди со нив.....Се сликаше гола, а кога се омажи за тогашниот претседател на Франција, се појави слика на која е разголена и која тогаш беше продадена за 91.000 долари.

После манекенството, Карла и се посвети на музиката, поточно во 1997 година го издаде својот прв албум.

Десет години подоцна, Бруни го сретна свежо разведениот Саркози. Тие двајцата се запознале во ноември 2007 година, на една забава. Веднаш започнале романса, а веќе на 2 февруари 2008 година се венчале. Неа тоа и бил прв брак, а на него трет. Подоцна добија и ќерка.



Карла Бруни од хуманитарниот Глобал фонд, со седиште во Швајцарија, земала 2.75 милиони евра и тие пари наместо за кампањата против сида, му ги дала на пријателот, музичарот Жулиен Синанж. Инаку, Карла Бруни е хуманитарен амбасадор, а во 2010 година ја започна кампањата „Роди се без ХИВ“, која има за цел да собере пари за заштита на мајките и децата од сида.

Бруни од Глобал фонд дала 2.75 милиони евра на компаниите во сопственост на Жулиен Сиванж, вклучувајќи и 608.000 евра уплатени директно на неговата сметка во име на промоцијата на акцијата „Роди се без ХИВ“. Подоцна се дознало дека парите кои се дадени за кампањата се минимални.

Поранешната манекенка и пејачка признала дека парите кои му ги дала на Сиванж биле за да ја промовира нејзината работа и дека тие средства се потрошени според правилата. Се зборува дека тој е често во друштво на Карла, како и тоа дека има сопствена канцеларија и секретарка во Елисејската палата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.