Се сеќавате ли на збрчканото бебе кое ги престраши и родителите и докторите? - Канал 5

Живот

Се сеќавате ли на збрчканото бебе кое ги престраши и родителите и докторите?

 Едвај гледаше од вишокот кожа, а еве каде е денес! 

Се сеќавате ли на збрчканото бебе кое ги престраши и родителите и докторите?

Том Тенет од Австралија е единствениот случај на планетата роден со вишок кожа. Тој бил едно збрчкано бебе, кое практично не можело нормално да гледа.

Според лекарите, Том Тенет е роден со специфичен проблем на кожата кој досега не е забележан во медицината и науката, па затоа е прогласен за медицински феномен.

- Срцето ми беше скршено, а сепак, од друга страна, тој е толку мил и прекрасен - изјавила мајката на момчето, Деби.

И неговиот татко бил изненаден кога го видел новородениот син бидејќи не го очекувал тоа.

YouTube video

- Изгледаше како да не е човек. Немав поим дека бебе може да изгледа така. Но, кога заплака, срцето ми заигра, и за мене тој беше бебе како и секое друго - додал неговиот татко Џеф.

Иако ултразвукот покажувал дека нешто не е во ред со нивното бебе, родителите после долг разговор одлучиле сепак да го задржат.

Како и сите родители кои го сакаат своето дете, Деби и Џеф ги овековечиле сите важни моменти од животот на Том. Бебето првите два месеци од животот ги поминало во специјализирана медицинска установа каде лекарите се обидувале да разберат што се случило и зошто тој е поинаков.

Докторите, кои првпат се сретнале со ваков случај, веруваат дека проблемот е генетски бидејќи неговите родители носат многу ретки рецесивни гени.

Инаку, момчето има две години постара сестра која го нема истиот проблем како него.

Сепак, лекарите се досетиле дека и кученцата од расата шарпеи имаат вишок на кожа, па научниците решиле да направат испитувања кај овој вид кучиња.

Венди Смит, која се занимава со истражување на овој вид куче, била изненадена кога лекарите од Медицинскиот центар, каде што се лекувал Том, ја замолиле да им помогне.

Според истражувањата спроведени кај овие кучиња, дошле до заклучок дека вишокот кожа кај нив се јавува поради високите концентрации на хијалуронска киселина во кожата. Тие се посомневале дека и Том го има овој проблем. Се покажало дека оваа желатинозна маса во телото на Том е сто пати поголема од нормално.

Мајката на Том, Деби, целосно се посветила на неговата нега. Тој морал да се капе на посебен начин за да се избегне појавата на инфекции на збрчканите места. Вишокот на кожа му пречела во одењето и во секојдневните активности, но Том речиси никогаш не плачел.

Семејството имало поддршка и од мештаните на малото гратче во кое живееле, а тоа значително му го олеснило животот на ова семејство.

Том е роден 1994 г, тој растел како и сите други момчиња, славел роденден, добивал подароци, а неговите родители не го криеле.

- И покрај сè, Том беше нормално мало момче. Неговите здравствени проблеми никогаш не го погодија нашето семејство, напротив, заедно бевме посилни. Џеф брилијантно ја прифати својата улога, тој ми беше најголема поддршка и никогаш не се жалеше бидејќи тој беше и негов син – изјавила Деби.

По многубројните истражувања и студии, лекарите сепак решиле ништо да не менуваат на телото на Том и да видат што ќе се случи додека момчето расте. За година и пол, неговото лице речиси целосно закрепнало, иако сè уште имал многу вишок кожа по телото, особено на рацете и нозете.

Лекарите, но и неговите родители се надевале дека како ќе расте, нивото на хијалуронска киселина во неговото тело, ќе опаѓа. И навистина, неговата состојба драстично се подобрила. Збрчканата кожа речиси целосно исчезнала, и денес на неговото тело нема траги од некогашната состојба. Во меѓувреме, тој завршил колеџ, се оженил и денес води сосема нормален живот, благодарение на љубовта и грижата од своите родители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Дрон „избира“ минувачи и им фрла пари, никој не знае кој го управува (ВИДЕО)

Мистериозен жител на американската држава Делавер одлучил да им го олесни животот на своите сограѓани на необичен начин.

Дрон „избира“ минувачи и им фрла пари, никој не знае кој го управува (ВИДЕО)

Познато е дека работи во ИТ секторот преку ден, додека во слободно време лета дрон кој им испушта пари на случајно избрани минувачи! На интернет е познат под прекарот 302 Cashcopter.

Најчесто испушта 20 долари (но и поголеми суми), додека банкнотите се внимателно завиткани и прикачени на дронот. „Пакетот“ содржи порака: „Добивте подарок. Парите се внатре - ваши се“.

Непознатиот донатор не сака вниманието да биде насочено кон него, па затоа не го открива својот идентитет и се надева дека неговите постапки ќе ги инспирираат другите да „шират добрина“, објавува Дејли Меил.

Тој ја започна кампањата пред неколку недели, откако неговиот роден град Вилмингтон се најде во центарот на негативни вести и лоши коментари на интернет.

Тој сакаше да најде начин да ги насмее луѓето и, како што вели, да ја врати вербата во својот град.

„Возбудливо е да се знае дека се надевам дека ќе му го разубавам денот на некого“, изјави тој за локалните медиуми.

На почетокот, тој главно користел свои пари, но оттогаш основал фонд за „спонзорирани подароци“ што граѓаните можат да ги донираат.

Според него, фондот моментално има околу 275 долари.

Мистериозниот донатор верува дека досега дистрибуирал околу 800 долари преку околу триесет „достави“ и додава дека не остварува никаква добивка.

И не одлучува однапред за кого ќе одат парите. Еден ден го избира првиот човек што ќе го види на улица, друг ден може да биде некој што едноставно ќе му мавне.

Се обидува, вели, изборот да биде случаен, за да имаат сите шанса да бидат изненадени, без оглед каде се наоѓаат.

Тагови: дрон минувачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Гром уби 22- годишна кралица на родеото: Беше полна со соништа (ВИДЕО)

Ана Беатрис Араухо (22), која почина во саботата откако беше удрена од гром во градот Алмас, во југоисточната бразилска држава Токантинс, беше опишана како „радосна, полна со соништа и многу посветена“. 

Гром уби 22- годишна кралица на родеото: Беше полна со соништа (ВИДЕО)

Младата жена, која некогаш беше избрана за кралица на родеото на градот, неодамна се запиша на колеџ и зад себе остави син.

Кумата на Ана, Марсела Батиста, рече дека ја следела младата жена во текот на целиот свој живот и нагласи колку била посветено нејзиното кумче.

Ана Беатрис била пред својот дом во градот Алмас во саботата кога почнал да врне и била удрена од гром. Таа била лекувана и однесена во болница во Порто Насионал, но им подлегнала на повредите, објавува „Глобо“.

Според Марсела, Ана Беатрис имала големи надежи за иднината. Неодамна се запишала на првиот семестар физиотерапија и ги балансирала универзитетските обврски со грижата за своето семејство.

Кумата рекла дека Ана имала силна личност и знаела како да ги насмее луѓето.

„Таа беше млада жена полна со соништа и планови. Нејзините одлики беа веселоста и шегите. Засекогаш ќе биде запаметена по својата автентичност, интелигенција и волја“, рече кумата.

Покрај тоа што беше посветена на студиите, младата жена беше и мајка и многу се грижеше за своето семејство.

„Таа беше примерна и грижлива мајка. Беше многу приврзана кон своето семејство. Секогаш доаѓаше да ги поминува викендите со својата мајка, се грижеше за своите сестри, им ја средуваше косата и подготвуваше вкусна храна“, се присети Марсела.

Откако ја потврди нејзината смрт, Синдикатот на земјоделци од Алмас издаде соопштение со сочувство за нејзиното ненавремено заминување и изрази солидарност со нејзините пријатели и семејство.

Според Секретаријатот за јавна безбедност, околностите на смртта ги истражува 100-тата полициска станица во Алмас.

Тагови: гром родео

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украдена е книга, чии корици од злато и скапоцени камења ја направи Салвадор Дали- тежи 210 килограми (ВИДЕО)

Книгата „Откровение“, објавена во 1958 година од издавачот Жозеф Форе, а чија бронзена корица ја изработил шпанскиот надреалист Салвадор Дали, била украдена од Центарот за современа уметност во Изоар, во департманот Пи ду Дом, во централна Франција.

Украдена е книга, чии корици од злато и скапоцени камења ја направи Салвадор Дали- тежи 210 килограми (ВИДЕО)

Обвинителството во Клермон-Феран го опиша делото како „исклучително и единствено“, наведувајќи дека украдената корица на книгата била украсена со злато, скапоцени камења и школки.

Книгата го обиколила светот

Само корицата тежи околу 150 килограми, додека целото дело тежи околу 210 килограми.

„Откровение“ е замислено во 1958 година од издавачот Жозеф Форе, врз основа на текстот од Книгата на Откровението на Свети Јован, и е илустрирано на огромни пергаменти од 14 големи уметници и писатели од 20 век, меѓу кои Жан Кокто, Бернар Буфе и Жан Жионо.

Дали ја изработил бронзената корица украсена со злато, скапоцени камења и школки.

Делото било изложено на речиси 150 изложби низ целиот свет помеѓу 1961 и 1972 година, по што било изгубено некое време.

YouTube video

Неспоредлива вредност

Бело чувано во Швајцарија, а потоа продадено на јапонски купувачи, кои имале намера да го продадат на делови на аукција.

Во 2003 година, го купил Кристијан Каруцос, директор на компанија за реставрација на уметнички дела во Исоарес.

Каруцос во тоа време рекол дека книгата е проценета на два милиони франци, или околу 304.900 евра, што ја прави најскапата книга во светот.

Регионалните власти на регионот Оверњ-Рона-Алпи наведуваат дека „Откровение“ била најтешката и најскапата книга во светот во 1960 година.

„Дело на еден живот“

Градоначалникот на Исудар, Бертран Баро, рекол дека делото му припаѓало на приватен сопственик кој чувал и други, помалку вредни дела во својот мал музеј на современа уметност.

Тој го опиша украденото дело како „непроценливо“ и додаде дека претставува „дело на целиот свој живот“.

Баро рече дека сопственикот, кој бил длабоко погоден од кражбата, го опишал како „француско културно наследство“. Тој не можел да каже дали тој бил крадецот или крадците го ограбиле музејот.

Истрагата ја води истражната единица на жандармеријата Клермон-Феран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер