Се продава уникат од Минесота: Рачно изработена Југо лимузина

На огласите на интернет се појави редок пример на Југо автомобил.

Еден Американец поседувал два Југо автомобили од 1988 година, додека тие сè уште се извезувале на тој пазар. Ги споил за забава и на тој начин создал продолжена лимузина, а сега неговиот внук ја продава за ситна цена.

Застава од Крагуевац кон крајот на 80-тите години го извезува своето Југо во САД, каде што беше еден од најевтините автомобили на пазарот, па брзо се „прослави“ како куриозитет и беше предмет на бројни шеги, пишува хрватски „Bug“.

Американците од време на време се сеќаваат на тоа фијаско, како на пример сега, благодарение на огласот објавен на „Facebook Marketplace“ од жител на Пирс, Минесота.

Во огласот пишува дека две Југа биле купени директно од дилерот во 1988 година од дедото на огласувачот. За забава, потоа ги заварил и така создал уникатна продолжена лимузина (на шега, наместо Југо, во множина ја нарекуваат „Wego“).

Бидејќи дедото се школувал како автомеханичар знаел што прави, вели неговиот внук, па дури и ја возел ваквата кола. Се вели дека тој во својата златна доба поминал околу 69.000 километри.

Но, со години седи во гаража, а за да се вози, се вели дека треба да се направат само мали поправки. Дедото лимар има 82 години, па веќе не го работи тоа, па затоа семејството решило да го продаде делото од неговите раце, со сите дезени што го прават уникатен.

Оваа „лимузина“ чини 4.000 долари, а на фотографиите можете да видите како изледа релултатот од спојување на две стари Југа, црвено и бело. Што се однесува до состојбата, не е баш идеална, па внатрешноста е рудиментирана како во 1980-тите, но запуштен, додека ни надворешноста не изгледа ништо подобро.

Ужас во Намибија: Нилски коњ излезе од река и нападна туристи во чамец (ВИДЕО)

На интернет кружи грозоморно видео од Намибија, каде нилски коњ ги напаѓа туристите кои крстареле по реката Чобе.

И покрај напорите на капетанот да избегне „блиска средба“, водениот џин се приближил, ги покажал вилиците и го нападнал чамецот.

Сведоците велат дека пловилото полека се движело, додека љубопитните туристи гледале група нилски коњи од безбедно растојание.

Одеднаш, еден се упатил кон нив, а пропелерот на моторот се заглавил во плитката вода и немало време за бегство, пренесува The Sun.

На видеото се гледа како монструозното животно ги забива челустите во чамецот и го уништува надворешниот мотор. Унишен е и дел од коритото, а туристите седат преплашени.

„Не можев да верувам што се случува“, изјавила Џеки Бошоф подоцна.

Таа додава дека капетанот внимавал и ги исклучил моторите за да може чамецот тивко да се приближи до групата нилски коњи.

Сепак, еден од мажјаците решил да ги избрка „непоканетите гости“.

„Одеднаш нѐ нападна. Капетанот се обиде да маневрира, но се заглавивме во плитка вода. Дури подоцна сфативме дека покрај мажјакот има и младенче“, изјавила Бошоф.

Бајден: Луѓето заборавија на нападот на Хамас на 7 октомври

За време на неговиот говор за антисемитизмот и холокаустот во Салата за еманципација на Капитол, американскиот претседател Џо Бајден рече дека луѓето ширум светот веќе го заборавиле масакрот на Хамас на 7 октомври и земањето заложници Израелци.

„Тука сме, не 75 години подоцна, туку само седум месеци подоцна, а луѓето веќе забораваат дека Хамас го започна овој терор. Не заборавив, ниту вие. И нема да заборавиме“, рече американскиот претседател , пренесува Тајмс оф Израел.

Бајден оцени дека нападот на Хамас врз Израел, во кој беа убиени околу 1.200 луѓе, а 252, главно цивили, беа киднапирани, е најсмртоносниот ден за Евреите по холокаустот.

„Оваа омраза кон Евреите продолжува да лежи длабоко во срцата на премногу луѓе во светот и бара наша постојана будност и отвореност“, рече Бајден.

Тенисерка доби 9 милиони долари отштета поради сексуално злоставување (ВИДЕО)

Поротата на Федералниот суд во Флорида ѝ додели на тенисерката Кајли Мекензи отштета од 9 милиони долари, откако таа ја обвини Тениската асоцијација на Соединетите Американски Држави (USTA) дека не ја заштитила од тренерот .

Поротата на Федералниот суд во Флорида ѝ додели на тенисерката Кајли Мекензи отштета од 9 милиони долари, откако таа ја обвини Тениската асоцијација на Соединетите Американски Држави (USTA) дека не ја заштитила од тренерот за кого рече дека сексуално ја нападнал во тренинг центар кога била тинејџерка.

Во тужбата, поднесена од Мекензи во март 2022 година, се наведува дека Анибал Аранда, кој бил вработен во националното раководно тело на спортот околу седум години, а подоцна бил отпуштен, ја искористил својата позиција како тренер за да добие пристап и да ги малтретира ранливите спортистки, јавува АП.

Таа, исто така, тврдеше дека УСТА од небрежност не успеала да ја заштити од сексуален напад и небрежно го задржале Аранда како тренер откако тој сексуално нападнал службеник на УСТА.

Поротата на Окружниот суд на САД вчера ѝ додели на Мекензи 3 милиони долари како компензација и додаде 6 милиони долари за казнена отштета.

Портпаролот на USTA Крис Вајдмаер најави дека синдикатот ќе поднесе жалба на пресудата.

Тој рече дека УСТА е „длабоко вознемирена“ од одлуката, вклучително и затоа што „судот пресуди дека УСТА е одговорен затоа што еден од неговите вработени, кој не е спортист, имал обврска да го пријави сопственото искуство со овој тренер на УСТА, и тоа е инцидент кој бил непознат додека USTA не го отпушти тренерот. Ова поставува нови и неразумни очекувања за жртвите“.

притисни ентер