Се продава кукла од позата на Берни Сандерс на инаугурацијата на Бајден,цената е огромна (ФОТО) - Канал 5

Забава

Се продава кукла од позата на Берни Сандерс на инаугурацијата на Бајден,цената е огромна (ФОТО)

Фотографијата на американскиот сенатор Берни Сандерс од инаугурацијата на претседателот Џо Бајден е апсолутен хит последните денови на Интернет, а сега се продава плетена кукла од неговата поза во чест на мемето на инаугурацијата.

Се продава кукла од позата на Берни Сандерс на инаугурацијата на Бајден,цената е огромна (ФОТО)

Уникатната кукла е на аукција на eBay, а продавачката Тоби Кинг ветува дека ќе подари 100% од профитот во добротворната организација „Meals on Wheels America“.

„Разговарав со друг пријател занаетчија, кој ми рече дека Берни штотуку продал качулки и ги донирал сите средства за „Meals on Wheels America“ во Вермонт и знаев дека тоа е она што сакам да го направам со куклата што ја направив“, рече Кинг. „Со вниманието што го привлеков, знаев дека организацијата ќе добие добра донација.

Првичната понуда за рачно изработената кукла во саботата била само 99 центи, но до понеделник, артиклот имал повеќе од 149 понуди со понуди над 15.000 американски долари. Аукцијата завршува денес.

„Сенаторот Сандерс долго време беше еден од најголемите застапници на организацијата и неверојатно е да се види како неговиот неочекуван момент во центарот на вниманието ги инспирира другите да се вклучат во борбата за решавање на гладот ​​и изолирањето на старите лица“,рече за Си-Ен-Ен Jени Јанг, потпретседател за комуникации на „Meals on Wheels America“ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивна активност на МВР и РСБСП: Апел до возачите да возат одморени

Активноста беше насочена кон подигнување на сообраќајната култура и безбедноста на патиштата.

Превентивна активност на МВР и РСБСП: Апел до возачите да возат одморени

Вчера (07.08.2026) во рамки на летната кампања „Безбедно лето 2026 – Вози одморен“, на автопатот А1, на наплатната станица Романовце, во периодот од 17:00 до 18:00 часот, Мобилната единица за безбедност на сообраќајот на патиштата при Секторот за сообраќајни работи, во соработка со Републичкиот совет за безбедност на сообраќајот на патиштата (РСБСП), спроведе превентивно-едукативна активност наменета за возачите.

Активноста беше насочена кон подигнување на сообраќајната култура и безбедноста на патиштата, со посебен акцент на ризиците од управување со возило во состојба на замор, особено во услови на високи температури и зголемена фреквенција на сообраќај во летниот период.

На возачите им беа поделени едукативни флаери, а преку непосредна комуникација им беше укажано да не управуваат возило доколку се чувствуваат заморни, да прават почести паузи при подолги патувања и да внесуваат доволно течности, особено вода, за време на патувањето.

Министерството за внатрешни работи и РСБСП и понатаму ќе продолжат со превентивни активности насочени кон заштита на сите учесници во сообраќајот.

Сообраќајната безбедност зависи од секој од нас – секој живот е важен.

Тагови: РСБСП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СВР Битола лиши од слобода две лица за подметнување пожари на отворен простор, следуваат соодветни пријави

На 07.08.2026 во 12:00 часот во с.Грешница, општина Македонски Брод, полициски службеници од ОВР Македонски Брод го лишија од слобода Г.С.(45) од с.Грешница.

СВР Битола лиши од слобода две лица за подметнување пожари на отворен простор, следуваат соодветни пријави

Тој се сомничи дека претходно во повеќе наврати подметнувал пожари на отворено, а вчера околу 11:30 часот бил затекнат како на подрачје помеѓу с.Грешница и с.Слатина, општина Македонски Брод, исто така, подметнува пожар на отворено.

На 07.08.2026 во 17:00 часот во с.Сарандиново, општина Долнени, полициски службеници од ОВР Прилеп го лишија од слобода Г.А.(76) од Скопје. Тој се сомничи дека предизвикувал пожари на отворен простор.

По целосно документирање на настаните, против двајцата ќе бидат поднесени соодветни пријави.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Дрон влегол во воздушниот простор на Бугарија и експлодирал близу границата со Романија

Беспилотно летало влегло во воздушниот простор на Бугарија, која е членка на НАТО и ЕУ и експлодирало во близина на границата со Романија, изјави премиерот Румен Радев.

Дрон влегол во воздушниот простор на Бугарија и експлодирал близу границата со Романија

Во инцидентот немало повредени, ниту материјална штета. Дронот експлодирал на бугарска територија, на околу 100 метри од романската граница, изјави Радев по состанокот на владиниот совет за безбедност во Софија и додаде дека тимови од бугарската гранична полиција и од министерството за одбрана работат на утврдување на потеклото на дронот.

Тагови: Бугарија дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер