Се преземаат мерки за контрола и заштита од африканска чума кај свињите во Делчевско - Канал 5

Македонија

Се преземаат мерки за контрола и заштита од африканска чума кај свињите во Делчевско

Од сите заклани свињи ќе се земаат поримероци за лабораториско испитување и утврдување на присуството на вирусот, информираа од Општина Делчево.

Се преземаат мерки за контрола и заштита од африканска чума кај свињите во Делчевско

По откривањето на првите сличаи на aфриканска свинска чума чиј вирус е пронајден во одгледувалиште во делчевското село Драмче, од денеска почнува депопулација на свињите во заштитната зона во радиус од 3 километри околу потврдените жаришта на две одгледувалишта во с. Драмче, вклучувајќи ги населените места Драмче, Очипала, Киселица и Ветрен во Општина Делчево, како една од мерките кои ќе се преземат во однос на контрола и заштита од болеста афиканска чума кај свињите.

Ова е главниот заклучок по одржаниот координативен состанок одржан во Општина Делчево, на кој присуствуваа претставници од Агенцијата за храна и ветерина, ветеринарни станици и инспектори од Делчево, Берово, Виница и Кочани, претставници од МЗШВ, од ЦУК Делчево, како и претставници од Општина Делчево и ЈКП „Брегалница".

На состанокот како што информираа од Општина Делчево беа формирани тимови кои ќе ги следат насоките од Законот за ветеринарно здравство и Правилникот за мерки за сузбивање и искоренување на болеста африканска чума кај свињите во кои спаѓа и задолжително почитување на биосигурносни мерки и забрана за чување свињи на отворено.

-Согласно со овие насоки, во втората зона, односно зоната под надзор во радиус од 10 километри околу потврдените жаришта што ги опфаќа општините Делчево и Македонска Каменица со населените места Ѕвегор, Габрово, Полето, Костин Дол, Македонска Каменица, Селник, Косевица, Луковица, Тодоровци, Бигла, Косово Дабје, Делчево, Турија и Илиово, ќе се врши контрола на сите одгледувалишта, а се забранува и движење на свињите во и од сите одгледувалишта од заштитната зона, освен ако свињите се упатуваат на колење во најблиската соодветна кланица. Од сите заклани свињи ќе се земаат поримероци за лабораториско испитување и утврдување на присуството на вирусот, информираа од Општина Делчево.

Во акцијата за контрола и превенција од болеста африканска чума како што додадоа со логистичка поддршка и потребните ресурси се вклучува и Општина Делчево, а директно се вклучуваат и екипи и механизација од ЈКП „Брегалница".

По откривањето на првите случаи на Африканска свинска чума во сите ловишта во Источниот регион во кој спаѓаат општините: Берово, Делчево, Виница, Зрновци, Карбинци, Кочани, М. Каменица, Пехчево, пробиштип, Чешиново-Облешево и Штип целосно се забранува ловот, а на целата територија на Република Макеоднија ќе биде спроведен вонреден попис на свињите и клинички прегледи најдоцна до 31.01.2022 година.

Првиот случај на присуство на болеста африканска свинска чума врз основа на добиени лабораториски наоди од Институтот за ветеринарна медицина е откриен на 6 јануари 2022 година, при што Агенцијата за храна и ветеринарство (АХВ) констатираше угинати 14 свињи, а во одгледувалиштата, каде е потврдено присуството на болеста, извршена е еутанизација (хумано убивање) на 6 свињи, земени се мостри за лаборатиориско испитување, а лешевите на угинатите и еутанизираните животни, под официјален надзор, се нештетно отстранети и закопани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

УКИМ го објави конкурсот за запишување на студенти во прв циклус во учебната 2026/2027 година

Универзитетот „Св. Кирил и Методиј“ во Скопје го објави конкурсот за запишување на вкупно 8.851 студент на прв циклус во учебната 2026/2027 година.

УКИМ го објави конкурсот за запишување на студенти во прв циклус во учебната 2026/2027 година

Од нив, 4.395 места се за редовни студенти финансирани од државниот буџет, 3.621 за редовни студенти со школарина, а 835 за вонредни студенти.

Пријавувањето ќе се спроведе во три уписни рока. Првиот и главен рок е на 18 и 19 август, вториот на 10 и 11 септември, а третиот на 23 септември 2026 година. По секој рок УКИМ ќе ги објавува преостанатите слободни места на факултетите и студиските програми.

Пред пријавувањето во роковите утврдени со конкурсот, секој заинтересиран кандидат треба да се регистрира на www.upisi.ukim.mk и да ја пополни електронската пријава од iKnow-системот. Бројот што автоматски ќе го добие од системот се внесува и во документацијата што се доставува во службата за студентски прашања на избраниот факултет.

Кандидатите што се рангираат само според успехот од средното образование ќе ја добијат прелиминарната ранг-листа за првиот рок на 24 август, а конечната листа на 27 август. Запишувањето на примените кандидати ќе се врши на 3 и 4 септември. Во вториот рок прелиминарните резултати ќе бидат објавени на 15 септември, конечната листа на 17 септември, а запишувањето на 21 септември.

Надоместокот за пријавување изнесува 300 денари за програми без проверка на знаењата и умеењата, 500 денари кога се полага еден предмет, 1.000 денари за програмите на музичката и ликовната академија каде што се проверуваат повеќе предмети и 1.500 денари за Факултетот за драмски уметности. Дополнително се плаќа административна такса од 50 денари.

Примените кандидати при запишувањето треба да достават индекс, студентска легитимација, пријавни листови, три фотографии и потврда за уплатени 750 денари за универзитетски информативни, културни, спортски и студентски сервиси. Овој надоместок го плаќаат сите категории студенти при запишувањето на зимскиот семестар.

Странските државјани можат да се пријавуваат до 29 септември, конечните резултати треба да бидат објавени до 30 септември, а нивното запишување е предвидено за 1 октомври 2026 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дете загина при прославата во Шпанија- се скрши фонтана во која ја прославувале титулата на СП (ВИДЕО)

Тринаесетгодишно момче почина за време на прославата на победата на Шпанија во финалето на Светското првенство во градот Сиудад Родриго.

Дете загина при прославата во Шпанија- се скрши фонтана во која ја прославувале титулата на СП (ВИДЕО)

Тринаесетгодишно момче почина за време на прославата на победата на Шпанија во финалето на Светското првенство во градот Сиудад Родриго, 320 километри северозападно од Мадрид, кога се урна фонтана во која скокаа навивачите, објави јавната телевизија RTVE.

Фотографијата објавена од RTVE на својот портал покажува фонтана во Сиудад Родриго полна со навивачи. Некои од нив се качија на неа и мавтаа со шпански знамиња.

Дел од фонтаната се урна, падна врз луѓето

Додека навивачите славеа покрај фонтаната на плоштадот Глориета дел Арбол Гордо, горниот дел од структурата се урна и падна врз неколку луѓе внатре. Во 00:33 часот, службите за итни случаи добија неколку повици во кои се пријавува уривање на фонтана, при што беа повредени неколку лица.

Две лица беа згрижени во здравствениот центар во Сиудад Родриго, меѓу нив и малолетник кој почина таму. Активирана е група за психолошка интервенција во случаи на катастрофи и вонредни ситуации за да им се пружи помош на семејството на жртвата.

Прогласена е тридневна жалост

Градската администрација прогласи тридневна жалост. Во неделата вечерта, Шпанија ја победи Аргентина со 1-0 во финалето на Светското првенство што се играше во американскиот Њу Џерси. Навивачите низ цела Шпанија излегоа на улиците и плоштадите за да ја прослават победата.

Десетици илјади навивачи се собраа на плоштадите, стадионите и другите јавни простори низ цела Шпанија во неделата за да го гледаат финалето на Светското првенство против Аргентина, а победата од 1-0 беше проследена со прослави на улиците.

40.000 луѓе славеа во Мадрид

Најголемите собири беа забележани во Мадрид, каде што околу 40.000 луѓе се собраа на плоштадот Плаза де Колон и во паркот Мадрид Рио, додека околу 15.000 навивачи го следеа натпреварот во арената Мовистар. Бројни барови, тераси и јавни простори, исто така, организираа преноси на големи екрани.

По натпреварот, навивачите славеа на плоштадот Сибелес, спроти градското собрание, каде што традиционално се слават трофеите и каде што фудбалерите ќе го донесат пехарот кога ќе се вратат од САД.

Во Барселона, градската администрација постави голем екран на платото Марина дел Форум, каде што околу 30.000 луѓе го гледаа финалето. Собири беа организирани и во други каталонски градови Сабадел, Матаро, Санта Колома де Граменет, Корнела де Љобрегат, Кастелдефелс и Гава, како и во Тарагона и Љеида.

Огромна прослава во родното место на стрелецот на победничкиот гол

Во Џаро, родниот град на тренерот Луис де ла Фуенте, околу 5.000 навивачи се собраа на стадионот што го носи неговото име. Градот беше украсен со шпански знамиња, а транспарент со поддршка на електоратот беше истакнат на предната страна на градското собрание.

Во Валенсија, навивачите го гледаа финалето на плоштадот на Градското собрание и во новата Роиг Арена. Во Фојос, родното место на стрелецот на победничкиот гол, Феран Торес, голот предизвика голема прослава кај насобраните локални жители.

Исто така, беше прославен и во Сан Марсијал, селото од каде што потекнува семејството на голманот Унаи Симон, како и во Дон Бенито, родниот град на Педро Поро, каде што беа инсталирани два големи екрани во спортскиот комплекс што го носи неговото име.

Масовни собири беа забележани и во други делови од земјата. Во Севиља, навивачите го гледаа натпреварот на Плаза де Еспања и во спортскиот центар Сан Пабло, во Малага околу 10.000 луѓе се собраа во градскиот аудиториум Кортихо де Торес, додека големи екрани беа инсталирани и во Гранада, Кордоба, Кадиз, Алмерија, Уелва и Хаен.

Навивачите ја исполнија арената за бикови

Во Сарагоса, околу 32.000 навивачи се собраа на Плаза дел Пилар, додека во Галиција, преноси беа организирани во Сантијаго де Компостела и други поголеми градови како што се Виго, А Коруња, Понтеведра, Ферол и Оренсе. Големи екрани беа поставени и на Канарските и Балеарските Острови, а во Лас Палмас, околу 8.000 луѓе го гледаа финалето на Плаза де ла Музика.

Во регионот Кастиља-Ла Манча, арената за бикови во Толедо, која има капацитет од повеќе од 8.000 гледачи, беше полна, додека слични собири беа одржани во Сиудад Реал, Гвадалахара и Албасете.

За време на прославите беа регистрирани неколку инциденти. Во Билбао, навивачите на баскиската репрезентација се обидоа да го прекинат јавното гледање на натпреварот на голем екран поставен од конзервативната Народна партија (ПП), додека во баскискиот град Еибар, маскирани лица го запалија шпанското знаме на градскиот плоштад. Во Логроњо, преносот на големиот екран беше прекинат поради технички дефект, за што градската администрација им се извини на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аргентинскиот селектор во солзи ја напушти прес конференцијата: Ме боли душата (ВИДЕО)

Селекторот на Аргентина, Лионел Скалони, одржа емотивна прес-конференција по поразот во финалето на Светското првенство и најави дека наскоро ќе разговара за својата иднина.

Аргентинскиот селектор во солзи ја напушти прес конференцијата: Ме боли душата (ВИДЕО)

Тој истакна дека чека средба со претседателот на Аргентинската фудбалска асоцијација, Клаудио Тапија, но исто така призна дека притисокот од повторување на претходните успеси може да биде преголем.

Кога ја презеде репрезентацијата во 2018 година, Скалони беше спорно решение, но со текот на времето донесе континуитет и успех на Аргентина. Под негово водство, Аргентина заврши со 28-годишно чекање за голем трофеј кога ја освои Копа Америка во 2021 година. Потоа Скалони изгради систем кој го искористи максимално Лионел Меси, што ѝ донесе на репрезентацијата титула светски шампион во 2022 година по 36 години.

Серијата продолжи во 2024 година, кога Аргентина крена уште еден трофеј на Копа Америка во Соединетите Американски Држави, а вчера го предводеше тимот во финалето на Светското првенство.

Ќе размисли за иднината

„Ова е прекрасно место. Ова е место од соништата“, рече Скалони во неделата за својот престој на клупата на националниот тим. „Ниту јас, ниту моите колеги не можевме да замислиме дека ќе ги освоиме сите тие трофеи“.

Сепак, тој нагласи дека повторувањето на ваквите резултати и справувањето со очекувањата на јавноста може да биде преголем предизвик за новиот циклус на Светското првенство.

„Потребно е многу да се инвестира за продолжение. Тешко е да се повтори сето ова“, рече тој видливо потресен и на работ на солзи. „Се обидовме да дадеме се од себе до последната минута од финалето. Мислам дека е фер сега да одвојам време и да размислам за сè“.

Неколку моменти подоцна, Скалони рече дека е скршен од срце, им се извини на новинарите и ја напушти конференцијата во солзи. На излегување, претставниците на аргентинските медиуми го поздравија со овации.

Разочарување по поразот

Во финалето, Аргентина загуби од Шпанија со 1:0 во натпревар во кој тимот на Скалони немаше ниту еден удар кон голот, а првиот обид го направи само во 105-тата минута. И покрај статистиката, која беше на страната на Шпанија, Скалони оцени дека натпреварот беше многу изедначен.

„Исклучително сме благодарни на нашите навивачи. Успеавме да стигнеме до самиот крај, до натпревар кој беше целосно отворен. Бевме блиску. Сакам да им се заблагодарам на моите играчи и на сите што ни помогнаа“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер