Се повеќе белгиски државни службеници отсуствуваат од работа поради стрес и премореност - Канал 5

Живот

Се повеќе белгиски државни службеници отсуствуваат од работа поради стрес и премореност

Според извештајот, во дури 43,7 проценти од случаите на отсуство од работа, како причина биле наведени проблеми со менталното здравје. 

Се повеќе белгиски државни службеници отсуствуваат од работа поради стрес и премореност

Во текот на 2024 година рекорден број федерални државни службеници во Белгија отсуствувале од работа и користеле боледувања поради стрес, премореност или проблеми со менталното здравје, се наведува во извештај на службата при белгиската Влада задолжена да ги следи отсуствата на вработените.

Според извештајот, во дури 43,7 проценти од случаите на отсуство од работа, како причина биле наведени проблеми со менталното здравје. Дополнително, 80 отсто од случаите на боледувања поради проблеми со менталното здравје се должеле на стрес, премореност или депресија на вработените службеници.

Извештајот посочува и дека ваквите проблеми се одразуваат и да времетраењето на боледувањата, па така лани отсуствата од работа поради болест просечно биле за четири дена подолги во споредба со 2015 година.

Просечното времетраење на боледувањата поради стрес или премореност била 15 дена, со што тие се втора причина за отсуство од работа според должината по ракот, за кој просекот е 31 ден.

Севкупно, федералните државни службеници во Белгија лани биле отсутни од работа повеќе од 1,5 милиони работни денови.

Психологот од Слободниот универзитет во Брисел, Тим Вантилборг во изјава за весникот „Тајд“ вели дека ваквиот тренд се регистрира веќе „некое време“ и дека тоа не е случај само кај државните службеници, туку и во другите професии.

Според него, чувството на немање автономност и ограничената флексибилност при извршувањето на работните обврски, карактеристично за владините служби кои се хиерархиски поставени, можат да придонесат за проблеми со менталното здравје.

- Депресијата и премореноста имаат слични симптоми и двете состојби често коегзистираат. Нема карактеристични фактори што можат да направат јасна разлика меѓу нив, но премореноста, стресот и заморот почесто се поврзуваат со работата, додека причините за депресијата може да бидат поопшти, изјави Вантилборг.

Тој посочува одговорност за справување со ваквите состојби имаат работодавачите, кои мора да обезбедат спроведливост на поставените работни обврски, за што е потребно издвојување на дополнителни ресурси.

- Но, тоа не е лесно во време на штедење, кога сакате да остварите што е можно повеќе резултати, со што е можно помалку вработени. Тоа обично не оди во корист на вработените, смета Вантилборг.

Во врска со предлозите да се практикува јога на работните места, Вантилборг вели дека ваквите иницијативи би биле само привидни решенија.

- Можете некого да го направите поотпорен, но ако потоа тоа лице го оставите во токсична работна средина, тоа нема да реши ништо, смета Вантилборг.

Тагови: Белгија премореност стрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: До 30 септември училишен прибор по пониски цени од 10 до 15%

До 30 септември училишен прибор по пониски цени од 10 до 15%,Владата трета година по ред со училишна кошничка на почеток на учебната година

ВМРО-ДПМНЕ: До 30 септември училишен прибор по пониски цени од 10 до 15%

Со почетокот на новата учебна година, Владата предводена од ВМРО-ДПМНЕ донесе одлука за намалување на цените на училишниот прибор. Мерката ќе трае заклучно со 30 септември годинава.

Трговците на големо се задолжуваат да ги намалат цените за најмалку 10%, додека трговците на мало за најмалку 15%. Оваа мерка опфаќа широк спектар производи неопходни за учениците како ранци и ташни, тетратки, блокови, колажи, моливи и пенкала, боици, пластелин, теста за моделирање, фломастери, линијари и дидактички материјали.

Ова е трета година по ред како Владата предводена од ВМРО-ДПМНЕ, воведува училишна кошничка пред почетокот на учебната година, со цел да им го олесни месец септември на родителите, да ги заштеди семејните буџети и да го заштити животниот стандард на граѓаните. Заштедата е од особено значење за семејствата со повеќе од едно дете.

Со оваа мерка, целта е родителите да им го обезбедат потребниот училишен прибор по пониски и попристапни цени, а септември да биде момент на радост и подготовка за новата учебна година.

Со вакви конкретни мерки, Владата предводена од ВМРО-ДПМНЕ продолжува со политики кои носат директна корист за граѓаните и придонесуваат кон заштита на животниот стандард.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Леао во Галатасарај?

Клубовите постигнаа договор за висината на трансферот .

Леао во Галатасарај?

Италијанскиот фудбалски великан Милан и турскиот гигант Галатасарај постигнаа усмен договор за условите за трансфер на португалскиот крилен напаѓач Рафаел Леао во турскиот клуб.

Се очекува договорот да изнесува 45 милиони евра, плус дополнителни бонуси со кои би се зголемила вкупната вредност.

Преговорите продолжуваат денес. Конечната одлука зависи и од самиот играч. Интерес за него покажува и Астон Вила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски државјанин прегази пешаци во Франција,еден загинат, десет повредени

Едно лице загина, а десет други се повредени синоќа во францускиот град Кан, откако возач намерно со автомобил удри во пешаци пред железничката станица. 

Видео: Руски државјанин прегази пешаци во Франција,еден загинат, десет повредени

Локалните власти го потврдија инцидентот во северна Франција, пренесува Ројтерс.

„Последиците се тешки. Имаме еден загинат; седум лица се во критична состојба, а тројца се сериозно повредени, но не им е загрозен животот“, изјави за новинарите Давид Клавиер, префект на департманот Калвадос.

Префектот потврди дека возачот бил уапсен кратко по нападот. Според достапните информации, мажот е роден во Русија и претходно не им бил познат на разузнавачките служби. Мотивите на напаѓачот засега остануваат непознати.

Во тек е полициска истрага која опфаќа детална анализа на снимките од безбедносните камери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер