Се појави снимка од нападот врз танкери во Црното Море- ударот на дрон предизвика силна експлозија (ВИДЕО) - Канал 5

Свет

Се појави снимка од нападот врз танкери во Црното Море- ударот на дрон предизвика силна експлозија (ВИДЕО)

Снимките од нападот врз танкерот „Делта Хармони“ во Црното Море вчера почнаа да циркулираат на социјалните мрежи. Според извештаите, кон танкерот биле испратени четири дронови, од кои два експлодирале.

Се појави снимка од нападот врз танкери во Црното Море- ударот на дрон предизвика силна експлозија (ВИДЕО)

Нападот врз „Делта Хармони“, управуван од грчката компанија „Делта Танкерс“, требало да вчита нафта произведена во Казахстан од брод во сопственост на „Тенгизчевроил“, единица на американскиот нафтен гигант „Шеврон“.

„Делта Танкерс“ вчера соопшти дека „спроведува истрага за безбедносен инцидент на бродот „Делта Хармони“, кој бил погоден од ракета во 5:12 часот наутро додека бродот бил во близина на брегот на Новоросијск во Црното Море.

Компанијата соопшти дека целиот екипаж е безбеден, додавајќи дека краткотрајниот пожар е изгаснат и дека нема извештаи за загадување на морето.

По нападот, бродот се оддалечил од областа на сопствен погон.

„Делта Танкерс“ соопшти дека друг брод под нивно управување, „Делта Суприм“, не бил погоден, отфрлајќи ги претходните индикации од индустриски и трговски извори дека и тој бил погоден.

Друг брод, „Матилда“, изнајмен од подружница на „КазМунајГас“ (КМГ) и управуван од грчката „Тенамарис“, требало да натовари казахстанска нафта од Карачаганак кога бил погоден, додадоа изворите.

Министерството за енергетика на Казахстан во вторник вечерта потврди дека „Матилда“ и „Делта Хармони“ биле нападнати од дронови.

Официјален претставник на „Тенамарис“ изјави дека „Матилда“ била погодена од два беспилотни летала додека чекала во баласт на 48 километри од терминалот на ЦПЦ. „КМГ“ исто така го потврди нападот.

„Нема повредени, а бродот претрпел мала штета на структурите на палубата според првичната проценка, која е целосно поправлива. Бродот, сè уште способен за море, сега плови подалеку од областа“, изјави официјален претставник на „Тенамарис“.

Два извори од поморската безбедност изјавија дека наводно избувнал пожар на „Матилда“ и дека брзо бил изгаснат.

Првично се веруваше дека е погоден четвртиот брод, „Фројд“, управуван од грчката ТМС. Но, ТМС подоцна негираше дека бил погоден.

Тагови: дронови Црното Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк,  УС Опен во конкуренција на мешани двојки.

Новак Ѓоковиќ и Арина Сабаленка ги добија своите противници на Ју-Ес Опен

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео- Фото: Халанд со нова фризура во нови победи со Сити

Светската фудбалска ѕвезда, норвешкиот стрелец Ерлинг Халанд со нов имиџ, кратка коса се појави на старот на  новата сезона со Манчестер Сити во Премиер лигата. 

Видео- Фото: Халанд со нова фризура во нови победи со Сити

Напаѓачот на Манчестер Сити, Ерлинг Халанд (26), ја скрати долгата коса и ја започна сезоната во Премиер лигата со драстично поинаква фризура.

На милиони негови фанови ќе им биде тешко да се навикнат на фактот дека норвешката машина за голови сега изгледа вака:

Халанд се појави на натпреварот против Борнмут на стадионот „Етихад“ со кратка коса, а пред почетокот на мечот објави видео од својата нова фризура на својот профил на социјалната мрежа X.

Поради новиот изглед на Халанд на социјалните мрежи се јавија и неговиот долгогодишен тренер, легендарниот Пеп Гвардиола и светската ѕвезда Златан Ибрахимовиќ.

Во видеото во кое Халанд е со новиот имиџ може да се види и изненадената реакција на неговиот поранешен тренер Пеп Гвардиола, кој не можеше да поверува во она што го гледа. Шпанецот реагираше побурно, па дури и опцу за време на нивниот видео-повик.

„Не е можно... Среќник си што воопшто имаш коса, и јас би сакал да имам“, рече Гвардиола со насмевка.

„Што по ѓаволите си направил? О Боже, што е ова? Да не изгуби во некој облог или слично? Блокирај ме, избриши ми го бројот“, му рече Златан Ибрахимовиќ.

Секако реагираа и многу соиграчи на Халанд.

Ерлинг Халанд со години носеше долга коса и беше препознатлив по неа. Последен пат настапи со косата врзана во опавче на Светското првенство во Америка, каде што испиша историја со националниот тим: го елиминираа Бразил и стигнаа до четвртфиналето, откако во нокаут-фазата ја совладаа Брегот на Слоновата Коска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер