Се појави преписката на таткото на Дуа Липа и Катарците: Сепак се преговарало за нејзин настап - Канал 5

Шоу биз

Се појави преписката на таткото на Дуа Липа и Катарците: Сепак се преговарало за нејзин настап

Кога поп-дивата Дуа Липа ги разјасни гласините за можен настап во Катар, а потоа и неговото откажување, Сер Елтон Џон, истакнатиот активист за правата на ЛГБТ со кој пееше дует, ја поддржа.

Се појави преписката на таткото на Дуа Липа и Катарците: Сепак се преговарало за нејзин настап

Но мејлови сугерираат дека нејзиниот татко и менаџер, Дукаѓин Липа преговарал со Катарците две години во врска со настапот на Дуа на Мундијалот, пишува Дејли Мејл.

Документите, тврди Дејли Меил, покажуваат како таткото на пејачката првично стапил во контакт со катарските организатори на Светското првенство во 2020 година, а Дукаѓин, кој ја предводи агенцијата „Република“, вчера изјавил дека неговата ќерка не знаела дека тој остварил контакт со Катарците..

Во првата електронска размена на 9 март 2020 година, тој напишал: „Ја претставувам мојата ќерка, уметничката Дуа Липа и сакам да разговарам со Врховниот комитет за плановите во врска со нејзиниот настап на Светското првенство во Катар во 2022 година“.

Во јануари следната година, тој напишал: „Само би сакал да се надоврзам на претходната е-пошта. Се прашував дали би можеле да разговараме за можност каде што би можеле да бидеме од помош“.

„Неодамна, Дуа Липа имаше пренос во живо на песни од нејзиниот нов албум, а се појавија и други изведувачи. Беа вклучени пет милиони гледачи, тоа беше најголемиот настан „стриминг во живо“ во светот“, продолжил Липа, а одговорот на гореспоменатиот одбор бил: „Одлично е што посегнавте и фантастично е да се знае дека и Дуа е заинтересирана“.

Во април минатата година, Дукаѓин изразил загриженост за преговорите и напишал: „Добив конкретно барање за Дуа Липа и за церемонијата на отворање, па сакав да се договорам со вас за тоа и да се уверам дека не зборувам со погрешно лице."

Новата информација беше откриена откако пејачката неодамна на Инстаграм објави дека настапот на турнирот во Катар никогаш не бил планиран.

„Во моментов се шпекулира дека ќе настапам на свеченото отворање на Светското првенство во Катар. Нема да настапам таму, ниту некогаш сум била дел од преговорите за настапот“, тврдеше младата пејачка минатиот месец.

Нејзините коментари беа поздравени од активистите за човекови права по бројните написи за односот на катарските власти кон работниците мигранти и истополовите врски, а самата пејачка во интервју за Variety минатата недела тврдеше дека спортскиот настан во Катар „оди против нејзините убедувања “.

Нејзиниот татко, пак, изјавил дека Дуа не била запознаена со преписката со менаџерскиот тим на Светското првенство во Катар или какви било други дискусии и дека не учествувала во нив.

„Кога се претставив, објаснив која е мојата позиција и дека ја застапував Дуа, но јасно кажав дека ја немам неа на ум. Тоа јасно го кажав кога ме прашаа дали моите прашања се поврзани со Дуа“. тој додаде.

„На почетокот на 2021 година Катар даде цврсто ветување (откако го доби договорот за Светското првенство) дека ќе ги реформира законите за работни односи и ќе ја надомести штетата за човековите права. Како што се приближуваше Светското првенство и разговорите продолжија, стана јасно дека тие ветувања не се исполнети, па го прекинав контактот. После тоа ми пријдоа неколку луѓе поврзани со Светското првенство во Катар, на кои јасно им кажав дека Дуа нема да настапува таму“, заклучил тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај утре во Скопје поради посета на делегација од Република Косово

На 27.10.2026 (вторник) во официјална посета нa Македонија ќе присуствува претседателката на Собранието на Република Косово, Н.Е. г-ѓа. Албулена Хаџиу.

Посебен режим на сообраќај утре во Скопје поради посета на делегација од Република Косово

Од тие причини Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на Град Скопје.

Апелираме до сите граѓани учесници во сообраќајот да се почитуваат наредбите кои ќе ги даваат полициските службеници.

Тагови: режим на сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Упад на Информер: Драма на телевизија, Вучиќевиќ повика полиција

Група од неколку десетици луѓе, се собраа пред ТВ Информер вечерва, а подоцна упаднаа во редакцијата.

Упад на Информер: Драма на телевизија, Вучиќевиќ повика полиција

Меѓу нив е и Дијана Хрка, мајка на една од жртвите од уривањето на настрешницата на железничката станица во Нови Сад.

Видео на кое се гледа групата пред Информер беше објавено на социјалните мрежи.

„Да одржиме колегиум заедно“, стои во описот на видеото, во кое се слуша викање од толпата.

Група луѓе насобрани упаднаа во Информер

Главниот уредник на Информер, Драган Ј. Вучиќевиќ, рече дека групата тропала по прозорците и вратите и дека, како што тврди, „скршиле една од вратите на влезот во телевизиската станица“.

„Тропаат по прозорците, скршија една врата, сега одат на другиот влез. Сакаат да провалат“, рече главниот уредник на Информер.

За време на емисијата, тој ја повика полицијата да реагира.

Вучиќевиќ го повика лидерот на Студентската листа, Илија Срдановиќ, да реагира во живо на програмата.

Потоа толпата упадна во редакцијата, вклучувајќи ја и Дијана Хрка.

Како што може да се види во преносот во живо на телевизија, неколку компјутери беа скршени.

Полицијата пристигна пред Информер во полна опрема.

Драган Ј. Вучиќевиќ ја напушти редакцијата во придружба на група насобрани луѓе

По расправија со Дијана Хрка и другите присутни, главниот уредник на Информер Драган Ј. Вучиќевиќ ја напушти канцеларијата во придружба на насобраните луѓе.

Извор: Блиц

Тагови: Србија Информер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Теа Таировиќ итно оперирана поради внатрешно крварење

Според пишувањата на локалните медиуми, Теа Таировиќ била подложена на итна операција поради внатрешно крварење.

Теа Таировиќ итно оперирана поради внатрешно крварење

Веста за здравствената состојба на популарната пејачка предизвика загриженост во јавноста, откако се појавија информации дека таа во текот на ноќта била хоспитализирана, нејзиниот ПР-тим излезе со соопштение.

Како што пренесува „Блиц“, лекарите одлучиле да извршат итна операција по извршениот преглед. Во соопштението од нејзиниот тим се потврдува дека Теа сега е добро.

Веста за итната операција на Теа Таировиќ ги вознемири нејзините бројни обожаватели, кои со нетрпение очекуваат нови информации за нејзиното закрепнување. Извори за „Блиц“ наведуваат дека пејачката била примена во болница синоќа, а по лекарските прегледи, лекарите утврдиле дека е неопходна итна операција.

Медиумот пренесува дека станувало збор за внатрешно крварење, а според изворите, животот на пејачката бил загрозен. Сериозноста на ситуацијата ја потврдува и фактот што медицинскиот тим реагирал веднаш.

Теа Таировиќ сега е добро, потврдува нејзиниот ПР-тим

По веста за итната операција, стигна информација и од тимот на пејачката. Нејзиниот ПР-тим потврди дека Теа Таировиќ сега е добро, но одбија да изнесат повеќе детали за нејзината здравствена состојба.

„Теа Таировиќ сега е добро. Не сакаме да откриваме детали за нејзината здравствена состојба. Таа лично ќе ѝ се обрати на јавноста штом ќе биде во можност. Ве молиме за разбирање“, изјавија од ПР-тимот на Теа Таировиќ.

Засега нема дополнителни информации за настаните што довеле до хоспитализацијата, ниту пак за тоа колку долго ќе трае нејзиното закрепнување.

Тагови: Теа Таировиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер