Свет

Се огласи претседателот на Азербејџан по падот на авионот: Има неколку теории

Претседателот на Азербејџан зборуваше за трагичниот настан што се случи утринава кога патничкиот авион на Азербејџан ерлајнс со 69 лица се урна во близина на градот Актау.

Тој посочи дека постојат повеќе теории за падот на авионот „Ембраер 190“, но оти засега не може со сигурност да каже што се случило.

„Задачата на комисијата е целосно да го истражи случајот, да ги истражи причините за несреќата и сите нејзини детали и да обезбеди информации и мене и на азербејџанската јавност“, рече претседателот на Република Азербејџан, Илхам Алиев на состанокот во врска со несреќа.

„Според информациите што ги добив, авионот АЗАЛ, кој летал на релација Баку-Грозни, го променил правецот поради влошување на временските услови и се упатил кон аеродромот Актау, каде што се урнал при слетувањето. На социјалните мрежи има и видеа кои се достапни до јавноста и секој може да ги погледне, сепак, сè уште не ги знаеме причините за падот, но мислам дека е прерано да се разговара за нив“, објасни тој.

Обвинителството покрена кривична постапка, а азербејџанската јавност, секако, редовно ќе биде информирана за резултатите од работата на комисијата и за напредокот на постапката.

Азербејџански патнички авион се урна во казахстанскиот град Актау, а Министерството за вонредни состојби на Казахстан соопшти дека загинале 38 луѓе.

Според последните информации од Казахстан, по падот на патнички авион во близина на градот Актау, преживеале 32 лица на кои им била укажана лекарска помош.

„Најновото ажурирање вели дека 32 лица ја преживеале авионската несреќа и се лекуваат“, изјави за време на брифингот Кенан Зејналов, виш обвинител на Прес-службата на Јавното обвинителство, пренесува АПА.

Да потсетиме, патнички авион на Азербејџан ерлајнс со 62 патници и 5 членови на екипажот се урна денеска во близина на аеродромот Акатуа во Казахстан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.