Се одржа "Среќа е да трчаш 5 километри низ Крива Паланка" - Канал 5

Забава

Се одржа "Среќа е да трчаш 5 километри низ Крива Паланка"

Со пет километри натпреварувачка етапа и 1 километар ревијална траса денеска во Крива Паланка се одржа трката "Среќа е да трчаш 5 километри низ Крива Паланка".

Се одржа "Среќа е да трчаш 5 километри низ Крива Паланка"

Педесетина учесници од различнен пол и возрасти денес трчаа низ централната градска улица во градот, "Свети Јоаким Осоговски", а иницијативата за одржување на трката имаше за цел промоција на спортска култура и здрав начин на живот.

Општина Крива Паланка е генерален покровител на трката, поддржувајќи ја оваа промотивна, натпреварувачка и инклузивна манифестација што првично беше посветена на Светскиот ден на среќата, 20 Март, а беше закажана за 16 март, но, се одложи поради страшната трагедија во Кочани.

Организатор е здружението"Еду Грин", а главни активисти за спроведување и реализација беа познатите спортски и општествени ентузијасти од градот, Марија Дибиаџио и Петар Стоилковски.

Стартот на трката беше од градски плоштад, Крива Паланка, по што се трчаше 5 километри вкупно, од плоштадот до клучката со магистралниот пат А2 и назад Најуспешните во машка и женска конкуренција освоија и парични награди.

Анета Станковска од Крива Паланка беше првопласирана, рече дека среќна е што е победник токму на првата ваква трка низ родниот град, истакнувајќи дека редовно трча трки,треил и планински тури. Второ место е Христина Гиздовска од Гевгелија, а трета заврши Емилија Пановска од Кратово.

Во машка конкуренција победи Ибраим Мамудов од Штип кој се пријавил со тимот, "Утра треил". Тој исто така изјави дека трча рекреативни, траил и градски трки, а трчал и еднаш полумаратон во Скопје. Второпласиран е Миомир Алексовски и Кристијан Блажев од Облешево, кочанско, беше трет.

Рекреативно трчаа и дечиња, вкупно еден километар, а во трката се вклучија и мајки со деца.

Спонзор на трката е Европската куќа Крива Паланка, а поддршка дадоа и десетина локални компании.

Тагови: трки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протоколарна средба на претседателот на Собранието со британскиот амбасадор Метју Лосон

Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. 

Протоколарна средба на претседателот на Собранието со британскиот амбасадор Метју Лосон

Денеска во Собранието се одржа протоколарна средба на претседателот на Собранието на Република Македонија, Африм Гаши, со британскиот амбасадор Метју Лосон. Беа констатирани одличните билатерални односи меѓу Република Македонија и Обединетото Кралство, кои се одвиваат на редовна основа со развојна динамика.

Претседателот Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. Го истакна значењето на проектната помош за Собранието што се одвива преку Весминстер фондацијата за демократија и со која се зајакнуваат функциите на Собранието и Службата.

Амбасадорот Лосон изрази задоволство за потврдата на продолжување на веќе воспоставената соработка.

Претседателот Гаши го информираше амбасадорот за процесот на дигитализација на Собранието, за зајакнувањето на надзорната улога на Собранието, како и за подигнувањето на нивото на политичката култура во Собранието и подобрувањето на перцепцијата на законодавниот дом во јавноста.

Двајцата соговорници разменија мислења околу претстојните активности на Собранието, можностите и модалитетите во рамките на веќе утврдената соработка, но и за потенцијалите на друг вид на соработка од взаемен интерес. Беше изразена посебна благодарност до Обединетото Кралство за водечката улога и поддршка во развитокот и во клучните историски моменти на нашата земја како независна европска демократија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер