Се одржа новогодишниот концерт на „Охридско лето“ - Канал 5

Култура

Се одржа новогодишниот концерт на „Охридско лето“

Со изведба на дела на Штраус, Брамс и Калман Оркестарот под покровителство на „Охридско лето“ синоќа во салата „Билјана“ во хотелот „Метропол“ во Охрид одржа незаборавен новогодишен концерт.

Се одржа новогодишниот концерт на „Охридско лето“

Во претпразнична атмосфера, во салата исполнета со емоции и радост, бројните љубители на уметноста уживаа во прекрасниот настан на мешовитиот камерен состав диригиран од Бисера Чадловска.

Маестралната изведба на одбраните класични композиции публиката ја награди со долги аплаузи а со ракоплескање го проследи и ритамот на маршот „Радецки“ од Јохан Штраус.

Од „Охридско лето“ велат дека интересот за вака убав концерт е голем и најавија дека традиционално ќе се организира како можност за уживање на љубителите на врвната уметност но и како збогатена културна понуда на градот во текот на целата година.

„Веќе трета година организираме новогодишен концерт на радост на публиката а од друга страна ја прошируваме програмата и надвор од традиционалната рамка, 12 јули-20 август. Реализирањето настани преку цела година, едно вакво континуирано делување со програмски содржини, се покажа како потреба. Со тоа успеваме да ја збогатиме културната понуда на градот, но исто така ги реализираме зацртаните цели, Фестивалот да ја прошири фестивалската програма и во текот на целата година“, вели директорката на НУ „Охридско лето“, Наташа Поповиќ.

Според Поповиќ воведувањето новини го прави Фестивалот поатрактивен и попривлечен за уметниците.

„Како тим, посветено и професионално, работиме во реализацијата на програмските содржини кои ја потврдуваат големината на Фестивалот притоа воведувајќи новини за тој да биде поатрактивен и попривлечен за врвните уметници. Во годината која изминува со гордост можам да кажам дека запишавме 40 незаборавни фестивалски денови. 63-то издание на „Охридско лето“ донесе славни имиња кои ќе останат високо на врвот во фестивалската историја, најгламурозната оперска дива, Анџела Георгиу, која приреди незаборавен концерт на свеченото отворање но и славниот американскиот актер, продуцент и режисер Џон Малкович, кој првпат настапи во Македонија. Ваквата ексклузивност само ја потврдува големината на „Охридско лето“, фестивал по кој нè препознаваат и вреднуваат насекаде во светот“, кажа Поповиќ.

Најавувајќи дека Фестивалот и во годините што следат ќе чекори на патот кој го потврдува високото петто место во Европската асоцијација на фестивали, Поповиќ рече дека бројните награди и признанија но и самото членство во оваа елитна асоцијација е доказ дека „Охридско лето“ е на вистинскиот пат во неговата меѓународна афирмација.

Директорката на „Охридско лето“ изрази благодарност до Претседателот на државата кој е покровител на манифестацијата, Владата која преку ресорното Министерство за култура вложува во развојот и унапредувањето на културата во државата, до Општина Охрид како и до генералниот спонзор Македонски Телеком, останатите спонзори, помагатели и љубители на уметноста и културните вредности,с е наведува во соопштението од НУ „Охридско лето“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Популарна српска актерка воодушеви со танц на плажа

Актерката Анѓелка Стевиќ Жугиќ повторно ги воодушеви своите следбеници на социјалните мрежи, овој пат со шармантно видео од нејзиниот летен одмор, кое брзо собра повеќе од 5.000 реакции.

Фото: Популарна српска актерка воодушеви со танц на плажа

Анѓелка објави видео со натпис „Разгледница од море. Поздрав од брегот“, на кое се гледа како таа оди боса во бикини по карпеста плажа.

Поради острите камења, секој чекор изгледа како мал танц, што ги поттикна многумина на шега да коментираат дека таа изгледа како да игра оро.

Објавата предизвика бројни позитивни реакции, а следбениците не штедеа пофалби за нејзиниот изглед, природност и смисла за хумор. „Жена со природна убавина и одлично тело! Секоја чест што ја одржуваш таа линија“, напиша еден следбеник.

Други се пошегуваа: „Танц на туристи врз прекрасните камчиња, за кои отсекогаш ни велеле дека лечат рамни стапала“, ...

Таа уште еднаш покажа дека за привлекување внимание не е потребен спектакл – доволни се малку хумор, опуштеност и летна атмосфера.

https://www.instagram.com/reel/DbQeje3tOWA/?utm_source=ig_embed&utm_campaign=loading

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Џаред Лето во центар на скандал по документарец

Актерот и музичар Џаред Лето се најде во центарот на вниманието по емитувањето на документарниот филм на Би-би-си, „Џаред Лето: Темната тајна на Холивуд“.

Џаред Лето во центар на скандал по документарец

Актерот и музичар Џаред Лето се најде во центарот на вниманието по емитувањето на документарниот филм на Би-би-си, „Џаред Лето: Темната тајна на Холивуд“, во кој десет жени изнесоа обвинувања за несоодветно и недозволено сексуално однесување во периодот меѓу 2002 и 2016 година, додека четири жени го обвинуваат добитникот на „Оскар“ за сексуални престапи.

Лето категорично ги негираше сите обвинувања, изјавувајќи дека никогаш во животот не извршил сексуално злоставување врз никого и дека тврдењата се „апсолутно и категорично невистинити“.

Една од жените во документарниот филм тврди дека Лето сексуално ја нападнал во мотел во Лас Вегас кога таа имала 17 години, но Полициската управа на Лас Вегас соопшти дека во нејзина надлежност не била поднесена пријава за сексуален напад против актерот. Документарниот филм изнесува и други обвинувања поврзани со инциденти во кои биле вклучени малолетни девојки; авторите на филмот истакнуваат дека повеќето од жените за првпат јавно зборувале за своите искуства.

Случајот привлече значително внимание во јавноста и повторно ја поттикна дебатата за одговорноста во филмската индустрија.

Според „Дејли мејл“ (Daily Mail), Лето не е обвинет ниту осуден за ниту едно од наводните дела и цврсто ги негира сите изнесени тврдења.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Том Круз официјално го промени своето презиме

Сури Круз (20), ќерката на познатиот американски актер Том Круз и актерката Кејти Холмс, официјално го променила своето презиме во Ноел – средното име на нејзината мајка. 

Ќерката на Том Круз официјално го промени своето презиме

Ова го покажуваат јавните евиденции на регистрирани гласачи во Пенсилванија, каде што Сури моментално студира на Универзитетот „Карнеги Мелон“, пренесува „Пејџ сикс“ (Page Six).

Таа се регистрирала во округот Алегени како Сури Ноел; медиумот напоменува дека, според законот, жителите мора да ги користат своите законски имиња при регистрацијата за гласање. Исто така, се наведува дека Сури – која наскоро ќе настапи во претстава по дело на Шекспир на универзитетот – не поднела барање за промена на името во округот Алегени. Ова сугерира дека таа можеби тоа го сторила во Њујорк, каде што живеела со мајка си пред да започне со студиите.

Сури нема контакт со својот татко уште од разводот на нејзините родители во 2012 година; информациите за промената на нејзиното презиме првпат се појавија во 2024 година, за време на нејзиното матурирање, кога таа не го користела неговото презиме. Том Круз и Кејти Холмс се разведоа во 2012 година, по што Сури се пресели во Њујорк со својата мајка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер