Се одбележа еден век од осветувањето на тетовската соборна црква „Свети Кирил и Методиј“ - Канал 5

Македонија

Се одбележа еден век од осветувањето на тетовската соборна црква „Свети Кирил и Методиј“

 Во тетовската соборна црква „Свети Кирил и Методиј“ се одбележа 100-годишнината од осветувањето кое било извршено на истиот овој ден, празникот Петровден во 1925 година.

Се одбележа еден век од осветувањето на тетовската соборна црква „Свети Кирил и Методиј“

Беше отслужена света архиерејска литургија на која чиноначалствуваше архиепископот охридски и македонски г. г. Стефан во сослужение на надлежниот митрополит Тетовско-гостиварски г. Јосиф, епископот Стобиски г. Јаков, архимандритот Георгиј-новоизбран митрополит Дебарско-кичевски, архимандритот Агатон, како и повеќе свештеници од тетовската и други епархии.

По литургијата во пригодниот говор пред верниците поглаварот на МПЦ-ОА, г.г Стефан посочи дека тетовци на почетокот на минатиот век биле апостоли на оваа Црква, кога го изградиле овој велелепен храм.

-Иницијатор за градбата бил прота Михаил Мартиновски, угледен тогашен свештенослужител, кој како архиерејски намесник успеал во 1902 година да добие одобрение за градба од султанот. Храмот се градел долго и бил завршен во 1918 година, а бил осветен пред 100 години во 1925 година од тогашниот скопски митрополит Варнава, истакна архиепископот.

Низ годините по осветувањето, љубовта на тетовци кон храмот била покажувана многукратно, посочи г.г Стефан.

-Така во 30-тите години е украсуван дворот на храмот. Во 60-70 години се вршеле бројни санации, а во 1991 е извршена изградбата на камбанаријата. Во наши дни под водство на неговото високопреосвештентсво митрополит Јосиф храмот беше украсен и со овие нови убави фрески. Сите тие генерации на добротворци на овој храм се сведоци дека во нашиот народ живее рамноапостолскиот дух, односно дека Апостол треба да биде секој од нас, затоа што сите сме повикани да учествуваме во спасоносното дело на црквата Христова, истакна поглаварот.

Во обраќањето архиепископот се осврна и на значењето на денешниот датум - 12 јули, кога Црквата го прославува празникот Собор на светите славни и сефални 12 апостоли - Петровден. На литургијата верниот народ се причести со светите тајни.

Тагови: Свети Кирил и Методиј

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер