Се обидел да преплива 32 километри, кога морето станало крваво- го нападнала ајкула - Канал 5

Живот

Се обидел да преплива 32 километри, кога морето станало крваво- го нападнала ајкула

Британскиот пливач на долги патеки Крис Мареј (50) чудесно преживеал напад од голема бела ајкула додека се обидувал да преплива 32 километри од островот Каталина до брегот на Лос Анџелес.

Се обидел да преплива 32 километри, кога морето станало крваво- го нападнала ајкула

Во застрашувачкиот инцидент, кој се случил на 30 септември, Мареј се здобил со сериозни повреди, но успеал да се одбрани и да го спаси животот, објавува Дејли меил.

„Невидена сила“

Мери бил во морето околу два и пол часа кога одеднаш бил нападнат од чудовиштето од длабочините, долго до 1,8 метри. Прво го каснала за левата рака, а потоа и за десната нога.

„Телото на ајкулата е како еден голем мускул, невидена сила“, изјавил тој за локалните медиуми.

И покрај сериозноста на нападот и повредите, Мареј тврди дека не чувствувал болка, туку чист адреналин.

„Не бев ни во шок. Бев само... вознемирен“, додаде тој.

„Никогаш не вели никогаш“

Откако ајкула го каснала за ногата, британскиот пливач почнал да ја клоца и на крајот ја избркал. Неговиот екипаж на бродот не го забележал нападот сè додека Мареј не допливал до нив.

Тие веднаш му пружиле прва помош, а кога стигнале на брегот, пливачот бил однесен во болница. Добил 20 конци на раката, додека повредата на ногата била посериозна и барала понатамошен третман.

Локалните власти велат дека нападите од ајкули се исклучително ретки во тој дел од Калифорнија - само 15 инциденти се регистрирани во областа на Лос Анџелес од 1950 година, додека во целата држава имало нешто повеќе од 200.

И покрај сè низ што поминал, Мареј не се откажал од своите соништа. Кога го прашале дали би се обидел повторно да го исплива истиот дел, тој едноставно одговорил: „Никогаш не вели никогаш“.

Тагови: ајкула морето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 14 лица лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 14 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 14 лица лишени од слобода поради безобѕирно управување моторно возило

Од нив, 10 лица управувале моторно возило без возачка дозвола, од кои тројца малолетници. Додека, кај еден од возачите била пронајдена и бела прашкаста материја. Три лица управувале возило под дејство на алкохол, при што едно од нив учествувало во сообраќајна незгода. Едно лице управувало возило во спротивен правец во еднонасочна улица. По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Скопје, пронајдена дрога, лишено од слобода едно лице

На 12.08.2026 во 23:00 часот во Скопје, полициски службеници од СВР Скопје го лишија од слобода П.П.(29) од Скопје затоа што при преглед кај него била пронајдена и одземена бела грутчеста материја.

Претрес во Скопје, пронајдена дрога, лишено од слобода едно лице

Подоцна, со наредба од Основен кривичен суд Скопје, бил извршен и претрес во домот каде престојува П.П., каде била пронајдена и одземена марихуана. По целосно документирање на случајот ќе следува соодветна пријава.

Тагови: претреси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС денес повторно се обиде да произведе „изјава“ што министерот Муцунски никогаш не ја дал

СДС денес повторно се обиде да произведе „изјава“ што министерот Муцунски никогаш не ја дал.

ВМРО-ДПМНЕ: СДС денес повторно се обиде да произведе „изјава“ што министерот Муцунски никогаш не ја дал

Тврдат дека рекол дека разговорите се водат „под радарот“.

Има само еден мал проблем: таква изјава нема.

Затоа, наместо уште едно долго соопштение, имаме едноставен предизвик за СДС:

Објавете ја снимката.

Не медиумски наслов.

Не партиска интерпретација.

Не туѓо прераскажување.

Снимката.

Ако не можете да ја најдете, причината е прилично едноставна: не можете да најдете нешто што никогаш не постоело.

Очекуваме Венко Филипче да објасни како СДС успеа од туѓи наслови да произведе туѓи зборови и потоа да ги претстави како факт.

Во демократијата имаме право на сопствено мислење.

Немаме право на сопствени факти.

А кога една опозиција ќе почне да измислува цитати затоа што нема аргументи, проблемот одамна веќе не е „под радарот“.

Сите го гледаат.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер