Се нашол очи во очи со мечка- реакцијата на Словенец го збунила дивото животно - Канал 5

Живот

Се нашол очи во очи со мечка- реакцијата на Словенец го збунила дивото животно

Човек од Идрија, Словенија, успеал да исплаши мечка што се спремала да го нападне со кревање на рацете и имитирање на рикање на див ѕвер.

Се нашол очи во очи со мечка- реакцијата на Словенец го збунила дивото животно

Инцидентот се случил во понеделникот наутро, додека Миран Б. шетал низ шумата во близина на населбата Завратец.

„Имав неверојатна среќа“

Додека одел, одеднаш се појавила мечка и почнала да трча кон него. Човекот немал каде да избега, па ги кренал рацете и почнал да рика.

Ѕверот застанал на околу два метра од него, а потоа се повлекол. Локалните медиуми објавија дека инцидентот се случил на околу 100 метри од најблиските куќи во населбата.

Човекот за порталот 24UR изјавил дека всушност станува збор за женка мечка со младенчиња и дека имал неверојатна среќа што завршило без последици.

Одлуката за убивање е одложена

„Ги знам сите совети, но кога ќе наидете на мечка, реагирате најдобро што знаете. Кога ги кренав рацете, ги раширив нозете и зарежав, мислам дека тоа имаше ефект на запирање на мечката“, рекол тој.

Порано овој месец, Управниот суд на Словенија ја одложи одлуката за убивање на 206 мечки, а експертите предупредуваат дека без убивање ќе има сѐ повеќе средби меѓу луѓето и дивото животно.

Тагови: животно мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер