Се испитуваат над 150 , но кога ќе има ефикасен лек против коронавирусот? - Канал 5

Здравје

Се испитуваат над 150 , но кога ќе има ефикасен лек против коронавирусот?

Повеќе од 183.000 луѓе досега починале од „Ковид-19“, а сè уште нема ефикасен лек, пренесува Би-Би-Си.

Се испитуваат над 150 , но кога ќе има ефикасен лек против коронавирусот?

Колку сме далеку од пронаоѓање на лек за спас?

Во моментов, низ светот се тестираат над 150 различни лекови. Повеќето од овие лекови биле и порано познати, но сега го се испитува ефектот што го имаат врз новиот коронавирус.

Светската здравствена организација (СЗО) го започна т.н. Експеримент на солидарност (Solidarity Trial) за пронаоѓање на најефикасниот лек. Велика Британија објави дека дури 5.000 пациенти биле подложени на третман под овој процес за опоравување. Многу студии, исто така, се фокусираат на испитување на ефектот на плазмата од крвта на пациентите кои се излекувале врз болните пациенти.

Истражувањата генерално одат во три насоки:

- Антивирусни лекови кои спречуваат да се шири коронавирусот во телото

- Лекови кои го смируваат имунолошкиот систем - пациентите се разболуваат сериозно кога нивниот имунолошки систем претерува во реакцијата и предизвикува оштетување на организмот

- Антитела од крвта на оние кои се заразиле со вирус или кои се создадени во лабораторија, кои можат да го нападнат вирусот и да помогнат во закрепнувањето

Д-р Брус Ајлард од СЗО вели дека редемивир е единствениот лек што покажува одредена ефикасност. Овој лек бил дизајниран за лекување на ебола, но на крајот некои други опции се покажале поефикасни.

Оттогаш, овој лек успешно се користи за лекување на некои други опасни вируси како Мерс, што предизвикува надеж дека би можело да биде корисен и против коронавирусот што го предизвикува Ковид-19.

Резултатите од Универзитетот во Чикаго исто така сугерираат дека лекот може да биде ефикасен.

Тоа е еден од четирите лекови за кои СЗО и производителот на лекови, Гилад, го организираа Solidarity Trial.

Многу е кажано за ова, но има малку докази дека два лека што се користат за лекување на ХИВ - лопинавир и ритонавир - исто така можат да го излекуваат коронавирусот. Постојат некои докази дека овие лекови се ефикасни во лабораториски услови, но експериментите врз луѓето биле доста разочарувачки.

Комбинацијата на лековите не го забрзала закрепнувањето, не ја намалила смртноста или ја намалила количината на вирус кај пациентите со тешки симптоми Ковид-19.

Меѓутоа, со оглед на тоа што лекот бил тестиран само кај многу сериозно болни пациенти (скоро една четвртина починале), се чини дека во нивниот случај било доцна за лекот да успее да направи некаква промена.

Лековите против маларија исто така се тестираат под испитувањата на Solidarity Trial.

Хлорокинот и неговиот дериват хидроксихлорокин може да имаат антивирусно дејство и да го смират одговорот на имунолошкиот систем.

Лекот стана познат пред се откако го спомна Доналд Трамп, но сè уште има малку докази за неговата ефикасност.

Хидроксихлорокин исто така се користи за лекување на ревматоиден артритис токму затоа што го контролира имунолошкиот одговор.

Лабораториските тестови покажаа дека може да го блокира коронавирусот, а некои анегдотски приказни укажуваат на тоа дека им помага на пациентите.

Сепак, СЗО смета дека сè уште нема дефинитивни докази за неговата ефикасност.

Ако имунолошкиот систем премногу реагира на вирусот, може да се појават воспалителни процеси низ целото тело. Ова е добро затоа што го стимулира организмот да се брани од вирусот, но лошо е ако имунолошкиот систем претера со реакциите што може да предизвика оштетување на организмот или дури и смрт.

Solidarity Trial го испитува и лекот интерферон бета, кој што се користи за лекување на мултиплекс склероза и намалување на воспаленијата. Интерфероните се група на хемикалии што ги ослободува телото кога е нападнато од вирус.

Во Велика Британија, како дел од Solidarity Trial, се тестира и дексаметазон, еден вид стероид што се користи за намалување на воспалението.

Луѓето кои преживеале инфекција од коронавирус треба да имаат антитела во крвта што можат да го нападнат вирусот.

Идејата е да се земе крвна плазма (дел од крв што содржи антитела) и да се даде на пациенти како терапија.

Во Соединетите држави, веќе 500 пациенти се лекуваат со плазма, а во Solidarity Trial се вклучени и други земји.

Сè уште е рано да се дознае кога ќе пристигне лек за новиот коронавирус. Сепак, за неколку месеци треба да почне да пристигнуваат резултатите од експериментите кои се во тек. Ова е долго време пред да биде достапна ефикасна и безбедна вакцина. Овие лекови ќе бидат достапни пред вакцината, бидејќи тие веќе постојат и лекарите знаат дека се безбедни за употреба. Што се однесува до вакцините, тие допрва треба да се произведат.

Некои лаборатории исто така тестираат некои нови лекови, но сè уште не е познато кога ќе започне тестирање врз луѓе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Петмина се уапсени поради кражба на четири ремек дела од музејот на Реноар

Француската полиција уапси најмалку пет лица поврзани со кражбата на четири уметнички дела од музејот Реноар на 8 септември.

Петмина се уапсени поради кражба на четири ремек дела од музејот на Реноар

Се верува дека меѓу уапсените се двајца директни сторители. Според весникот „Нис-Матен“, кој прв извести за апсењата, осомничените би можеле да бидат дел од организирана криминална група, пишува „Еуроњуз“.

Кражбата се случила во зори на 8 септември. Градоначалникот Брајан Масон изјавил за локалната станица „Иси Азур“ дека сторителите биле добро опремени и добро информирани. Тие влегле во музејот низ градината, каде што ја исекле оградата, а потоа го скршиле прозорецот на приземјето од зградата. Тие користеле електрична пила за да ги исечат држачите што ги прицврстувале рамките за слики. Масон додаде дека дуото било „забележано благодарение на градските камери за надзор“.

Плен вреден девет милиони евра

Вкупната вредност на украдената уметност се проценува на девет милиони евра. Две слики се пронајдени во градината на музејот. Според изјавата доставена до агенцијата АП, крадците ги отфрлиле за време на нивното бегство од полицијата, која била активирана од алармот. Потрагата по преостанатите две слики сè уште е во тек. Станува збор за делата „Портрет на г-ѓа Колона Романо“ од 1910 година и „Млада жена на бунарот“ од 1886 година.

Музејот на Реноар се наоѓа во медитерански град помеѓу Кан и Ница и е негова најпозната знаменитост. Музејот е отворен во 1960 година во куќата што била последниот дом на сликарот. Реноар живеел таму до својата смрт во 1919 година, кога починал од пневмонија на 78-годишна возраст.

Тагови: музејот Реноар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски во посета на Археолошкиот музеј: Македонија располага со исклучително богато археолошко и културно наследство

Минисерот за внатрешни работи беше во посета на Археолошкиот музеј во Скопје.

Тошковски во посета на Археолошкиот музеј: Македонија располага со исклучително богато археолошко и културно наследство

„Неодамнешните кражби на вредни историски и археолошки предмети од музеи во повеќе европски земји нè потсетуваат колку е значајна заштитата на културното наследство и колку е важно навременото преземање превентивни мерки.

Токму на оваа тема денеска разговаравме при мојата посета на Археолошкиот музеј во Скопје, каде што ги разгледавме можностите за унапредување на институционалната соработка и зајакнување на безбедноста на културните добра.

Македонија располага со исклучително богато археолошко и културно наследство, кое сведочи за долгата и разновидна историја на овие простори. Секој археолошки предмет, секој историски артефакт е дел од нашата колективна меморија и културен идентитет, богатство кое имаме обврска да го зачуваме за идните генерации.

Заштитата на ова непроценливо богатство не е само прашање на културата, туку и важно безбедносно прашање. Спречувањето на кражбите, нелегалната трговија со културни добра и другите облици на загрозување на културното наследство бараат постојана будност, превенција и координирано дејствување на надлежните институции.“- објави Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По нападите, повторно проработеа погоните на „Шел“ во Катар

Британско-холандскиот енергетски гигант „Шел“ објави дека делумно ги обновил операциите во катарскиот објект „Перл-ГТЛ“ за преработка на природен гас во течни горива, вклучувајќи дизел со ниска содржина на сулфур, како и керозин. 

По нападите, повторно проработеа погоните на „Шел“ во Катар

„Шел“ изјави дека овој потег ќе им овозможи да создадат ограничени залихи на производи, додека можноста за нивна испорака сè уште зависи од безбедносната состојба во регионот.

Енергетската компанија „КатарЕнерџи“, според трговците, започнала да нуди пратки на физичкиот пазар, вклучувајќи нафта од објектот „Перл-ГТЛ“, и продолжила со одредени договорени испораки. Така, производите од таа фабрика почнуваат да се враќаат на пазарот каде што понудата е ограничена.

Петтина од светските пратки минувале низ Ормускиот теснец

До почетокот на американско-израелската војна против Иран, околу 20 проценти од светските пратки на нафта и течен природен гас минувале низ Ормускиот теснец, потсетува „Ројтерс“. За време на војната, Техеран ја презеде контролата врз Хормуз и дозволи премин само на бродовите на група пријателски земји.

Во март, катарскиот гасен гигант QatarEnergy ги информираше клиентите дека поради оштетените објекти, нема да може да ги снабдува со течен гас според договорените услови. Потоа Иран ги нападна нафтените и гасните објекти во земјите од Персискиот Залив, вклучувајќи го и Катар, откако Израел го нападна гасното поле Јужен Парс во Иран.

Иранските напади уништија 17 проценти од капацитетот за извоз на течен природен гас во Катар, а нивното обновување може да трае од три до пет години, изјави тогаш шефот на QatarEnergy, Саад ал-Каби.

Неименувани извори запознаени со плановите изјавија за Ројтерс дека првата фабрика за течен природен гас во проектот за проширување на Северното поле Исток на QatarEnergy ќе биде подготвена да започне со работа во ноември. Ова треба да му овозможи на Катар да врати дел од изгубеното производство.

Поправките треба да бидат завршени до почетокот на следната година

Објектот Pearl, кој е во целосна сопственост на Shell, се снабдува со природен гас од Северното гасно поле во Катар и исто така беше оштетен во март. Ракетите оштетија еден од двата погони за преработка во Pearl GTL, кој со полн капацитет може да произведува 140.000 барели еквивалент на нафта дневно. Производството на Pearl е исто така дел од синџирот на снабдување со рафинерии на Shell, вклучувајќи го и бизнисот со мазива.

Поправките на оштетената фабрика за преработка на гас треба да бидат завршени во првиот квартал од следната година, изјави портпаролот на Shell. Во март, тие проценија дека ќе биде потребна една година за целосно поправање на Pearl. Shell забележува дека безбедното и сигурно работење на Pearl зависи од регионалната безбедност, вклучително и безбедното поминување на пратките низ Ормускиот теснец.

QatarEnergy објави тендер за продажба на нафта

Неколку трговци активни на пазарот изјавија дека QatarEnergy објавил тендер за продажба до 50.000 метрички тони од четири различни видови нафта на физичкиот пазар, вклучувајќи ја и онаа од Pearl GTL.

Продажбата се нуди со клаузула за транспорт FOB, односно бесплатно, од катарското пристаниште Рас Лафан, кое се наоѓа во рамките на Ормускиот теснец. Според таа клаузула, продавачот ја исполнува својата обврска кога ја испорачува стоката преку оградата на бродот во наведеното пристаниште за товарење.

Последниот тендер за продажба на нафта од страна на државната компанија, во кој учествуваше и Pearl GTL, беше склучен со попуст од 150 долари во споредба со пазарните цени на Блискиот Исток, исто така со клаузула FOB.

Катарската компанија продолжи да испорачува договорени количини нафта на индивидуални клиенти. Индиската „Халдија петрохемикалс“ ги доби своите 50.000 метрички тони закажани за овој квартал, изјави во понеделник претставник на компанијата.

Тагови: Катар Шел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер