Се е подготвено за традиционалната Струшка Литија - Канал 5

Живот

Се е подготвено за традиционалната Струшка Литија

Се е подготвено за традиционалната Струшка Литија (Еордија), што утре, 7 мај ќе се одржи во Струга во чест на Свети Георгиј Победоносец.

Се е подготвено за традиционалната Струшка Литија

Моштите на светецот на раскошно украсен епитаф, придружувани со неговата чудотворна икона, како и Крнинската и иконата на Богородица, локалното свештенство и братството и сестринството од Бигорски, манастирите во Рајчица и Пречиста, со традиционалните торжества ќе поминат низ струшките улици.

Новина годинава, како што соопшти организацискиот одбор, во непосредна близина на храмот „Свети Георгиј Победоносец“, од каде што ќе тргне поворката со светиите, ќе има наменски штандови, од каде посетителите ќе можат да купат храна, пијалоци и сувенири.

И оваа година, според сестра Ефимија од женскиот манастир во Рајчица, на Литијата ќе и претходи церемонијално полициско возило, кое на симболичен начин ќе го одбележи чествувањето на свети великомаченик Георгиј, како покровител на полициските и безбедносни сили. Меѓу возилото и литијата ќе дефилира коњаник, облечен во римска трибунска воена облека, изработена од автентични материјали, којашто е верна копија на оригиналните воени оклопи од тоа време. Дело на познат италијански експерт за историјата на древната Римска империја. Коњаникот, кој во раката ќе држи палмова гранка како симбол на мирот, ќе има улога на посебен редар и најавувач на процесијата.

- На чело на Еордијата ќе биде член од Бигорското братство со клепало, потоа носачи на крстови, рипиди, знамиња, псалти и братството на Бигорскиот манастир, оркестарот на Град Скопје, чудотворните икони на Свети Георгиј Победоносец и Пресвета Богородица - Крнинска, сестринствата од манастирите во Рајчица и Пречиста, свештенството на Дебарско-кичевската епархија, митрополитот Дебарско-кичевски г. Тимотеј и епископот Антаниски г. Партениј, и најпосле, најголемата светиња - моштите на светецот во раскошно украсен епитаф, појасни сестра Ефимија за МИА.

Моштите, додаде, и овој пат ќе бидат носени од четворица видни граѓани, а ќе бидат придружувани и чувани од четворица капетани од сејменската гарда на Бигорскиот манастир, облечени во традиционална мијачка носија, со сејменски ќостек на градите, на којшто е претставен ликот на Свети Јован Крстител. Зад сердарите ќе оди сејменската гарда, чии членови ќе бидат, исто така, облечени во традиционални мијачки носии, со ќостек на градите со ликот на Свети Георгиј Победоносец.

Традиционално, моштите на светецот ќе пристигнат од нашиот манастир во Рајчица, а чудотворната икона на Пресвета Богородица од манастирот Пречиста во Кичево. Овие големи светињи ќе бидат поставени за поклонение во храмот „Свети Георгиј“ во Струга. Во 16 часот ќе биде отслужена ктиторската вечерна богослужба, после што ќе следи Еордијата, која ќе започне веднаш по богослужбата во 17 часот. Литијата ќе тргне од храмот на светителот, ќе поминува низ централните градски улици, од другата страна на кејот на реката Црн Дрим, низ Чаршијата и повторно ќе се врати во црквата, истакна сестра Ефимија.

Верниците и сите добронамерници, како што посочи отец Васко Голабоски, кој е дел од организацискиот одбор на Струшката Еордија, ќе се движат после гардата, а оние што не можат да се вклучат поради многубројниот народ, ќе останат на двете страни од улиците и заедно со дечињата облечени во народна носија ќе ги поздравуваат моштите со зборовите „Христос воскресна! Навистина воскресна!".

По завршувањето на свечената Литија, во дворот на храмот „Свети Георгиј Победоносец" во Струга, со своја културно-уметничка програма ќе настапи кичевското играорно друштво „Бисер“, како и хорот „Митрополит Козма Пречистански“ од Кичево, кои за Струшката Еордија подготвиле специјална програма.

За време на Еордијата, Струшката полиција ќе спроведе посебен сообраќаен режим, а за поголема безбедност градоначалникот Рамис Мерко оствари координативен состанок со со претставници од црквата „Свети Георгиј“ и Полициската станица во Струга.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожарникари цела ноќ спасувале куќи во селата Богомила и Лознани, битолско

33 часа непрекинат оган во битолскиот регион во општините Битола, Могила и Новаци. Најтешката битка пожарникарите ја имаа во селата Ивањевци, Новоселани и Лознани. 

Пожарникари цела ноќ спасувале куќи во селата Богомила и Лознани, битолско

Голема помош во селото Лознани бил младиот Алекснадар Чепиговски од село Ивањевци кој со својот трактор орал директо низ пожарната линија и изгаснал голе дел од пожарот.

„Јас со мојот трактор влегов директно во пожарот ја имав и прскалката и почнав да гасам. Бев многу внимателен да не настрадам, но она што можев направив и помогнав“, раскажува Александар Чепиговски село Ивањевци.

Тимови од од противпожарната единциа Битола, Кавадарци и Дирекцијата за заштита и спасување, заедно со жителите од селата ги совладаа пожарите.

„Пожарите почнаа сите во исто време, може да се дел подмеметнати, дел да се од стрништа. Голема благодарност до жителите кои многу помогнаа со пожарите“, Тони Коњановски градоначалник на Битола.

Првиот човек на ДСЗ Стојанче Ангелов објаснува дека вчерашниот ден бил најтежок со пожарите. Активен е пожарот кај скопско Студеничани. „Вчерашниот ден беше најтежок, пожарите во битолско се изгаснати има делови кои се на непристапен терен. Во Студеничани има оган во непристапен терен“, објаснува Ангелов.

Едно лице било повредено со изгореници на дланките кое е на домашно лекување. На ниво на цела држава активни се шест пожари, два пожари се под контрола. ДСЗ и ЦУК со апел да се внимава со палење на огнови на отворено, бидејќи е кривично дело.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ ја прогласи водата во Гостивар безбедна за пиење

Гостиварци по речиси еден месец голгота, од денеска конечно можат повторно безбедно да пијаат вода од чешмите.

АХВ ја прогласи водата во Гостивар безбедна за пиење

Одлуката на Агенцијата за храна и ветеринарство беше соопштена пред малку на прес конференција во Гостивар, а доаѓа откако и последните добиени резултати потврдиле дека водата е микробилошки и бактериолошки исправна.

За да ги уверат граѓаните во исправноста, функционерите пиеја вода од јавната чешма пред општината.

Во Гостивар е Елизабета Спасеновска Дамјановска.

Бети, дали со ова конечно се става крај на кризата во градот?

Во видеото погледнете го целиот извештај.

YouTube video

Тагови: АХВ Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пет македонски семејства побарале помош за евакуација поради пожарите во Грција

Пеколното деноноќие во Сивири заврши, пожарот кој со часови пустошеше на популарниот прв крак на Халикиди е ставен под контрола, но се уште, постои ризик од разгорување поради силниот ветер.

Пет македонски семејства побарале помош за евакуација поради пожарите во Грција

Огнот кој вчера доцна попладнето молскавично се прошири во шумскиот предел во Сивири, принуди на евакуација илјадници туристи и од околните летувалишта, меѓу кои и многу Македонци. Семејство од Скопје кое било сместено во Посиди, 10 километри од главното жариште, за Канал 5 сведочи за хаосот кој настанал кога им стигнале пораките за итна евакуација.

-Бевме сместени во Посиди и добивме пораки на телефон итно да се евакуираме кон Скиони. По пат беше хаотично, од сите страни доаѓаа колони кои се обидуваат да го напуштат кракот кон Солун. Патувавме пет часа за да го напуштиме кракот. , вели скопјанка за Канал 5.

Од македонското МНР информираа дека пет наши семејства побарале помош и се евакуирани. Апелираа до граѓаните во случај на потреба да се јават дежурниот телефон на министерството или на електронската адреса (+389 75 268 736 или преку електронската адреса [email protected].) Изгорени се над 3,500 хектари, уништени се куќи и автомобили, а огнот го парализираше копнениот пат вчера, поради што најмалку 500 туристи беа евакуирани од Сивири со бродови.

-Ги носиме кон летувалиштето Сани. Колку бродови имате? Имаме повеќе од 15.

-Состојбата е неизвесна, многу куќи и автомобили се оштетени.

-Внимавајте, таму владее хаос.

-Ако не бевме ние самите, се ќе изгореше. , велат жители на Скиони.

Со катастрофални пожари се бори и Далмација во Хрватска, а стихијата која синоќа го зафати Омиш локалните жители веќе го нарекоа Огнен Армагедон. Најмалку 15 луѓе се повредени, од кои половината се во критична состојба.

Излези од автомобилот.

Страшно е. Мене ми се плаче.

Ова е катастрофа. Јас сум тука 50 години. Од сите пожари во Далмација, овој е најстраѓниот пожар.

300 пожарникари со 90 возила се обидуваат да го стишат огнот, кој во неврат однесе 10-ици куќи и автомобили и штета која допрва ќе се утврдува.

-За жал, голем број куќи се изгорени. Голем број возила и на улиците, и покрај улиците, кои не беа тргнати се изгорени. Голема метаријална штета за нашите граѓани.

Освен Грција и Хрватска, со пожари од различни размери се соочуваат речиси сите земји од регионот.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер