Се е подготвено за стартот на 29-тиот Охридски пливачки маратон - Канал 5

Други спортови

Се е подготвено за стартот на 29-тиот Охридски пливачки маратон

Дваесет натпреварувачи од кои десетмина во машка и исто толку во женска конкуренција пријавија учество на 29-тиот по ред Меѓународен пливачки маратон што утре ќе се одржи на Охридското Езеро, беше соопштено на денешната прес-конференција посветена на трката. Oваа година боите на Македонија ќе ги бранат Томи Стефаноски и Евгениј Поп Ацев, кој во генералниот пласман во моментов е на одличното трето место со освоени 23 бода.

Се е подготвено за стартот на 29-тиот Охридски пливачки маратон
Како што беше појаснето, Охридскиот маратон се плива на патеката „Климе Савин“ од манастирскиот комплекс „ Св. Наум“ до Градското пристаниште во Охрид, со вкупна должина од 30 километри. Стартот на трката е закажан точно на пладне, а првите маратонци на целта во Охрид ќе пристигнат некаде пет часа подоцна, зависно временските услови.

Јане Карајованов, техничкиот делегат на маратонот, нагласи дека минатата година Охридскиот маратон добил највисоки оценки, кога станува збор за организацискиот дел на манифестацијата.

- Сите забелешки што ни беа посочени од минатата година се поправени, така што со поддршката на сите субјекти вклучени во организацијата верувам оваа година ќе добиеме уште повисока оцена и можеби ќе се прошири соработката со ФИНА со уште некоја трка, рече Карајованов.

Елена Илиевска од Пливачката федерација на Македонија, нагласи дека Охридскиот пливачки маратон е централен спортски настан во земјата, кој секако придонесува за популаризација на спортот, но истовремено претставува и најдобар промотор на градот Охрид и Охридското Езеро.

Секретарот на Општина Охрид Димитар Спасески во име на локалната самоуправа која е дел од техничката организација на маратонот, истакна дека станува збор за најзначаен спортски настан во Охрид но и во земјата, и како таков придонесува за промовирањето на Охрид и Македонија во светот.
- Се е подготвено за одржувањето на маратонот. Покрај пливачкиот маратон како главен дел, се погриживме да биде организирана и културно-забавна програма што ќе започне во 16 часот на Градското пристаниште, непосредно пред пристигнувањето на пливачите на целта, рече меѓу другото тој, повикувајќи ги граѓаните да бидат дел од манифестацијата и да ја разубават сликата од Охрид.

Наградниот фонд на маратонот во Охрид што се одржува под покровителство на Претседателот на Република Македонија изнесува десет илјади долари.

Охридскиот маратон е четврти на распоредот на „Гран-при“ маратонските трки на ФИНА за тековната 2015 година. До крајот на оваа сезона на маратонците после Охрид им останува уште трката Неапол – Капри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Издадено предупредување: Русите подготвуваат пекол (ВИДЕО)

Украинскиот претседател Володимир Зеленски изјави дека има информации дека Русија подготвува масовен напад врз Украина.

Издадено предупредување: Русите подготвуваат пекол (ВИДЕО)

„Постојат многу непријатни информации за подготовка на уште еден масовен руски напад. Постојат разузнавачки информации и веднаш по нашата прес-конференција ќе се вратам во Украина со мојот тим многу наскоро“, рече Зеленски на прес-конференцијата по церемонијата на отворање на ирското претседателство со Советот на Европската Унија.

Украинскиот претседател ги повика граѓаните да не ги игнорираат сирените за воздушен напад и веднаш да одат во засолништа во случај на опасност.

„Ги повикувам нашите луѓе да бидат особено внимателни, да се заштитат себеси, своите деца и семејства, да користат засолништа и да обрнат внимание на сирените за воздушен напад“, нагласи тој.

Тагови: Володимир Зеленски предупредување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер