Македонија

СДСМ: ВМРО-ДПМНЕ почна да критикува сопствени проекти

ВМРО-ДПМНЕ очигледно целосно се загуби во лажните вести па почна да критикува проекти донесени за време на нивното криминално владеење а токму таков е проектот за гасоводот на Водно којшто актуелната Влада го наследи од претходната.

Проект за којшто сите дозволи и решенија за негово отпочнување се извадени и донесени токму од ВМРО ДПМНЕ.

Лицемерно и несериозно е ВМРО ДПМНЕ да зборува за штета, за која што тие се сторители. Зборува за сеча на дрва, а токму тие се оние кои со години го уништуваа зеленилото на Водно и во Скопје.

ВМРО-ДПМНЕ зборува за нарушување на животната средина, а токму со проектите кои се изведоа во времето на нивното 11 годишно владеење се нанесоа страшни, долгорочни и непоправливи штети врз Водно.

За разлика од налудничавите проекти на ВМРО-ДПМНЕ на Водно, конкретниот и изменет проект за гасификација не само што не штети, туку ја заштитува животната средина. Во таа насока, изменета е трасата, со што двојно се намалува и опфатот на дрвната маса од 3000 на 1400 метри кубни метри, се намалува ширината на трасата од 25 на 10 метри и воедно се опфаќа само 0,07 отсто од шумата Водно.

Истовремено, Владата обезбеди средства во висина од 43 милиони денари од страна на МЕР како законска компензација за пошумување на она коешто ќе се исече при спроведување на проектот.

Гасификацијата е врвен стратешки проект за Македонија, а придобивките од нејзината реализација се повеќекратни. Со гасификацијата ќе се намали загадувањето на воздухот, ќе се намали сечата на дрва, ќе се намали ерозијата на земјиштето, а граѓаните ќе добијат нов и поевтин начин на затоплување. Сето тоа, позитивно ќе влијае врз зачувувањето на животната средина.

Владата предводена од СДСМ останува на патот кон своите зацртани цели, а тоа е работа во интерес на граѓаните и државата, ВМРО-ДПМНЕ останува заглавена во лажните вести и измислиците. /МИА

Македонија

Јом Хашоа одбележан во Меморијалниот центар на холокаустот во Скопје

Со едноминутно молчење во чест на жртвите во холокаустот, денеска беше одбележан Денот на сеќавањето на жртвите. Традиционално овој ден  се одбележува на годишнината на востанието во Варшавското гето.

Маја Нану, член на управниот одбор на еврејската заедница, нагласи дека Македонија, рамо до рамо со целиот свет, им оддава почит на своите 7.144 евреи, жртви на нацизмот, депортирани во логорот на смртта, Теблинка.

Самоил Садикарио, пензиониран професор на медицинскиот факултет, член на Еврејската заедница, чии предци биле партизани, изразува жалење што се помалубројни се Евреите во Македонија. Особено му е жал што поради, како што рече, нечија луда идеа, загинале шест милиони евреи во светот.

Во чест на Денот на сеќавањето на жртвите од холокаустот, во музејот на холокаустот беше отворена и детска изложба, а најдобрите три цртежи беа и наградени.

Свет

Катарската делегација пристигна во Каиро

Делегација на Катар пристигна во главниот град на Египет, Каиро, каде ќе продолжат индиректните преговори меѓу Израел и Хамас.

Хамас вчера соопшти дека го одобрил предлогот за прекин на огнот во Појасот Газа, што го предложиле посредниците од Египет и од Катар.

Разговорите во Катар треба да доведат до итен и траен прекин на огнот во Појасот Газа. /МИА

Македонија

До објавување во службен весник граѓаните ќе плаќаат поскапа полиса за автоодговорност

Иако предлогот за враќање на старите цени на осигурувањето при регистрација на возилата помина на Влада минатата недела, до нејзиното официјално објавување во службен весник, на сила ќе остане новиот тарифник

Иако предлогот за враќање на старите цени на осигурувањето при регистрација на возилата помина на Влада минатата недела, до нејзиното официјално објавување во службен весник, на сила ќе остане новиот тарифник чии цени се од 840 па до речиси 1600 денари повисоки. Претседателот на Сојузот на стопански комори Трајан Ангеловски смета дека пред секое поскапување потребно е да се обезбеди период за прилагодување и кај граѓаните и кај компаниите, а одлуката за зголемување, па намалување на цената ја оцени како избрзана.

-Доколку некоја одлука е поништена по логика на нештата во тој меѓупериод мора да се најде одредено решение како овие граѓани или институции да се обештетат. Не навлегувам дали е избрзана одлуката за подигнување или за враќање на цените, сметаме дека треба да постои доволно подготвителен период да се најави било која одлука, да се направи припрема, а потоа да се имплементира. Вака ад-хок воведување, ад-хок укинување мислам дека има штетни последици кон сите,- Трајан Ангеловски – претседател на ССК.

Одлуката за зголемување на цената на задолжителната осигурителна полиса за 15%, осигурителните компании ја донесоа пред десетина дена со образложение дека повеќе од 10 години не е променета, а трошоците им пораснале.

Од друга страна анализите од Агенцијата за супервизија покажаа дека поскапувањето е неосновано, по што Комисијата за автоодговорност донесе препорака за враќање на цените назат. За тоа дали ќе има рефундирање на средствата, останува да одлучат осигурителните компании.

притисни ентер