Женската трка на 10 километри, која требаше да ја отвори денешната програма, е поместена за в среда, кога ќе се одржи заедно со машката трка на 10 километри.

Другите маратонски пливачки трки се закажани за петок, сабота и недела.

Квалитетот на водата за дисциплините на отворено беше спорно прашање и на претходните Олимписки игри во Париз 2024 година поради квалитетот на водата во реката Сена, како и во Игрите Токио 2021 и во Рио де Жанеиро 2016.

Основното јавно обвинителство Скопје поднесе обвинение против две лица кои се товарат дека како соизвршители сториле кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.

На 9 јули, во близина на отпад за старо железо на улицата “Индира Ганди” во Скопје, обвинетите маж и жена заедно, со употреба на сила ги попречиле оштетените новинар и снимател на ТВ Алсат М во нивините службени дејствија, односно да известуваат за настанатиот пожар на отпадот во Визбегово.

Новинарот и снимателот, со телевизиски беџови, пристигнале на локацијата за да снимаат прилог, но двајцата обвинети најпрво им кажале дека немаат дозвола за снимање затоа што отпадот бил приватен имот на кој тие се сопственици. Кога телевизиската екипа сепак продолжила со вршење на нивната службена дејност, најпрво жената физички го нападнала снимателот, го удрила со нога и со бокс, го фатила за врат и ја превртела и ја оштетила камерата. Новинарот застанал меѓу нив за да го заштити снимателот и опремата и започнал да снима со мобилен телефон.

Обвинетата го удрила и него со нога, му го удрила телефонот кој паднал на земја и му го одзела. Во тој момент пристапил и обвинетиот со закани и навреди, па на новинарот му удрил шлаканица и го избркал од местото.

Јавниот обвинител до Основниот кривичен суд Скопје достави и предлог за продолжување на претходно определените мерки – притвор за обвинетиот и куќен притвор за обвинетата.

Во исто време, продолжува и предистражната постапка во однос на настанатиот пожар на отпадот и последиците од него. Надлежниот јавен обвинител и вчера вршеше увид на лице место на локацијата која е обезбедена. До Основното јавно обвинителство Скопје се доставени и резултатите од мерењата на токсичните материи во воздухот во Скопје непосредно по пожарот што по барање на надлежниот јавен обвинител ги изврши специјален тим од четата за атомско биолошка и хемиска одбрана на АРМ. Тие резултати се анализираат, а во меѓувреме се преземаат и други дејствија со цел да се испитаат сите сомненија за евентуално кривично дело и загрозување на животната средина со отпадни материи.

Најновата фотографија од седумкратниот светски шампион во Форнула1, Михаел Шумахер предизвика вистинска бура во Германија.

Сопругата на легендарниот возач на Формула 1, Корина Шумахер, го отклучила телефонот за време на натпревар во јавање коњи, што го снимил фотографот на „Билд“.

По повредата на главата која Михаел ја заработи на скијање на француските Алпи на 29 декември во далечната 2013 неговиот живот драстично се промени. Семејството во тајност се грижи за големиот шампион.

Животот на славниот Германец е внимателно чуван од очите на јавноста.

Но, викеднов јавноста виде досега непозната слика од популарниот Шуми.

Фотограф на Билд го снимил телефонот на Корина за време на на годишното првенство во јавање организирано од Корина Шумахер во Гиврен, Швајцарија.

Беше 20:38 часот кога Корина одеше по песокот на затворената арена кон церемонијата на доделување награди. Го носи телефонот на висечки ланец, секогаш со себе.

И потоа одеднаш се појави тој. Михаел Шумахер! Неговата фотографија се појави на екранот на телефонот на Корин неколку секунди, а подолу се појави порака.

Фотографијата, црно-бел портрет, не позната на фановите на Шумахер.

Според „Билда“, таа е снимена помеѓу 2012 и 2013 година.