За првпат, правичната и соодветна застапеност станува законско решение. ВЛЕН после 25 години од Охридскиот рамковен договор законски го решава ова прашање. Не со крпеници, не со импровизации, а уште помалку со алатки што денес ги има, а утре ги нема, туку со закон. Правичната застапеност и вработувањето на албанците во јавниот сектор повеќе нема да биде предмет на политички пазарења или партиски желби. Од овој момент вработувањето на албанците во јавниот сектор е законска обврска.

ВЛЕН побара овој закон да оди со Бадентер, затоа што ова не е прашање на една партија. Ова е прашање што ги засега Албанците, другите заедници и мултиетничкиот карактер на државата. И тоа помина.

Сега се обидуваат сопствената врева да ја продадат како грижа за Албанците. Но Албанците добро ја знаат разликата. Овие манипулации одамна им се прочитани.

Кога беа на власт, ниеден чекор не го преземаа за да го донесат законот. Сега, кога законот се донесува, се прашуваат зошто се донесува. Јасно е зошто им е криво. Тие за 25 години не го направија, а ние го правиме за 25 месеци.

ДУИ треба да одлучи, дали ја подржува правичната застапеност гарантирано со закон или не? Толку е едноставна одлуката што треба да ја донесат.

Правичната застапеност не се брани со драми и навреди. Не се брани, со манипулации и со политички игри. Се брани со закон, со механизми и со одговорност.

Правичната и соодветна застапеност не е политички подарок, ниту услуга што некој им ја прави на Албанците. Таа е уставно право, принцип од Охридскиот рамковен договор, но до денес никој немаше храброст да ја претвори во закон. ВЛЕН го прави тоа, рече на прес конференција, Шабан Алајбегу.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Голема гордост за нашиот Македон!

Со извонреден успех тој освои златен медал во екипна конкуренција, потоа постигна највисок индивидуален резултат меѓу сите учесници.

Како врв на овој огромен успех, Mакедон ја доби и престижната George Lenchner Medal за најдобар резултат меѓу неверојатни 56.913 натпреварувачи од „Mathematics Olympiads for Elementary and Middle Schools“ на ниво на американски училишта во САД и низ светот

Ова е резултат на посветеност, труд и вистинска љубов кон математиката. Честитки Mакедон– продолжи да блескаш!, објави на ФБ татко му на Македон, Владимир Димитровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тоа денеска не го направија и наместо во Клиниката да асистираат за болни дечиња застанаа пред Министерството за финансии за да прашаат зошто после месеци чекање добиле негативно мислење за нивните плати. Освен да им се исплати изработениот труд тие бараат решение за постојано вработување.

По средбата во Министерството за финансии договорците од Детска останаа без одговори зошто речиси половина година се оставени на цедило, но со ветувања дека документацијата ќе била повторно разгледана.

Директорот на Клиниката Д-р Реџеп Мемеди за Канал 5 вели дека без овие педесетина луѓе болницата не може да функционира и вели дека барањето било пратено на време до Министерство за финансии уште во декември лани, а одговор со негативно мислење стигнал кон крај на април.

-Станува збор за помошен медицински персонал за кој како што секогаш правиме од декември праќаме барање, ама овој пат одговорот „патуваше“ пет месеци. Ние сме терцијарна установа за најкомплексно ниво на медицинска заштита, последна станица за третман, и немаме каде да ги пратиме децата на лекување како што се случува во внатрешноста. Од други болници ќе ги пратат децата кај нас во Скопје, а ние ако сме без кадар каде да ги препраќаме? - Д-р Реџеп Мемеди.

Канал 5 се обрати до Министерството за финансии. Оттаму наместо конкретен одговор што понатаму со овие луѓе кусо ни одговорија дека и тие вратиле го почлитувале рокот за одговор на барања.

-Министерството за финансии ги сослуша нивните барања и укажува дека постапува согласно важечките законски прописи. Во рамки на своите надлежности, Министерството по секое доставено барање од буџетски корисник кое се однесува на нови вработувањe, ангажирање или трансформација на работен однос постапува и доставува известување во законски утврдениот рок, согласно Законот за буџети. - МИНИСТЕРСТВО ЗА ФИНАНСИИ

Од Министерството за здравство пак, не кажаа зошто до сега не им решен статусот на договорците од Детска, но потврдуваат дека барањата до Финансии се процесуирани од нивна страна и биле пратени на време.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.