Секојдневието е сурово за народот, цените поскапеа, стандардот паѓа, платите не мрдаат, а граѓаните имаат сè помалку пари.

СДСМ уште пред 50 дена предложи конкретни мерки за заштита на стандардот на граѓаните, на самиот почеток на кризата.Мицкоски не презеде ништо. Напротив, владата ја укина и мерката за намален ДДВ за дизелот, враќајќи го на 18%.

Сега е веќе доцна, цените пораснаа, а товарот го носат граѓаните. Народот плати за грешките на Мицкоски и цената допрва ќе зголемув.

Во мај се очекуваат нови предизвици, прогнозите на Европската централна банка и Европската комисија се дека следува забавување на растот, висока инфлација и ризик од рецесија.

Само Мицкоски и понатаму живее во својот паралелен свет на бајки за 3 та економија во Европа.

Граѓаните не живеат од бајки – тие ја живеат реалноста секој ден.

Зеленчукот е поскапен за над 38%, овошјето за над 10%, а цените во земјоделството за 23%. Поскапени се месото, јајцата, зејтинот…. практично сè е поскапено.

Во исто време, платите стагнираат и остануваат меѓу најниските во Европа. Мицкоски одби да ги покачи платите на работниците, одби 600 евра минимална плата.

Мицкоски нема капацитет да води економска политика. Има капацитет само за својот приватен бизнис и за тендери.

Човек со часовници од 60 илијади евра или 150 минимални плати им кажува на граѓаните дека сме 3 та економија во Европа ама дека најниските плати им се доволни. Какви апсурди.

Во исто време кога економијата оди забрзано надолу. Инвестициите паднаа за над 60%. Компаниите отпуштаат – над 1.500 работници за само неколку месеци. Државата должи 180 милиони евра за поврат на ДДВ кон стопанството.

Доста беа бајки, доста е бранење на бизнис интересите потребни се мерки за граѓаните.

СДСМ повторно бара итни мерки:

Замрзнување на цените на основните производи,

Намалување на ДДВ за храна и енергија,

Директна помош за ранливите категории,

Мерки за зачувување на работните места.

Економијата не е статистика, туку животот на секој граѓанин.

Прес конференција на СДСМ, Богданка Кузеска-портпаролка

Одговор на прашањето на ВМРО дали се зборувало во Барселона за ТИСА:

Мицкоски и ВМРО се на погрешната страна на историјата – ПЕС го потврди тоа во Барселона

Во рамки на ПЕС е разговарано за вашата сестринска партија Фидес и големиот пријател на вашиот претседател Мицкоски – Виктор Орбан.

Сите учесници заклучија дека автократските режими кои се длабоко заглавени во криминал и корупција завршуваат.

Затоа беше толку убедлива победата на ТИСА над Фидес.

Дури и меѓу првите им честиташе домаќинот на конгресот во Барселона, шпанскиот премиер и претседател на партијата PSOE – Педро Санчес.

Ова не беше прашање на идеологија.

Иако Тиса е центар-десна, либерална опција од десниот правец, тоа воопшто не се доведуваше во прашање.

Победата беше победа на Европа над автократска Русија, победа на народот над корумпираниот систем и победа на слободата над диктатурата.

Иако во ВМРО никој не разликува центар-десно од десница и Тиса ја нарекуваат „сестринска партија“ само затоа што е членка на ЕПП, таа „сестринска љубов“ ќе ја видиме многу брзо кога ќе почнат истрагите против нивниот „брат“ Орбан и неговите медиуми, како и за пласирањето на кинеските кредити во Македонија.

Едни од главните теми на панелот на којшто учествуваше проф. д-р Венко Филипче беа токму Орбановите медиуми и нивното влијание во Македонија.

Панелистите изразија сериозна загриженост за поврзаноста на владата во Скопје со Орбан, Вучиќ и длабоките врски на најблиските соработници на Мицкоски со Русија.

Јасно се гледаат влијанијата на автократијата во Македонија.

Целата медиумска мрежа која опфаќа 40 % од вкупното медиумско небо во Македонија е во сопственост на Орбан и е

ставена на располагање на ВМРО-ОКГ и Мицкоски.

Заклучокот беше јасен: новиот унгарски премиер најавува дека брзо ќе се спроведат истрагите за поврзаноста Орбан–Додик–Вучиќ–Мицкоски.

На оваа тема претставниците на партиите од регионот целосно се согласија и заклучија дека регионот не може да биде руски, туку целта на сите мора да биде Европа.

СДСМ останува цврсто на страната на Европа, на страната на слободата и на страната на граѓаните.

Мицкоски и ВМРО можат уште малку да се потпираат на Орбановата машинерија, но и на неа ѝ се гледа крајот. За почеток, таа мрежа беше блокирана за неплатени 100.000 евра уште наредниот ден по изборите.

Почна процесот на распаѓање на криминалната организација.

Доаѓа времето на вистината, правдата и одговорноста!

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.