СДСМ: Систем, не спектакли и пи-ар: Шукова и Битиќи со граѓаните за чисто и одржливо Скопје - Канал 5

Македонија

СДСМ: Систем, не спектакли и пи-ар: Шукова и Битиќи со граѓаните за чисто и одржливо Скопје

Кандидатката за градоначалничка на Скопје од СДСМ, Каја Шукова, оствари средба со претставници од ЗИП Институтот и учесници во првото Граѓанско климатско собрание.

СДСМ: Систем, не спектакли и пи-ар: Шукова и Битиќи со граѓаните за чисто и одржливо Скопје

Аерозагадувањето во Скопје и реалните, граѓански решенија за негово надминување, се итна тема и од суштинско значење.

Шукова ги сослуша приоритетите на граѓаните, и јасно се заложи за нивна имплементација. Таа порача дека препораките кои произлегле од Климатското собрание се основа врз која треба да се гради новата еколошка политика на градот, но не како политички маркетинг, туку како план за опстанок.

„Овие препораки не се само листа на желби, тие се мапа за здрава иднина. Она што недостасуваше изминативе четири години е токму ова, дијалог, храброст да се именува проблемот и волја да се постапи. Јас се обврзувам да ги ставам граѓаните и науката во срцето на политиката за Скопје“, рече Шукова.

Таа најави реформа на јавниот превоз преку набавка на еколошки автобуси и редизајн на улиците за да станат пристапни за велосипедисти и пешаци. Поддршка ќе добијат домаќинствата за премин кон еколошко греење, со субвенции и долгорочни решенија што ќе ја намалат зависноста од загадувачките извори. „Ако сакаме почист воздух, мора да се справиме со реалниот предизвик, затоплувањето во домаќинствата. Тоа е нешто за кое зборував и пред пет години, и тогаш тоа не беше популарно. Денес е значајно за сите“, истакна Шукова.

Таа ја посочи нефункционалноста на јавните претпријатија, предупредувајќи дека без реорганизација и вложување во човечки ресурси, ниту една стратегија нема да даде резултати.

,,Имаме документи и стратегии, но немаме имплементација. Сè што треба да направиме, веќе е измислено. Само треба да престанеме да се плашиме од промени и да почнеме да ги применуваме решенијата што постојат”, нагласо Шукова.

На средбата учествуваше и Фатмир Битиќи, пратеник и поранешен вицепремиер за економија, кој потенцираше дека вистинските промени не доаѓаат со спектакли, туку со поставување на системи што функционираат.

,,Не можеме да очекуваме да имаме инспектор зад секој проблем. Македонија е мала земја, ни требаат дигитални решенија, автоматизирани системи и пред се, ред. И тука ја гледам разликата, Каја не ветува чудо, туку ред и систем“, констатира Битиќи.

Тој посочи и примери од други европски градови, каде воведувањето на зони со ограничен сообраќај за загадувачки возила дало мерливи резултати во квалитетот на воздухот.

,,Во Скопје, улиците се чистат еднаш на 14 дена, нема техничка вода, опремата е дотраена, а комуналната хигиена е сведена на добрата волја на граѓаните. Тоа не е политика, тоа е хаос. А од хаос, нема напредок”, посочи Битиќи

На средбата заеднички се заклучи дека граѓаните, институциите и стручната јавност мора да работат заедно, а не паралелно. Вистинскиот напредок, според Шукова, нема да дојде преку камери, ПР акции и еднократни спектакли за чистење, туку преку дневна, упорна работа на системот што ќе функционира без разлика кој е на власт.

Кандидатката на СДСМ испрати јасна порака дека Скопје не смее повеќе да биде град на пропуштени шанси. Последните четири години, под водство на ВМРО-ДПМНЕ и Данела Арсовска, градот стагнираше. Таа потенцира дека многу беше ветено, малку, ако воопшто и нешто беше испорачано. Институциите беа ослабени, комуналниот сектор занемарен, а граѓаните оставени сами да се борат со загадувањето, сообраќајниот хаос и урбанистичката деградација.

„Доаѓа време кога Скопје ќе престане да биде синоним за разочараност. Мојата визија не е базирана на имиџ, туку на суштина. Верувам во град каде воздухот е чист, институциите се достапни, а јавниот интерес стои над приватниот“, заклучи Шукова.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ за посетата на Зеленски: Ќе градиме посилни врски

Украинанскиот претседател Володимир Зеленски пристигна во Белград синоќа.

Вучиќ за посетата на Зеленски: Ќе градиме посилни врски

На аеродромот „Никола Тесла“ го пречека министерката за рударство и енергетика Дубравка Ѓедовиќ Хандановиќ, а потоа српскиот претседател Александар Вучиќ му приреди свечена вечера.

Денес, Вучиќ го пречека Зеленски со воени и државни почести пред Палатата на Србија, каде што започнаа разговорите меѓу двете државни делегации.

Пред неговото пристигнување во Белград, Зеленски објави на социјалните мрежи дека очекува важни разговори со Вучиќ и премиерот Ѓуро Мацута. Тој изјави дека ќе разговараат за економските врски меѓу двете земји, односите со Европската Унија и други области на соработка, како и за безбедносни прашања.

Вучиќ: Посетата ќе придонесе за развојот на односите

Вучиќ рече дека е среќен што има можност да биде домаќин на украинскиот претседател, кој официјално ја посетува Србија за прв пат. Тој рече дека посетата ќе придонесе за понатамошен развој на односите меѓу Србија и Украина и соработка во области од заеднички интерес.

„Уште еднаш, топло го поздравив претседателот на Украина, чие доаѓање во Србија претставува важен чекор во понатамошното зајакнување на политичкиот дијалог и потврдување на заедничката желба за развој на односите меѓу нашите земји врз основа на меѓусебно почитување, отвореност и конкретна соработка.

Ќе ги разгледаме најважните прашања од билатералните односи, можностите за нивно дополнително подобрување, особено во областа на економијата, трговијата и енергетиката, како и европскиот пат на нашите земји и актуелните регионални и глобални прашања. Ќе разговараме и за конкретни форми на соработка во наредниот период.

Сигурен сум дека денешните разговори ќе претставуваат нов стимул за односите меѓу Србија и Украина и дека преку сè почести контакти на највисоко ниво и конкретни заеднички проекти, ќе продолжиме да градиме посилни врски меѓу нашите земји и нашите народи“, објави Вучиќ денес на своите социјални мрежи.

Вулин: Посетата е резултат на притисок од ЕУ

Во исто време, руските медиуми ја пренесоа изјавата на коалицискиот партнер на Вучиќ и поранешен министер во српската влада, Александар Вулин. Тој тврди дека посетата на Зеленски не е желба на граѓаните на Србија, туку резултат на притисок од Брисел врз Белград.

„Посетата на Володимир Зеленски не е ниту желба на граѓаните на Србија, ниту потреба на српското раководство. Посетата е резултат на притисок од Европската Унија и одмазда за тоа што Србија е единствената земја во Киев што не ја потпиша антируската декларација, како што бараше ЕУ“, го цитира Вулин рускиот портал „Спутник“.

Вулин се осврна на самитот Украина-Југоисточна Европа во јули во Киев, на кој Вучиќ беше единствениот меѓу присутните лидери што не ја потпиша заедничката декларација со која се осудува руската инвазија на Украина.

Вулин против санкциите против Русија и продажбата на муниција на Украина

Вулин, познат по своите проруски ставови и честите посети на Москва, смета дека Србија уште еднаш јасно треба да му каже на Киев за време на посетата дека нема да воведува визи за руските граѓани, ниту да стане дел од некоја антируска коалиција или хистерија, и дека нема да воведува санкции против Русија. Тој нагласи дека треба јасно да се стави до знаење дека Србија нема да продаде ниту еден куршум на Украина или на која било друга земја што би можела да продаде српска муниција на „непријателите на нашите руски браќа“.

Десничарските партии и националните движења во Србија остро ја критикуваа посетата на Зеленски. Тие ја нарекоа посетата исклучително опасна и тврдат дека таа ги демонстрира двојните стандарди на Брисел кон територијалниот интегритет на Украина и Србија, во контекст на Косово. Тие го обвинуваат Вучиќ дека „работи во корист на Западот“ и дека воената соработка на неговата влада со Украина „директно ја поткопува позицијата на Србија кон Москва“.

Група од околу сто јавни личности, претставени како „100 интелектуалци“, се спротивставија на посетата на Зеленски во отворено писмо. Тие рекоа дека неговата посета предизвикува „неизмерна национална штета и се заканува трајно да ги расипе односите со Русија“, која „го брани интегритетот на Србија во Советот за безбедност на ООН“. Во исто време, медиумите симпатизери на Вучиќ известуваат многу претпазливо за посетата на украинскиот претседател.

Извор: Индекс.хр

Тагови: Александар Вучиќ Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала до умерена облачност. 

Утре сончево и многу топло

Попладне ќе има услови за локален развој на нестабилна облачност со краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе биде во интервал од 11 до 22, а максималната ќе достигне од 32 до 39 степени.

Во Скопје, сончево и многу топло со мала до умерена облачност. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 38 степени.

Во следните денови ќе се задржи сончево и многу топло време со мала до умерена облачност во текот на денот.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Нов електричен мотор: Наместо ретки метали, користи други материјали

Повеќето модерни електрични мотори користат силни трајни магнети направени од ретки и скапи метали - се чини дека не мора да биде вака.

Нов електричен мотор: Наместо ретки метали, користи други материјали

Индискиот стартап „Vimag Labs“ тврди дека пронашол решение кое би можело да ја намали зависноста на автомобилската индустрија од гореспоменатите суровини - наместо класични магнети, компанијата користи дигитален систем за контрола кој користи софтвер и прецизна електроника за да создаде потребно магнетно поле во реално време, точно таму каде што е потребно.

Според порталот „Electrek“, клучот за иновациите не е во новиот материјал, туку во напредниот софтвер кој ја контролира работата на моторот. Основачот и директор на компанијата, Маниш Сет, наведува дека во развојот на оваа технологија се инвестирани повеќе од 87.600 инженерски часови, објавува „RevijaHAK“.

„Vimag Labs“ во меѓувреме доби патент за своето решение и собра околу 4,4 милиони евра инвестиции, додека првите прототипови веќе ги тестираат производителите на мотоцикли и автомобили.

Експертите, сепак, предупредуваат дека моторите без трајни магнети традиционално имаат еден голем недостаток - тие обично трошат повеќе електрична енергија од класичните решенија. Дали „Vimag“ успеал да го елиминира овој проблем ќе покаже само независно тестирање и сериска примена.

Целата индустрија бара алтернатива

Производителите на автомобили со години се обидуваат да ја намалат употребата на ретки метали. Тесла уште во 2023 година објави дека сака целосно да ги елиминира од следната генерација електрични мотори.

„General Motors“ и „Stellantis“ инвестираат во развој на алтернативни нитридни магнети, додека „BMW“ со години користи електрични мотори без трајни магнети. Кај нив, магнетното поле се создава со помош на калеми, но таквото решение ја зголемува масата на моторот и бара дополнителна електроника за управување со протокот на струја.

Затоа ќе биде интересно да се види дали пристапот на „Vimag Labs“ ќе претставува значаен технолошки пробив или ќе остане само интересен експеримент.

Тагови: електричен мотор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер