Македонија

СДСМ: Распад на енергетскиот систем!

Распад на системот по само нецела година од владеењето на “експертскиот“ тим на ВМРО-ДПМНЕ во секторот енергетика.

Додека, Министерката за енергетика, рударство и минерални суровини, раскажува приказни на телевизија, како секторот за енергетика почнал да се развива, откако таа е поставена за министер, во реалноста се случуваат хаварии, прво пред почетокот на викендот во рудникот Суводол, се случи хаварија на јаловинскиот систем, поради лизгање на погонската станица ОТ до одлагачот, при што нултиот јаловински систем ќе биде надвор од употреба најмалку 2 до 3 недели. И за ова замислете нема никаква информација од страна на партиското раководство на ВМРО-ДПМНЕ во ЕСМ и РЕК Битола.

Дополнително, од брифингот на министерката дознавме дека ЕСМ како најголем производител потфрлил цели 35% од својот план за производство за 2025 година, и дека истиот им бил преамбициозен. Ја прашуваме министерката за енергетика, рударство и минерални суровини која нели е експерт по енергетика, како е можно да се направи преамбизиозен план, а нели претходното раководство оставило хаос?

Второ, денес пола држава е сведок на “способното“ раководство на ВМРО-ДПМНЕ во енергетиката, како пола држава остана без струја и се разбира не е виновен никој, туку регионот па дури и цела Европа.

Граѓаните после една година, очекуваат конкретни одговори на прашањата поврзани со изградбата на новите енергетски проекти, кои ги најавуваа во својата партиска платформа 1198, меѓутоа не добија никаков одговор, туку распад на системот. После една година од министерувањето на Сања Божиновска во ново формираното министерство за енергетика, рударство и минерални суровини, можеме да заклучиме дека не се случува ама баш ништо а и министерката се однесува како да не е од тука. До кога министерке ќе се вадите на претходното раководство за вашите неостварени ветувања.

Да се потсетиме, пред само една недела, по повод блекаутот во Шпанија, министерката во изјава дадена за медиумите, тврдеше дека тоа што ни се случи во Шпанија, не може да ни се случи на нас и веднаш се докажа спротивното, односно се потврди дека министерката не знае што се случува на терен ниту во производството ниту во преносот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Украински дрон ја проби одбраната на Москва, гори рафинерија

Вонредна состојба на аеродромите, украински дрон ја оштети московската рафинерија за нафта, објави денес градоначалникот на Москва, Сергеј Собјанин.

„Во текот на изминатите 24 часа, нападите на непријателските дронови врз Москва продолжија. Едно од дроновите оштети објект на територијата на Московската рафинерија за нафта.

Немаше жртви“, напиша Собјанин на платформата Max, пренесува РИА Новости.

Седиштето на Министерството за вонредни ситуации во Москва потоа објави дека пожарот на територијата на компанијата е локализиран и дека ситуацијата е под контрола.

Moscow oil refinery right now 🔥

Note the anti-drone nets that clearly didn't help much 🤭 pic.twitter.com/sL0l1oxPUH
— Kate from Kharkiv (@BohuslavskaKate) June 16, 2026

Собјанин рече дека од почетокот на денот, системите за воздушна одбрана собориле 60 дронови што летале кон градот.

Аеродромите Домодедово, Шереметјево и Внуково привремено воведоа ограничувања за пристигнување и заминување на авиони, според руската агенција.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јошко Гвардиол останува во Манчестер Сити

Хрватскиот репрезентативец Јошко Гвардиол дефинитивно решил да го одбие Реал мадрид и да остане верен на Манчестер Сити до 2031 година.

Јошко Гвардиол останува во Манчестер Сити. По месеци шпекулации за можен трансфер во Реал Мадрид, хрватскиот репрезентативец стави крај на сите гласини и потпиша нов договор со англискиот гигант.

Веста прв ја објави познатиот фудбалски инсајдер Фабрицио Романо, кој потврди дека договорот е склучен и дека Гвардиол ќе остане на „Етихад“ до летото 2031 година.

Раководните луѓе на Манчестер Сити одлучија да го наградат хрватскиот дефанзивец со подобрени финансиски услови, сметајќи го за еден од најважните играчи на клубот за сегашноста и иднината.

Откако пристигна во Манчестер Сити во 2023 година, Гвардиол прерасна во еден од најпочитуваните дефанзивци во европскиот фудбал.

Неговата способност да игра како централен и лев бек, како и сигурноста при изнесување на топката од својата половина, го направи важен дел од системот. Новиот спортски директор Уго Вијана и тренерот Енцо Мареска наводно инсистирале клубот што поскоро да го заврши продолжувањето на договорот со хрватскиот репрезентативец.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Цената на нафтата продолжува да паѓа

Цената на нафтата на светските берзи паѓа четврти ден по ред.

Според податоците што ги објави медиумот CNBC, фјучерсите за сурова нафта Брент, кој е меѓународен репер, паднаа за 0,53 проценти и се тргуваа на 82,74 долари рано утрово. Истовремено, фјучерсите за сурова нафта од Западен Тексас (WTI) за испорака во јули паднаа за 0,41 проценти, спуштајќи се на 80,44 долари.

Фјучерсите за нафта забележаа кус раст преку ноќ пред целосно да го сменат курсот, откако во претходната сесија паднаа на најниското ниво регистрирано од 4 март. Оваа нестабилност на пазарот ја одразува долготрајната неизвесност околу целосните услови на мировната рамка договорена меѓу САД и Иран.

Тагови: нафта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.